13/7/2018
RUSSIE
Mbala ya liboso bákanga mwasi ná mobali na ye oyo bazali Batatoli ya Yehova na Russie
Bakonzi ya Leta ya Russie na etúká ya Omsk, bakatelaki mobali moko na nkombo, Sergey Polyakov ná mwasi na ye, Anastasia, oyo bazali Batatoli ya Yehova etumbu ya bolɔkɔ ya mwa ntango na mokolo ya 6/07/2018. Oyo ezali mbala ya liboso bákanga ndeko ya mwasi na bolɔkɔ banda Tribinale monene ezwaki ekateli ya kopekisa misala ya Batatoli ya Yehova na Russie.
Centre moko (SOVA) ya makambo etali kopesa bansango, oyo ezalaka na Moscou elobaki boye mpo na likambo yango: “Tomoni ete ekateli yango mpe ndenge bazali konyokola Batatoli ya Yehova na Russie eyokani te na mibeko mpe tozali kotalela yango lokola likambo ya kokanisela basusu mabe mpo na lingomba na bango.”
Sikoyo ezali na bandeko mibali 21 mpe ndeko mwasi moko oyo batye bango na bolɔkɔ na Russie mpo na kondima na bango. Tozali kokoba kobondela ete bázala na mpiko, mpo toyebi ete Yehova nde Mosungi na bango ya libela.—Baebre 13:6.
Talá mpe...
BANSANGO YA SIKA
Mituna-lisolo: bandeko basi mitano balobeli ndenge bapolisi bakɔtelaki bango na ndako na Ufa, Russie
Bato oyo basalaka ankɛtɛ mpe bapolisi bakɔtelaki Batatoli mingi mpe bazalaki kolukaluka na bandako na bango. Bandeko basi mitano ya Ufa, na kati na bango mwasi ya Tolya, Alyona azalaki, balobi ndenge bakɔtelaki bango etungisaki bango makasi.
BANSANGO YA SIKA
Russie: Bakɔtisaki Batatoli ya Yehova mosusu na bolɔkɔ nsima ya kokɔtela bango na bandako
Bakonzi ya Russie babandaki kampanye ya konyokola Batatoli ya Yehova mpe bakangaki mpe bakɔtisaki mingi na bango na bolɔkɔ mpo bazali kosala makambo na bango ya losambo.
BANSANGO YA SIKA
Kampanye ya konyokola Batatoli ya Yehova ebandi na Russie
Lokola bakonzi ya Russie bakangi bibongiseli ya Batatoli ya Yehova oyo eyebani na Leta, bakómi sikoyo kolandela moto mokomoko mpe losambo na bango.
BANSANGO YA SIKA
Bakangami mpo na kondima na bango—Russie
Bato ya sireté (FSB) bakangaki Dennis Christensen mpo ayanganaki na likita ya losambo ya Batatoli ya Yehova oyo ezalaki kosalema na kimya nyonso na Orel, Russie.