ພະນິມິດທີ່ເປີດເຜີຍໃຫ້ໂຢຮັນ 15:1-8
15 ແລ້ວຂ້ອຍກໍເຫັນເຫດການສຳຄັນແລະການອັດສະຈັນອີກຢ່າງໜຶ່ງໃນສະຫວັນທີ່ມີຄວາມໝາຍເປັນໄນ. ມີທູດສະຫວັນ 7 ອົງ+ກັບໄພພິບັດ 7 ຢ່າງ. ໄພພິບັດເຫຼົ່ານີ້ເປັນໄພພິບັດ 7 ຢ່າງສຸດທ້າຍ ຍ້ອນວ່າເມື່ອໄພພິບັດທັງໝົດນີ້ຜ່ານໄປແລ້ວ ພະເຈົ້າກໍຈະເຊົາໃຈຮ້າຍ.+
2 ແລ້ວຂ້ອຍກໍເຫັນສິ່ງທີ່ເປັນຄືທະເລແກ້ວ+ປົນໄຟ ແລະເຫັນຄົນກຸ່ມໜຶ່ງຢືນຢູ່ແຄມທະເລແກ້ວ. ເຂົາເຈົ້າໄດ້ຊະນະ+ສັດຮ້າຍແລະຮູບປັ້ນຂອງມັນ+ກັບເລກທີ່ເປັນຊື່ຂອງມັນ.+ ເຂົາເຈົ້າຖືພິນຂອງພະເຈົ້າ.
3 ເຂົາເຈົ້າກຳລັງຮ້ອງເພງຂອງໂມເຊ+ທາດຂອງພະເຈົ້າແລະເພງຂອງແກະນ້ອຍຂອງພະເຈົ້າ.+ ເຂົາເຈົ້າຮ້ອງວ່າ:
“ພະເຢໂຫວາ*ພະເຈົ້າຜູ້ມີລິດເດດສູງສຸດ+ ສິ່ງທີ່ພະອົງເຮັດນັ້ນຍິ່ງໃຫຍ່ແລະອັດສະຈັນ.+ ພະອົງເປັນກະສັດຕະຫຼອດໄປ.+ ແນວທາງຂອງພະອົງຖືກຕ້ອງແລະເປັນຄວາມຈິງ.+
4 ພະເຢໂຫວາ* ຜູ້ໃດຈະບໍ່ຢ້ານຢຳພະອົງແລະຍ້ອງຍໍສັນລະເສີນຊື່ຂອງພະອົງ ຍ້ອນພະອົງຜູ້ດຽວພັກດີ?+ ທຸກຊາດຈະມານະມັດສະການຕໍ່ໜ້າພະອົງ+ຍ້ອນເຂົາເຈົ້າເຫັນແລ້ວວ່າກົດໝາຍຂອງພະອົງຍຸຕິທຳ.”
5 ຫຼັງຈາກນັ້ນ ຂ້ອຍກໍເຫັນບ່ອນບໍລິສຸດ*ຂອງເຕັ້ນສັກສິດ+ຖືກເປີດອອກໃນສະຫວັນ.+
6 ແລ້ວທູດສະຫວັນ 7 ອົງທີ່ມີໄພພິບັດ 7 ຢ່າງ+ກໍອອກມາຈາກບ່ອນບໍລິສຸດນັ້ນ. ເຂົາເຈົ້ານຸ່ງເຄື່ອງທີ່ເປັນຜ້າລີນິນສະອາດສົດໃສແລະມີຜ້າທີ່ເປັນຄຳພັນອ້ອມເອິກ.
7 ແລ້ວສິ່ງທີ່ມີຊີວິດໂຕໜຶ່ງໃນ 4 ໂຕນັ້ນກໍເອົາຂັນຄຳ 7 ໜ່ວຍໃຫ້ທູດສະຫວັນ 7 ອົງ. ໃນຂັນມີແຕ່ຄວາມໃຈຮ້າຍຂອງພະເຈົ້າ+ຜູ້ມີຊີວິດຢູ່ຕະຫຼອດໄປ.
8 ແລ້ວບ່ອນບໍລິສຸດນັ້ນກໍມີແຕ່ຄວັນຍ້ອນແສງລັດສະໝີ+ແລະອຳນາດຂອງພະເຈົ້າ. ບໍ່ມີຜູ້ໃດຈະເຂົ້າໄປໃນບ່ອນບໍລິສຸດນັ້ນໄດ້ຈົນກວ່າໄພພິບັດ 7 ຢ່າງ+ຂອງທູດສະຫວັນ 7 ອົງນັ້ນຈະເຊົາ.
