ເພງສັນລະເສີນ 102:1-28
ຄຳອະທິດຖານຂອງຄົນທີ່ຖືກກົດຂີ່ຂົ່ມເຫງ ຕອນທີ່ລາວໝົດຫວັງ*ແລະລະບາຍຄວາມໃນໃຈໃຫ້ພະເຢໂຫວາຟັງ.+
102 ພະເຢໂຫວາເອີ້ຍ ຂໍພະອົງຟັງຄຳອະທິດຖານຂອງລູກ+ແລະຂໍໃຫ້ສຽງຄຳຮ້ອງຂໍຄວາມຊ່ວຍເຫຼືອຂອງລູກໄປຮອດພະອົງ.+
2 ຂໍພະອົງຢ່າປິ່ນໜ້າໜີ*ຈາກລູກຕອນທີ່ລູກທຸກໃຈ.+
ຂໍພະອົງກົ້ມລົງມາແລະຟັງລູກ.*ຕອນທີ່ລູກເອີ້ນພະອົງ ຂໍພະອົງຕອບລູກໄວໆ.+
3 ຊີວິດຂອງລູກກຳລັງຫາຍໄປຄືກັບຄວັນ.ກະດູກຂອງລູກກໍຖືກເຜົາໄໝ້ຄືກັບຢູ່ໃນເຕົາໄຟ.+
4 ຫົວໃຈຂອງລູກເປັນຄືກັບຫຍ້າທີ່ຖືກແດດເຜົາແລະຫ່ຽວແຫ້ງໄປ.+ລູກບໍ່ຢາກກິນເຂົ້າເລີຍ.
5 ຍ້ອນລູກທຸກໃຈຫຼາຍ ລູກຈຶ່ງຮ້ອງຄາງ+ແລະລູກກໍຈ່ອຍຈົນເຫຼືອແຕ່ໜັງຫຸ້ມກະດູກ.+
6 ລູກເປັນຄືກັບນົກກະທຸງຢູ່ບ່ອນກັນດານ.ລູກເປັນຄືກັບນົກເຄົ້າໂຕນ້ອຍໆຢູ່ບ່ອນຊາກຫັກພັງ.
7 ລູກນອນບໍ່ຫຼັບ.*ລູກເປັນຄືກັບນົກທີ່ໂດດດ່ຽວຢູ່ເທິງຫຼັງຄາ.+
8 ສັດຕູຂອງລູກເຍາະເຍີ້ຍລູກໝົດມື້ໝົດເວັນ.+
ຄົນທີ່ດູຖູກລູກກໍເວົ້າຊື່ລູກໃນຄຳສາບແຊ່ງ.
9 ລູກກິນຂີ້ເທົ່າເປັນອາຫານ+ແລະນ້ຳຕາກໍປົນຢູ່ໃນເຄື່ອງດື່ມຂອງລູກ+
10 ຍ້ອນພະອົງໃຈຮ້າຍໃຫ້ລູກ.ມັນເປັນຄືກັບວ່າພະອົງຍົກລູກຂຶ້ນເພື່ອໂຍນລູກຖິ້ມ.
11 ຊີວິດຂອງລູກເປັນຄືກັບເງົາທີ່ຫາຍໄປ+ແລະລູກກໍຫ່ຽວແຫ້ງໄປຄືກັບຫຍ້າ.+
12 ແຕ່ພະເຢໂຫວາເອີ້ຍ ພະອົງຢູ່ຕະຫຼອດໄປ+ແລະຊື່*ຂອງພະອົງຈະມີຢູ່ຕະຫຼອດໄປທຸກຍຸກທຸກສະໄໝ.+
13 ພະອົງຈະລຸກຂຶ້ນແລະສະແດງຄວາມເມດຕາຕໍ່ຊີໂອນ+ຍ້ອນວ່ານີ້ແມ່ນເວລາທີ່ພະອົງຈະອີ່ຕົນເມືອງນີ້.+ເວລາທີ່ກຳນົດໄວ້ມາຮອດແລ້ວ.+
14 ຜູ້ຮັບໃຊ້ຂອງພະອົງຖືວ່າກ້ອນຫີນຂອງເມືອງນີ້ມີຄ່າ.+ແມ່ນແຕ່ຂີ້ດິນຂອງເມືອງນີ້ ເຂົາເຈົ້າກໍຮັກຫຼາຍ.+
15 ຊາດຕ່າງໆຈະຢ້ານຊື່ຂອງພະເຢໂຫວາແລະກະສັດທົ່ວໂລກຈະຍອມຮັບຄວາມຍິ່ງໃຫຍ່ຂອງພະອົງ.+
