ເພງສັນລະເສີນ 126:1-6
ເພງສຳລັບຍ່າງຂຶ້ນ.*
126 ເມື່ອພະເຢໂຫວາລວບລວມຄົນເມືອງຊີໂອນທີ່ຖືກຈັບໄປເປັນຊະເລີຍໃຫ້ກັບມາພວກເຮົາ+ຄິດວ່າພວກເຮົາກຳລັງຝັນໄປ.
2 ໃນຕອນນັ້ນ ພວກເຮົາພາກັນຫົວດີໃຈເອົາແທ້ເອົາວ່າແລະພວກເຮົາຮ້ອງດ້ວຍຄວາມຍິນດີ+
ແລ້ວຄົນຈາກຊາດຕ່າງໆກໍລົມກັນວ່າ:
“ພະເຢໂຫວາເຮັດສິ່ງດີໆຫຼາຍຢ່າງໃຫ້ເຂົາເຈົ້າ.”+
3 ພະເຢໂຫວາເຮັດສິ່ງດີໆຫຼາຍຢ່າງໃຫ້ພວກເຮົາ+ແລະພວກເຮົາກໍມີຄວາມສຸກຫຼາຍ.
4 ພະເຢໂຫວາເອີ້ຍ ຂໍພະອົງລວບລວມພວກເຮົາທີ່ຖືກຈັບໄປເປັນຊະເລີຍໃຫ້ກັບມາຄືກັບທີ່ແມ່ນ້ຳໃນເນເກັບ*ກັບມາມີນ້ຳອີກ.
5 ຄົນທີ່ຫວ່ານແນວປູກໄປຮ້ອງໄຫ້ໄປຈະເກັບກ່ຽວຜົນລະປູກດ້ວຍຄວາມຍິນດີ.
6 ຄົນທີ່ແບກເປົາແນວປູກອອກໄປທັງໆທີ່ຮ້ອງໄຫ້ຈະແບກຜົນລະປູກກັບມາດ້ວຍຄວາມຍິນດີແນ່ນອນ.+
ຂໍ
^ ເບິ່ງສ່ວນອະທິບາຍຄຳສັບ
^ ຫຼື “ວາດີທີ່ຢູ່ທາງໃຕ້.” ເບິ່ງຄຳວ່າ “ວາດີ” ໃນສ່ວນອະທິບາຍຄຳສັບ.
