OMIPESA NA MOSALA YA KOSAKOLA | BAKISÁ ESENGO NA YO NA MOSALA YA KOSAKOLA
Salisá bato oyo oyekolaka na bango Biblia bákóma baninga ya Yehova
Yehova alingaka tósalela ye mpo tolingaka ye. (Mt 22:37, 38) Bolingo mpo na Nzambe nde ekosala ete bayekoli ya Biblia básala bambongwana oyo esengeli mpe báyika mpiko na mikakatano. (1Yn 5:3) Bolingo mpo na Nzambe nde ekotinda bango bázwa batisimo.
Salisá bayekoli na yo ya Biblia bámona ete Nzambe alingaka bango. Tuná bango boye: “Likambo oyo eteyi yo nini mpo na Yehova?” to “Ndenge nini yango emonisi ete Nzambe alingaka yo?” Salisá bango bámona ndenge oyo Yehova azali kosalisa bango. (2Nt 16:9) Bɛtelá bango mwa masolo oyo emonisi ndenge oyo Yehova ayanolaki na mabondeli na yo ya sikisiki, mpe lendisá bango báluka koyeba ndenge oyo Yehova azali mpe koyanola na mabondeli na bango. Tozalaka na esengo mpenza ntango tomonaka ete bayekoli ya Biblia bazali komiyoka ete Yehova alingaka bango, mpe bazali komonisa ete balingaka Yehova mpe balingi kokóma baninga na ye.
TALÁ VIDEO SALISÁ BATO OYO OYEKOLAKA NA BANGO BIBLIA BÁKÓMA BANINGA YA YEHOVA, MPE NA NSIMA YANOLÁ NA MITUNA OYO:
-
Mokakatano nini Rose akutanaki na yango?
-
Ndenge nini Neeta asalisaki Rose?
-
Ndenge nini Rose alongaki mokakatano yango?
