ເພງສັນລະເສີນ 13:1-6
ເຖິງຜູ້ຄວບຄຸມດົນຕີ. ເພງຂອງດາວິດ.
13 ພະເຢໂຫວາເອີ້ຍ ພະອົງຈະລືມລູກອີກດົນປານໃດ? ຈະລືມລູກຕະຫຼອດໄປເລີຍບໍ?
ພະອົງຈະປິ່ນໜ້າໜີ*ຈາກລູກອີກດົນປານໃດ?+
2 ລູກຈະຕ້ອງອຸກໃຈແລະທຸກໃຈທຸກມື້ອີກດົນປານໃດ?
ສັດຕູຈະຊະນະລູກອີກດົນປານໃດ?+
3 ພະເຢໂຫວາພະເຈົ້າຂອງລູກເອີ້ຍ ຂໍໃຫ້ເບິ່ງລູກແລະຕອບລູກແດ່.
ຂໍພະອົງເຮັດໃຫ້ລູກມີແຮງອີກເທື່ອໜຶ່ງເພື່ອລູກຈະບໍ່ຕາຍ*
4 ເພື່ອສັດຕູຂອງລູກຈະບໍ່ເວົ້າວ່າ: “ຂ້ອຍຊະນະລາວແລ້ວ!”
ຂໍຢ່າຍອມໃຫ້ຜູ້ທີ່ຕໍ່ຕ້ານລູກໄດ້ດີໃຈຍ້ອນຊະນະລູກ.+
5 ແຕ່ລູກໝັ້ນໃຈໃນຄວາມຮັກທີ່ໝັ້ນຄົງຂອງພະອົງ.+ລູກຈະດີໃຈເມື່ອພະອົງຊ່ວຍໃຫ້ລອດ.+
6 ຂ້ອຍຈະຮ້ອງເພງສັນລະເສີນພະເຢໂຫວາຍ້ອນເພິ່ນດີຕໍ່ຂ້ອຍຫຼາຍ.*+
ຂໍ
^ ແປຕາມໂຕວ່າ “ເຊື່ອງໜ້າຂອງພະອົງ”
^ ແປຕາມໂຕວ່າ “ບໍ່ຫຼັບໄປໃນຄວາມຕາຍ”
^ ຫຼື “ໃຫ້ລາງວັນຂ້ອຍຫຼາຍ”
