ສຸພາສິດ 30:1-33
30 ນີ້ແມ່ນຂ່າວສານທີ່ສຳຄັນທີ່ຂຽນໂດຍອາກູລູກຊາຍຂອງຢາເກ. ລາວເວົ້າຄຳເຫຼົ່ານີ້ກັບອີທິເອນແລະອູການ.
2 ຂ້ອຍບໍ່ຮູ້ຫຼາຍເທົ່າຄົນອື່ນ.+ຂ້ອຍເປັນຄົນທີ່ບໍ່ມີຄວາມເຂົ້າໃຈແບບທີ່ມະນຸດຄວນມີ.
3 ຂ້ອຍຍັງບໍ່ໄດ້ຮຽນກ່ຽວກັບສະຕິປັນຍາແລະຂ້ອຍບໍ່ມີຄວາມຮູ້ຂອງພະເຈົ້າອົງບໍລິສຸດ.
4 ໃຜເປັນຜູ້ທີ່ຂຶ້ນໄປແລະລົງມາຈາກສະຫວັນ?+
ໃຜເປັນຜູ້ທີ່ລວບລວມລົມໄວ້ໃນຝາມືທັງສອງເບື້ອງ?
ໃຜເປັນຜູ້ທີ່ເອົາເຄື່ອງນຸ່ງຫຸ້ມນ້ຳໄວ້?+
ໃຜເປັນຜູ້ກຳນົດ*ເສັ້ນຂອບຟ້າທັງໝົດໄວ້?+
ຊື່ຂອງເພິ່ນແລະຊື່ລູກຊາຍຂອງເພິ່ນແມ່ນຫຍັງ? ຖ້າເຈົ້າຮູ້ບອກຂ້ອຍໄດ້ບໍ?
5 ຄຳເວົ້າທັງໝົດຂອງພະເຈົ້າເປັນຄຳເວົ້າທີ່ບໍລິສຸດ.*+
ເພິ່ນເປັນໂລ້ສຳລັບຄົນທີ່ໄປລີ້ໄພຢູ່ນຳເພິ່ນ.+
6 ຢ່າຕື່ມຫຍັງເຂົ້າໄປໃນຄຳເວົ້າຂອງພະເຈົ້າ+ຄັນບໍ່ຊັ້ນ ເພິ່ນຈະຕຳໜິເຈົ້າແລະເຈົ້າຈະກາຍເປັນຄົນຂີ້ຕົວະ.
7 ພະເຈົ້າເອີ້ຍ ລູກຂໍ 2 ຢ່າງ.
ຂໍພະອົງໃຫ້ລູກກ່ອນທີ່ລູກຈະຕາຍ.
8 ຂໍພະອົງຊ່ວຍລູກໃຫ້ຫຼີກລ່ຽງຄວາມບໍ່ສັດຊື່ແລະການເວົ້າຕົວະ.+
ລູກບໍ່ຢາກເປັນຄົນທຸກແລະກໍບໍ່ຢາກເປັນຄົນລວຍ.
ລູກຂໍແຕ່ມີອາຫານພໍກິນເທົ່ານັ້ນ.+
9 ຖ້າລູກມີທຸກສິ່ງທີ່ລູກຢາກໄດ້ ລູກອາດຈະບໍ່ສັດຊື່ຕໍ່ພະອົງແລະເວົ້າວ່າ: “ພະເຢໂຫວາແມ່ນໃຜ?”+
ແລະຖ້າລູກເປັນຄົນທຸກ ລູກກໍຈະໄປລັກເຄື່ອງຄົນອື່ນແລະເຮັດໃຫ້ຊື່ຂອງພະອົງບໍ່ໄດ້ຮັບຄວາມນັບຖື.