16 ພະເຢໂຫວາຈະສ້າງຊີໂອນຂຶ້ນໃໝ່.+ເພິ່ນຈະເຮັດໃຫ້ທຸກຄົນຮູ້ວ່າເພິ່ນມີລິດເດດຫຼາຍສ່ຳໃດ.+
17 ເພິ່ນຈະຕັ້ງໃຈຟັງຄຳອະທິດຖານຂອງຄົນທຸກ+ແລະຈະບໍ່ດູຖູກຄຳອະທິດຖານຂອງເຂົາເຈົ້າ.+
18 ເລື່ອງນີ້ຖືກຂຽນໄວ້ສຳລັບຄົນລຸ້ນຕໍ່ໄປ+ເພື່ອຄົນທີ່ຍັງບໍ່ທັນເກີດມາ*ຈະໄດ້ສັນລະເສີນພະເຢໂຫວາ.*
19 ພະເຢໂຫວາແນມລົງມາຈາກບ່ອນບໍລິສຸດຂອງເພິ່ນທີ່ຢູ່ສູງໆ.+ເພິ່ນແນມລົງມາເບິ່ງໂລກຈາກສະຫວັນ
20 ເພື່ອຈະຟັງສຽງຖອນຫາຍໃຈຂອງນັກໂທດ+ແລະເພື່ອຈະຊ່ວຍຄົນທີ່ຖືກຕັດສິນປະຫານຊີວິດ.+
21 ແລ້ວຊື່ຂອງພະເຢໂຫວາຈະຖືກປະກາດຢູ່ຊີໂອນ+ແລະຈະມີການສັນລະເສີນເພິ່ນຢູ່ເຢຣູຊາເລັມ
22 ຕອນທີ່ຊາດຕ່າງໆແລະປະເທດຕ່າງໆມາລວມໂຕກັນເພື່ອຮັບໃຊ້ພະເຢໂຫວາ.+
23 ເພິ່ນເອົາເຫື່ອແຮງຂອງຂ້ອຍໄປກ່ອນກຳນົດ.ເພິ່ນເຮັດໃຫ້ວັນເວລາຂອງຂ້ອຍສັ້ນລົງ.
24 ຂ້ອຍເວົ້າວ່າ: “ພະເຈົ້າຂອງລູກເອີ້ຍພະອົງເປັນຜູ້ມີຊີວິດຢູ່ທຸກຍຸກທຸກສະໄໝ.+ຂໍພະອົງຢ່າຕັດຊີວິດລູກຍ້ອນລູກຍັງໜຸ່ມຢູ່.
25 ພະອົງວາງຮາກຖານຂອງໂລກໄວ້ດົນນານມາແລ້ວແລະທ້ອງຟ້າກໍເປັນຜົນງານຂອງພະອົງ.+
26 ສິ່ງເຫຼົ່ານັ້ນຈະຫາຍສາບສູນໄປ ແຕ່ພະອົງຈະຢູ່ຕໍ່ໄປ.ພວກມັນຈະເກົ່າຄືກັບເຄື່ອງນຸ່ງ.
ພະອົງປ່ຽນພວກມັນໄດ້ຄືກັບປ່ຽນເຄື່ອງນຸ່ງແລະພວກມັນຈະຫາຍໄປ
27 ແຕ່ພະອົງຈະເປັນຄືເກົ່າແລະຊີວິດຂອງພະອົງຈະບໍ່ມີວັນສິ້ນສຸດ.+
28 ພວກລູກຂອງຜູ້ຮັບໃຊ້ພະອົງຈະຢູ່ຢ່າງປອດໄພແລະລູກຫຼານຂອງເຂົາເຈົ້າຈະຢູ່ຢ່າງປອດໄພຕໍ່ໜ້າພະອົງຄືກັນ.”+
ຂໍ
^ ຫຼື “ອ່ອນແອ”
^ ແປຕາມໂຕວ່າ “ເຊື່ອງໜ້າຂອງພະອົງ”
^ ຫຼື “ຫງ່ຽງຫູຟັງລູກ”
^ ຫຼືອາດແປວ່າ “ລູກຈ່ອຍຫຼາຍ”
^ ຫຼື “ຊື່ສຽງ.” ແປຕາມໂຕວ່າ “ສິ່ງທີ່ລະນຶກ.”
^ ແປຕາມໂຕວ່າ “ຢາ” ເຊິ່ງເປັນຊື່ຫຍໍ້ຂອງພະເຢໂຫວາ
^ ແປຕາມໂຕວ່າ “ຄົນທີ່ຍັງບໍ່ຖືກສ້າງ”
