ເພງສັນລະເສີນ 20:1-9
-
ພະເຈົ້າຊ່ວຍກະສັດຜູ້ທີ່ເພິ່ນເລືອກໃຫ້ລອດ
-
ບາງຄົນໄວ້ໃຈລົດຮົບກັບມ້າ “ແຕ່ພວກເຮົາໄວ້ໃຈໃນຊື່ຂອງພະເຢໂຫວາ” (7)
-
ເຖິງຜູ້ຄວບຄຸມດົນຕີ. ເພງຂອງດາວິດ.
20 ຂໍໃຫ້ພະເຢໂຫວາຕອບເຈົ້າ*ໃນມື້ທີ່ເຈົ້າມີຄວາມທຸກລຳບາກ.
ຂໍໃຫ້ພະເຈົ້າຂອງຢາໂຄບປົກປ້ອງ+ເຈົ້າເມື່ອເຈົ້າເອີ້ນຊື່ຂອງເພິ່ນ.
2 ຂໍເພິ່ນຊ່ວຍເຈົ້າຈາກບ່ອນບໍລິສຸດຂອງເພິ່ນ.+ຂໍເພິ່ນຊ່ວຍເຈົ້າໃຫ້ມີແຮງຂຶ້ນຈາກຊີໂອນ.+
3 ຂໍໃຫ້ເພິ່ນຈື່ເຄື່ອງບູຊາທັງໝົດທີ່ເຈົ້າເອົາໃຫ້ເພິ່ນ.ຂໍໃຫ້ເພິ່ນຮັບເອົາເຄື່ອງບູຊາເຜົາຂອງເຈົ້າດ້ວຍຄວາມພໍໃຈ.* (ເຊລາ)*
4 ຂໍເພິ່ນເຮັດໃຫ້ເຈົ້າສົມຫວັງ+ແລະເຮັດໃຫ້ແຜນການທຸກຢ່າງຂອງເຈົ້າສຳເລັດ.
5 ພວກເຮົາຈະຮ້ອງດີໃຈຍ້ອນເຈົ້າຊ່ວຍພວກເຮົາໃຫ້ລອດ.+ພວກເຮົາຈະຍົກທຸງແຫ່ງໄຊຊະນະເພື່ອສັນລະເສີນຊື່ພະເຈົ້າຂອງພວກເຮົາ.+
ຂໍພະເຢໂຫວາໃຫ້ທຸກສິ່ງຕາມທີ່ເຈົ້າຂໍ.
6 ຕອນນີ້ພວກເຮົາໝັ້ນໃຈແລ້ວວ່າ ພະເຢໂຫວາຊ່ວຍຜູ້ທີ່ເພິ່ນເລືອກໃຫ້ລອດ.+
ເພິ່ນຕອບລາວຈາກບ່ອນບໍລິສຸດຂອງເພິ່ນໃນສະຫວັນແລະຊ່ວຍໃຫ້ລອດ*ດ້ວຍລິດເດດ*ຂອງເພິ່ນ.+
7 ບາງຄົນໄວ້ໃຈລົດຮົບກັບມ້າ+ແຕ່ພວກເຮົາໄວ້ໃຈໃນຊື່ຂອງພະເຢໂຫວາພະເຈົ້າຂອງພວກເຮົາ.+
8 ເຂົາເຈົ້າພາກັນລົ້ມລົງແຕ່ພວກເຮົາລຸກຂຶ້ນມາແລະຢືນຢູ່ໄດ້ຢ່າງໝັ້ນຄົງ.+
9 ພະເຢໂຫວາເອີ້ຍ ຂໍພະອົງຊ່ວຍກະສັດໃຫ້ລອດ.+
ພະເຈົ້າ*ຈະຕອບພວກເຮົາໃນມື້ທີ່ພວກເຮົາຮ້ອງຂໍຄວາມຊ່ວຍເຫຼືອ.+
ຂໍ
^ ເບິ່ງຄືວ່າຂໍ້ 1-5 ເປັນຂໍ້ຄວາມທີ່ຂຽນເຖິງກະສັດ
^ ແປຕາມໂຕວ່າ “ຖືວ່າເປັນນ້ຳມັນສັດ”
^ ເບິ່ງສ່ວນອະທິບາຍຄຳສັບ
^ ຫຼື “ຊະນະ”
^ ແປຕາມໂຕວ່າ “ມືເບື້ອງຂວາ”
^ ຫຼືອາດແປວ່າ “ກະສັດ”