10 ຢ່າໃສ່ຮ້າຍຄົນຮັບໃຊ້ໃຫ້ເຈົ້ານາຍຟັງຄັນບໍ່ຊັ້ນ ລາວຈະສາບແຊ່ງເຈົ້າແລະເຈົ້າຈະມີຄວາມຜິດ.+
11 ມີຄົນກຸ່ມໜຶ່ງ*ທີ່ສາບແຊ່ງພໍ່ຂອງໂຕເອງແລະບໍ່ໃຫ້ກຽດແມ່ຂອງໂຕເອງ.+
12 ມີຄົນກຸ່ມໜຶ່ງທີ່ຄິດວ່າໂຕເອງເປັນຄົນສະອາດ+ແຕ່ແທ້ໆແລ້ວຍັງບໍ່ໄດ້ຖືກລ້າງໃຫ້ສະອາດຈາກແນວເປື້ອນ*ຂອງໂຕເອງ.
13 ມີຄົນກຸ່ມໜຶ່ງເປັນຄົນຍິ່ງແລະຈອງຫອງຫຼາຍ.+
14 ມີຄົນກຸ່ມໜຶ່ງມີແຂ້ວຄືກັບດາບແລະມີຄາງກະໄຕຄືກັບມີດທີ່ໃຊ້ຂ້າສັດ.ເຂົາເຈົ້າກັດກິນຄົນຕ່ຳຕ້ອຍແລະກັດກິນຄົນທຸກທີ່ຢູ່ໃນໂລກນີ້.+
15 ປີງມີລູກໂຕແມ່ 2 ໂຕທີ່ຮ້ອງວ່າ: “ຂໍອີກແດ່! ຂໍອີກແດ່!”
ມີ 3 ສິ່ງທີ່ບໍ່ເຄີຍຮູ້ຈັກອີ່ມແລະມີ 4 ສິ່ງທີ່ບໍ່ເຄີຍເວົ້າວ່າ: “ພໍແລ້ວ!”
16 ນັ້ນກໍຄື: ຂຸມຝັງສົບ*+ ຜູ້ຍິງທີ່ເປັນໝັນແຜ່ນດິນທີ່ຂາດແຄນນ້ຳ ແລະໄຟ.ສິ່ງເຫຼົ່ານີ້ບໍ່ເຄີຍເວົ້າວ່າ: “ພໍແລ້ວ!”
17 ຄົນທີ່ເຍາະເຍີ້ຍພໍ່ແລະບໍ່ເຊື່ອຟັງແມ່+ຈະຖືກໂຕກາຢູ່ຮ່ອມພູ*ຈິກໜ່ວຍຕາອອກມາແລະນົກອິນຊີນ້ອຍຈະມາສັບກິນໜ່ວຍຕານັ້ນ.+
18 ມີ 3 ສິ່ງທີ່ຂ້ອຍເຂົ້າໃຈບໍ່ໄດ້*ແລະມີ 4 ສິ່ງທີ່ຂ້ອຍບໍ່ເຂົ້າໃຈ
19 ນັ້ນກໍຄື: ນົກອິນຊີທີ່ບິນຢູ່ເທິງຟ້າງູທີ່ເລືອຢູ່ເທິງກ້ອນຫີນເຮືອທີ່ແລ່ນຢູ່ໃນທະເລແລະການກະທຳຂອງຜູ້ຊາຍໃນຍາມທີ່ລາວຢູ່ກັບຜູ້ຍິງ.
