ເພງສັນລະເສີນ 116:1-19
116 ຂ້ອຍຮັກພະເຢໂຫວາຍ້ອນເພິ່ນຟັງ*ສຽງຂອງຂ້ອຍ ຍ້ອນເພິ່ນຟັງສຽງຮ້ອງຂໍຄວາມຊ່ວຍເຫຼືອຂອງຂ້ອຍ.+
2 ເພິ່ນກົ້ມລົງມາຟັງຂ້ອຍ*+ແລະຂ້ອຍຈະຮ້ອງຫາເພິ່ນຕະຫຼອດຊີວິດຂອງຂ້ອຍ.
3 ເຊືອກຂອງຄວາມຕາຍມັດຂ້ອຍໄວ້.ຂຸມຝັງສົບ*ກໍຂັງຂ້ອຍໄວ້.+
ຄວາມທຸກແລະຄວາມໂສກເສົ້າໄດ້ຊະນະຂ້ອຍແລ້ວ.+
4 ແຕ່ຂ້ອຍໄດ້ຮ້ອງອອກຊື່ຂອງພະເຢໂຫວາແລະເວົ້າວ່າ:+
“ພະເຢໂຫວາເອີ້ຍ ຊ່ວຍລູກແດ່!”
5 ພະເຢໂຫວາໃຈດີ*ແລະຍຸຕິທຳ.+ພະເຈົ້າຂອງພວກເຮົາມີຄວາມເມດຕາ.+
6 ພະເຢໂຫວາປົກປ້ອງຄົນທີ່ບໍ່ມີປະສົບການ.+
ຂ້ອຍຖືກເຮັດໃຫ້ຕ່ຳລົງ ແຕ່ເພິ່ນໄດ້ຊ່ວຍຂ້ອຍໄວ້.
7 ຂໍໃຫ້ຂ້ອຍໄດ້ພັກຜ່ອນອີກເທື່ອໜຶ່ງຍ້ອນພະເຢໂຫວາໃຈດີກັບຂ້ອຍຫຼາຍ.
8 ພະອົງຊ່ວຍລູກຈາກຄວາມຕາຍຊ່ວຍລູກບໍ່ໃຫ້ຮ້ອງໄຫ້ແລະຊ່ວຍລູກບໍ່ໃຫ້ສະດຸດລົ້ມ.+
9 ລູກຈະໃຊ້ຊີວິດເພື່ອຮັບໃຊ້ພະເຢໂຫວາ.*
10 ຍ້ອນລູກມີຄວາມເຊື່ອ ລູກຈຶ່ງເວົ້າສິ່ງທີ່ລູກຄິດອອກມາ.+ລູກເຈັບປວດໃຈຫຼາຍ.
11 ລູກອຸກໃຈຫຼາຍແລະເວົ້າວ່າ:
“ທຸກຄົນເປັນຄົນຂີ້ຕົວະ.”+
12 ຂ້ອຍຈະຕອບແທນພະເຢໂຫວາແນວໃດສຳລັບສິ່ງດີໆທຸກຢ່າງທີ່ເພິ່ນເຮັດເພື່ອຂ້ອຍ?
13 ຂ້ອຍຈະດື່ມຈາກຈອກ*ເພື່ອຂອບໃຈເພິ່ນທີ່ຊ່ວຍຂ້ອຍໃຫ້ລອດແລະຂ້ອຍຈະຮ້ອງອອກຊື່ຂອງພະເຢໂຫວາ.
14 ຂ້ອຍຈະເຮັດຕາມທີ່ໄດ້ສັນຍາກັບພະເຢໂຫວາຕໍ່ໜ້າປະຊາຊົນທັງໝົດຂອງເພິ່ນ.+
15 ເມື່ອຄົນທີ່ສັດຊື່ຕໍ່ພະເຢໂຫວາຕາຍໄປເພິ່ນຖືວ່າເປັນການສູນເສຍຄັ້ງໃຫຍ່.*+
16 ພະເຢໂຫວາເອີ້ຍ ລູກຂໍຮ້ອງພະອົງຍ້ອນລູກເປັນຜູ້ຮັບໃຊ້ຂອງພະອົງ.
ລູກເປັນຜູ້ຮັບໃຊ້ຂອງພະອົງ ເປັນລູກຊາຍຂອງທາດຍິງຂອງພະອົງ.
ພະອົງໄດ້ປ່ອຍລູກໃຫ້ເປັນອິດສະຫຼະຈາກສິ່ງທີ່ມັດລູກໄວ້.+
17 ລູກຈະເອົາເຄື່ອງບູຊາສະແດງຄວາມຂອບໃຈມາໃຫ້ພະອົງ.+ລູກຈະຮ້ອງອອກຊື່ຂອງພະເຢໂຫວາ.
18 ຂ້ອຍຈະເຮັດຕາມທີ່ໄດ້ສັນຍາກັບພະເຢໂຫວາ+ຕໍ່ໜ້າປະຊາຊົນທັງໝົດຂອງເພິ່ນ+
19 ຢູ່ເດີ່ນວິຫານຂອງພະເຢໂຫວາ+ແລະຢູ່ກາງເມືອງເຢຣູຊາເລັມ.
ໃຫ້ສັນລະເສີນພະເຢໂຫວາ.*+
ຂໍ
^ ຫຼືອາດແປວ່າ “ຂ້ອຍຮັກຍ້ອນພະເຢໂຫວາໄດ້ຍິນ”
^ ຫຼື “ຫງ່ຽງຫູຟັງຂ້ອຍ”
^ ເບິ່ງສ່ວນອະທິບາຍຄຳສັບ
^ ຫຼື “ມີຄວາມອີ່ຕົນ”
^ ແປຕາມໂຕວ່າ “ລູກຈະຍ່າງຢູ່ຕໍ່ໜ້າພະເຢໂຫວາໃນແຜ່ນດິນຂອງຄົນທີ່ມີຊີວິດ”
^ ຫຼື “ຍົກຈອກຂຶ້ນ”
^ ແປຕາມໂຕວ່າ “ມີຄ່າຫຼາຍ”
^ ແປຕາມໂຕວ່າ “ໃຫ້ສັນລະເສີນຢາ.” ຫຼື “ອາເລລູຢາ.” ຄຳວ່າ ຢາ ແມ່ນຊື່ຫຍໍ້ຂອງພະເຢໂຫວາ.
