Banani bakendaka na lifelo?
Eyano ya Biblia
Lifelo (“Sheol” mpe “Hades” na minɔkɔ oyo bakomaki na yango Biblia) ezali kaka nkunda, kasi te esika ya kozika na mɔtɔ. Banani bakendaka na lifelo? Ná bato ya malamu ná bato ya mabe. (Yobo 14:13; Nzembo 9:17) Biblia elobi ete nkunda yango ya bato nyonso ezali “ndako ya koyangana ya bato nyonso oyo bazali na bomoi.”—Yobo 30:23.
Ata Yesu mpe akendaki na lifelo ntango akufaki. Kasi, “atikalaki na lifelo te,” mpo Nzambe asekwisaki ye.—Misala 2:31, 32, The Bible in Basic English.
Lifelo ekozala libela na libela?
Bato nyonso oyo bakendaka na lifelo bakozonga na bomoi; Yesu akosekwisa bango na nguya oyo Nzambe akopesa ye. (Yoane 5:28, 29; Misala 24:15) Esakweli oyo ezali na Emoniseli 20:13, elobeli lisekwa oyo ekosalema na mikolo ekoya, elobi ete “liwa mpe lifelo ezongisi bakufi oyo bazalaki kati na yango.” (King James Version) Lokola ekotikala polele, lifelo ekozala lisusu te; moto moko mpe te akokende lisusu kuna mpo “liwa ekozala lisusu te.”—Emoniseli 21:3, 4; 20:14.
Nzokande, bakufi nyonso bakendaka na lifelo te. Biblia emonisi ete bato mosusu bakobongola motema te, mpo mabe ekɔtela bango tii na mikuwa. (Baebre 10:26, 27) Bato ya ndenge wana soki bakufi, bakendaka na lifelo te, kasi na Gehena, oyo elimboli liwa ya seko. (Matai 5:29, 30) Na ndakisa, Yesu amonisaki ete bakonzi mosusu ya mangomba oyo bazalaki bakosi na mikolo na ye bakokende na Gehena.—Matai 23:27-33.
Talá mpe...
BIYANO NA MITUNA YA BIBLIA
Lifelo ezali nini? Ezali esika ya kozika na mɔtɔ libela na libela?
Bato ya mabe bakendaka na lifelo? Ezali lifuti ya lisumu? Tángá biyano ya Biblia na mituna yango.
MATEYA YA NTINA MINGI YA BIBLIA
Lifelo ezali mpenza esika ya monyoko?
Biblia eyebisi ete lokola “Nzambe azali bolingo,” akoki te konyokola bato mpo na mabunga na bango ya kala.
BIYANO NA MITUNA YA BIBLIA
Laki ya mɔtɔ ezali nini? Ezali ndenge moko na lifelo to na Gehena?
Yesu azali na “bafungola ya lifelo,” kasi azali mpe na fungola ya laki ya mɔtɔ?
LINƆ́NGI YA MOSƐNZƐLI
Nzambe anyokolaka bato na lifelo?
Tozali na ntina mpenza ya kondima ete Nzambe azali sembo, ata ntango apesi bato mabe etumbu.
MATEYA MPENZA YA BIBLIA
Moto akómaka ndenge nini soki akufi?
Biblia elobeli ntango oyo bato mingi bakosekwa kaka ndenge Lazare asekwaki.
MATEYA YA BIBLIA
Meká boyekoli na biso ya Biblia
Bandá boyekoli ya Biblia ofele mpe talá makambo oyo esengeli kosala.