Esɛngaka kozala na kondima mpo na kotika bandeko na yo ya libota mpe kokende kofanda esika mosusu mpo na kosala mingi na mosala ya kosakola. (Ebr 11:8-10) Soki ozali kokanisa kokende esika mposa ya basakoli ezali mingi, sololá na bankulutu ya lisangá na bino. Makambo nini ya ntina okoki kotalela mpo oyeba esika malamu ya kokende mpe soki okokoka kokokisa mokano yango? Tángá na mikanda na biso masolo oyo elobeli kokende kosala esika mposa ya basakoli ezali mingi. Sololá na bandeko oyo bazwaki matomba ndenge bakendaki kopesa mabɔkɔ na masangá mosusu. (Mas 15:22) Bondelá Yehova mpo asalisa yo. (Yak 1:5) Luká koyeba makambo etali esika olingi kokende, mpe soki likoki ezali, kende kotala esika yango mwa mikolo liboso ozwa ekateli.

TALÁ VIDEO NA KONDIMA, KƆTÁ NA PORTE OYO EZALI KOPESA NZELA NA MOSALA​—KENDE KOSAKOLA ESIKA MPOSA EZALI MINGI, NA NSIMA YANOLÁ NA MOTUNA OYO:

• Makambo nini ezalaki kotungisa Gabriel mpo azwa ekateli, mpe nini esalisaki ye?