ເພງສັນລະເສີນ 129:1-8
-
ຖືກຂົ່ມເຫງແຕ່ເອົາຊະນະໄດ້
-
ຄົນທີ່ຊັງຊີໂອນຈະຕ້ອງອັບອາຍຂາຍໜ້າ (5)
-
ເພງສຳລັບຍ່າງຂຶ້ນ.*
129 “ເຂົາເຈົ້າຂົ່ມເຫງຂ້ອຍເລື້ອຍໆຕັ້ງແຕ່ຕອນຂ້ອຍຍັງໜຸ່ມ.”+
ໃຫ້ພວກອິດສະຣາເອນຮ້ອງນຳຫຼັງວ່າ:
2 “ເຂົາເຈົ້າຂົ່ມເຫງຂ້ອຍເລື້ອຍໆຕັ້ງແຕ່ຕອນຂ້ອຍຍັງໜຸ່ມ.+ແຕ່ເຂົາເຈົ້າເອົາຊະນະຂ້ອຍບໍ່ໄດ້.+
3 ບາງຄົນເຮັດໃຫ້ຫຼັງຂອງຂ້ອຍເປັນຄືກັບດິນທີ່ຖືກໄຖ.+ເຂົາເຈົ້າໄຖຫຼັງຂອງຂ້ອຍເປັນຮອຍຍາວຫຼາຍ.”
4 ແຕ່ພະເຢໂຫວາຍຸຕິທຳ.+ເພິ່ນຊ່ວຍຂ້ອຍຈາກຄົນຊົ່ວທີ່ມັກກົດຂີ່.*+
5 ທຸກຄົນທີ່ຊັງຊີໂອນຈະຕ້ອງອັບອາຍຂາຍໜ້າແລະຖອຍກັບໄປແບບເສຍກຽດ.+
6 ເຂົາເຈົ້າຈະເປັນຄືກັບຫຍ້າທີ່ປົ່ງຢູ່ເທິງຫຼັງຄາທີ່ຫ່ຽວກ່ອນຈະຖືກຫຼົກຖິ້ມ.
7 ສິ່ງທີ່ເກັບກ່ຽວໄດ້ກໍໄດ້ບໍ່ຮອດກຳມືໜຶ່ງແລະສິ່ງທີ່ລວບລວມໄດ້ກໍໄດ້ບໍ່ຮອດຫອບໜຶ່ງຊ້ຳ.
8 ຄົນທີ່ກາຍໄປກາຍມາກໍຈະບໍ່ເວົ້າວ່າ:
“ຂໍໃຫ້ພະເຢໂຫວາອວຍພອນເຈົ້າ.ພວກເຮົາອວຍພອນເຈົ້າໃນຊື່ຂອງພະເຢໂຫວາ.”
