25/6/2019
ALLEMAGNE
Berlin, Allemagne—Liyangani oyo esangisaka mikili mingi ya Batatoli ya Yehova 2019 “Bolingo esilaka soki moke te”!
Dati: 14-16/06/2019
Esika: Stade Olympique na Berlin, na ekólo Allemagne
Programɛ esalemaki na minɔkɔ oyo: Anglais, Allemand, Russe
Motángo eleki monene: 37 115
Bato oyo bazwaki batisimo: 255
Bandeko oyo bautaki na mikili ndenge na ndenge: 5 000
Bafiliale oyo ebengisamaki: Brésil, Grande-Bretagne, Canada, Équateur, Finlande, Grèce, Pologne, Scandinavie, Slovénie, États-Unis
Likambo oyo ebendaki likebi ya bato: Bandeko oyo bautaki na mikili ndenge na ndenge bakendaki kotala Musée ya Proche-Orient na Berlin liboso mpe nsima ya liyangani. Nsima ya kotala bandeko na biso ndenge bazali kotala musée yango, mobateli moko ya musée yango alobaki boye: “Bato mingi bazalaka na elikya te mpo bazalaka na kondima te. Kasi, emonani mpenza ete bino bozali na kondima mpe bolinganaka mpenza.” Mobateli mosusu alobaki boye: “Kolekisa ntango elongo na bato oyo bayei kotala esika oyo lokola bino, emonanaka lokola ngonga elekaka noki mpe nalingaka kosala ata nsima ya ngonga ya mosala.”
Bandeko ya Allemagne bazali koyamba bandeko oyo bauti na mikili ndenge na ndenge na libándá ya mpɛpɔ
Bandeko basangani na lopango esika ya liyangani
Bandeko oyo bauti na mikili ndenge na ndenge balati bilamba ya mboka na bango batɛlɛmi mpo na kokanga fɔtɔ
Ndeko Samuel Herd, ya Lisangani ya Mikóló-Bakambi, azali kosala diskur ya nsuka ya mokolo ya pɔsɔ
Bandeko oyo bauti na mikili ndenge na ndenge bazali kolanda programɛ ya liyangani na Anglais mpe bazali kozwa banɔti. Bayangani mibale bazali koyoka programɛ na monɔkɔ mosusu na nzela ya telefone
Bandeko bazali kotala ndenge bazali kobatisa bato na mokolo ya pɔsɔ
Bandeko oyo bamipesá kaka na mosala ya ntango nyonso oyo bayei na liyangani bazali kopepa mabɔkɔ mpo na kopesa mbote ya bokabwani na mokolo ya lomingo ya liyangani
Stade Olympique na Berlin, basalisaki kotonga yango na 1936, fɔtɔ oyo bakangaki na mokolo ya liboso ya liyangani. Stade yango esalelamaki libosoliboso mpo na kolobela lisolo ya liyangani oyo esangisaka mikili mingi oyo esalemaki na Berlin na 1990 nsima ya kokwea ya efelo yango
Bandeko oyo bauti na mikili ndenge na ndenge bazali kopesa litatoli na bisika ya bato nyonso liboso ya porte ya Brandenbourg na Berlin
Bandeko oyo bauti na mikili ndenge na ndenge bayangani na veranda ya lopango, pene na Musée ya Proche-Orient
Bayangani bazali kobɛta mabɔkɔ na nsuka ya liyangani na mpokwa
Talá mpe...
OLINGI KOYEBA BISO?
Yanganá na liyangani ya etúká ya 2024—‘Sakolá nsango malamu!’
Tozali na esengo ya kobengisa yo na liyangani ya etúká ya mbula oyo ya Batatoli ya Yehova ya mikolo misato ya mbula.
