ເພງສັນລະເສີນ 121:1-8
ເພງສຳລັບຍ່າງຂຶ້ນ.*
121 ຂ້ອຍເງີຍໜ້າເບິ່ງພູຕ່າງໆ.+
ຄວາມຊ່ວຍເຫຼືອຂອງຂ້ອຍຈະມາຈາກໃສ?
2 ຄວາມຊ່ວຍເຫຼືອຂອງຂ້ອຍມາຈາກພະເຢໂຫວາ+ຜູ້ທີ່ສ້າງຟ້າສະຫວັນແລະໂລກ.
3 ເພິ່ນຈະບໍ່ຍອມໃຫ້ເຈົ້າມື່ນລົ້ມ.*+
ຜູ້ທີ່ປົກປ້ອງເຈົ້າຈະບໍ່ມີທາງເຫງົານອນ.
4 ຜູ້ທີ່ປົກປ້ອງອິດສະຣາເອນຈະບໍ່ມີທາງເຫງົານອນຫຼືຫຼັບໄປ.+
5 ພະເຢໂຫວາປົກປ້ອງເຈົ້າຢູ່.
ພະເຢໂຫວາເປັນຮົ່ມເງົາຂອງເຈົ້າ+ແລະຢູ່ເບື້ອງຂວາມືຂອງເຈົ້າ.+
6 ໃນຕອນກາງເວັນ ແສງແດດຈະບໍ່ທຳຮ້າຍເຈົ້າ.+ໃນຕອນກາງຄືນ ແສງເດືອນກໍຈະບໍ່ທຳຮ້າຍເຈົ້າຄືກັນ.+
7 ພະເຢໂຫວາຈະປົກປ້ອງເຈົ້າຈາກອັນຕະລາຍທຸກຢ່າງ.+
ເພິ່ນຈະປົກປ້ອງຊີວິດເຈົ້າ.+
8 ບໍ່ວ່າເຈົ້າຈະເຮັດຫຍັງ ພະເຢໂຫວາກໍຈະປົກປ້ອງເຈົ້າຕັ້ງແຕ່ຕອນນີ້ຈົນຕະຫຼອດໄປ.
