BÓSƐNZƐLAKA!
Molunge makasi na mokili mobimba—Biblia elobi nini?
Na sanza ya 07/2022, molunge ezalaki makasi na ndenge oyo esalemá naino te na mokili mobimba. Talá oyo balapolo emonisi:
“Mpo na mbala ya mibale na sanza oyo, bakonzi ya ekólo Chine bazali kokebisa bato ete molunge ekozala makasi mpenza na bingumba pene na 70.”—25/07/2022, shɛni ya TV CNN.
“Lokola na mpoto mobimba molunge ekómi makasi mingi, yango esali ete mɔtɔ ya zamba epela na ndenge ya nsɔmɔ mpenza na bikólo mingi.”—17/07/2022, zulunalo The Guardian.
“Na mokolo ya lomingo, molunge ezalaki makasi na ndenge oyo esalemá naino te na bingumba mingi na États-Unis. Molunge yango ezalaki na bingumba oyo ezalaka na ɛsti, na bisika mosusu na sudi mpe na etúká oyo babengaka Midwest.”—24/07/2022, zulunalo The New York Times.
Tokoloba nini mpo na makambo oyo? Mabele ekozala lisusu te esika malamu mpo na kofanda? Biblia elobi nini?
Biblia esakolaki ete molunge makasi boye ekozala?
Ɛɛ. Molunge makasi oyo ezali na mokili mobimba ekokani na makambo oyo Biblia elobaki ete ekosalema na mikolo na biso. Na ndakisa, Yesu asakolaki ete tokomona “makambo ya nsɔmɔ,” to “bilembo minɛnɛ.” (Luka 21:11; Biblia Haut fleuve) Lokola molunge ekómi makasi, bato mingi bazali kobanga ete makambo oyo bato bazali kosala ebebisa lisusu mokili mpe ekóma mpasi kofanda na mabele.
Bato bakofanda lisusu te na mabele?
Te. Nzambe asalaki mabele mpo bato báfanda wana libela na libela. (Nzembo 115:16; Mosakoli 1:4) Akotika te ete bato bábebisa mabele. Kutu, ‘akobebisa baoyo bazali kobebisa mabele,’ kaka ndenge asakolaki yango.—Emoniseli 11:18.
Talá makambo mibale kati na makambo mingi oyo Nzambe akosala mpo mabele:
“Esobe mpe etúká oyo ezangá mai ekosepela, mpe mokili patatalu oyo ekauká ekozala na esengo mpe ekobimisa bafololo lokola safra.” (Yisaya 35:1) Nzambe akotika te ete mabele mobimba ekauká makasi mpe eloko moko te ezala na likoki ya kofanda na kati. Kasi akobongisa bisika na yango oyo ebebá.
“Otyeli mabele likebi na yo, mpo opesa yango biloko ebele; ozali kokómisa yango na bozwi mingi mpenza.” (Nzembo 65:9) Nzambe akokómisa mabele paradiso.
Mpo na koyeba makambo mosusu oyo etali ndenge oyo kobeba ya klima ezali kokokisa bisakweli ya Biblia, tángá lisolo “Les changements climatiques et notre avenir : qu’en dit la Bible?”
Mpo na koyeba makambo mosusu oyo etali esakweli ya Biblia oyo emonisi ete klima ekobonga, tángá lisolo “Qui sauvera la terre?”
Talá mpe...
MAKAMBO MOSUSU
Biblia ekoki kosalisa yo oyika mpiko na makama oyo eutaka na kobeba makasi ya klima?
Toli ya Biblia ekoki kosalisa yo liboso, na ntango, mpe nsima ya makama oyo eutaka na kobeba makasi ya klima.
BIYANO NA MITUNA YA BIBLIA
Elembo ya “mikolo ya nsuka,” to ‘ntango ya suka’ ezali nini?
Biblia elobeli makambo oyo ekosalema liboso “suka ya mokili” eya.
MATEYA MPENZA YA BIBLIA
Mpo na nini Nzambe akelaki mabele?
Mabele etondi na biloko kitoko mpenza. Akabolá yango na moi na ntaka oyo ebongi mpenza, atyá na ndenge etɛngamá malamu mpe atyá yango ebalukaka na vitɛsi oyo ebongi. Mpo na nini Nzambe asalaki milende mingi ndenge wana mpo na kokela mabele kitoko oyo?
MAKAMBO MOSUSU
Biblia elobi ete bomoi na biso ekozala ndenge nini na mikolo ezali koya lokola klima ezali kobongwana—Biblia elobi nini?
Mozalisi ya molɔngɔ akipaka mabele mpe bato oyo bafandi na kati na yango?
BIYANO NA MITUNA YA BIBLIA
Mabele ekobebisama?
Biblia elobeli polele mokano ya Nzambe mpo na mabele na biso.
MATEYA YA BIBLIA
Meká boyekoli na biso ya Biblia
Bandá boyekoli ya Biblia ofele mpe talá makambo oyo esengeli kosala.