20 ຜູ້ຍິງທີ່ຫຼິ້ນຊູ້ມັກເຮັດແນວນີ້:
ເມື່ອລາວກິນແລ້ວໆ ລາວກໍເຊັດປາກແລະເວົ້າວ່າ: “ຂ້ອຍບໍ່ໄດ້ເຮັດຫຍັງຜິດ.”+
21 ມີ 3 ສິ່ງທີ່ເຮັດໃຫ້ໂລກສັ່ນແລະມີ 4 ສິ່ງທີ່ຄົນທົນບໍ່ໄດ້
22 ນັ້ນກໍຄື: ເມື່ອທາດປົກຄອງເປັນກະສັດ+ເມື່ອຄົນໂງ່ໂລບມາກແລະກິນຫຼາຍໂພດ
23 ເມື່ອຜູ້ຍິງທີ່ເປັນຕາຊັງໄດ້ຜົວແລະເມື່ອສາວໃຊ້ຂຶ້ນມາແທນທີ່ເຈົ້ານາຍຜູ້ຍິງຂອງລາວ.+
24 ມີສິ່ງທີ່ມີຊີວິດ 4 ຊະນິດທີ່ເປັນສັດໂຕນ້ອຍໆແຕ່ພວກມັນສະຫຼາດຫຼາຍ.*+
25 ໂຕມົດເປັນສັດທີ່ບໍ່ແຂງແຮງແຕ່ພວກມັນກໍສະສົມອາຫານໄວ້ໃນລະດູຮ້ອນ.+
26 ໂຕຣັອກແບດເຈີ້*+ບໍ່ມີເຫື່ອແຮງຫຼາຍແຕ່ພວກມັນກໍສ້າງເຮືອນໄວ້ໃນຫຼືບຫີນ.+
27 ໂຕຕັກກະແຕນ+ບໍ່ມີກະສັດປົກຄອງແຕ່ພວກມັນກໍອອກໄປຢ່າງເປັນລະບົບລະບຽບ.*+
28 ໂຕກັບໂກ້+ຍ່າງຢູ່ເທິງຝາໄດ້ໂດຍບໍ່ຕົກລົງມາແລະມັນກໍເຂົ້າໄປໃນວັງຂອງກະສັດ.
29 ມີ 3 ສິ່ງທີ່ຍ່າງໄປແບບໜ້າປະທັບໃຈແລະມີ 4 ສິ່ງທີ່ຍ່າງແບບສະຫງ່າງາມ
30 ນັ້ນກໍຄື: ໂຕສິງເຊິ່ງເປັນສັດປ່າທີ່ແຂງແຮງທີ່ສຸດ.ມັນບໍ່ຍອມຖອຍຈາກຜູ້ໃດເລີຍ.+
31 ໝາລ່າສັດ ແບ້ໂຕຜູ້ແລະກະສັດທີ່ມີກອງທະຫານຂອງລາວຢູ່ນຳ.
32 ຖ້າເຈົ້າຊົມເຊີຍໂຕເອງແບບໂງ່ໆ+ຫຼືຖ້າເຈົ້າຄິດຈະຍົກຍ້ອງໂຕເອງກໍໃຫ້ເຈົ້າເອົາມືອັດປາກໂຕເອງໄວ້.+
33 ຄືກັບທີ່ການຕີນ້ຳນົມແຮງໆເຮັດໃຫ້ໄດ້ເນີຍແລະຄືກັບທີ່ການບີບດັງເຮັດໃຫ້ເລືອດໄຫຼອອກມາການຍົວະໃຫ້ໃຈຮ້າຍກໍເຮັດໃຫ້ຜິດຖຽງກັນ.+
ຂໍ
^ ແປຕາມໂຕວ່າ “ຍົກຂຶ້ນ”
^ ຫຼື “ຖືກຫຼອມໃນເຕົາໄຟແລ້ວ”
^ ແປຕາມໂຕວ່າ “ຄົນລຸ້ນໜຶ່ງ”
^ ແປຕາມໂຕວ່າ “ຂີ້”
^ ເບິ່ງສ່ວນອະທິບາຍຄຳສັບ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ ຫຼື “ທີ່ເປັນຕາງຶດຫຼາຍສຳລັບຂ້ອຍ”
^ ຫຼື “ສະຫຼາດຕາມສັນຊາດຕະຍານ”
^ ຮູບຮ່າງຄ້າຍຄືໂຕໜູ ແຕ່ມີຂະໜາດໃຫຍ່ຫຼາຍແລະບໍ່ມີຫາງ ອາໄສຢູ່ຕາມຫີນຜາ
^ ຫຼື “ແຕ່ພວກມັນກໍແບ່ງເປັນກຸ່ມໆແລະອອກໄປ”
