Na mokolo ya 05/04/2020, mopɛpɛ makasi na nkombo Harold (catégorie 5), ebebisaki mpenza kobebisa bisanga ya Vanuatu na nɔrdi. Na mokolo ya 08/04/2020, mopɛpɛ yango ekendaki tii na sudi-ɛsti mpe ebɛtaki na bisika mosusu na sudi-wɛsti ya bisanga ya Fidji, mpe ebebisaki mpenza kobebisa kaka ndenge esalaki na bisanga ya Vanuatu. Balapolo ya liboso emonisi ete ndeko na biso ata moko te azokaki to akufaki.

Basakoli soki 280 bafandaka na Espiritu Santo, esanga ya monene mpenza mpe oyo ezali na nɔrdi mpenza ya esanga ya Vanuatu. Bandako ná bilanga ebebaki mingi na esanga yango mpe na bisanga mosusu ya pembenipembeni. Na Fidji, bandako ya basakoli koleka 260 ebebaki mpenza. Mai ná kura ekatanaki mpe biloko ya kolya ezalaki mingi te.

Betele ya Fidji ezwaki bibongiseli ya kokabolela bandeko biloko oyo basengelaki na yango. Bankulutu bazali kolendisa bato oyo babungisi biloko na bango na bisanga yango. Tozali na esengo ete bandeko na biso oyo bazali na bisanga wana bazali kozwa biloko ya mosuni oyo basengeli na yango mpe lisusu bazali kozwa libɔndisi na Biblia.​—Masese 17:17.