ເພງສັນລະເສີນ 3:1-8
ເພງຂອງດາວິດຕອນທີ່ລາວໜີຈາກອັບຊາໂລມລູກຊາຍຂອງລາວ.+
3 ພະເຢໂຫວາເອີ້ຍ ເປັນຫຍັງສັດຕູຂອງລູກຄືມີຫຼາຍຂຶ້ນໆ?+
ເປັນຫຍັງຄົນທີ່ຕໍ່ຕ້ານລູກຄືມີຫຼາຍແທ້?+
2 ຫຼາຍຄົນເວົ້າເຖິງລູກວ່າ:
“ພະເຈົ້າຈະບໍ່ຊ່ວຍລາວດອກ.”+ (ເຊລາ)*
3 ພະເຢໂຫວາເອີ້ຍ ພະອົງເປັນໂລ້ອ້ອມໂຕລູກ.+ພະອົງເຮັດໃຫ້ລູກໄດ້ຮັບກຽດ+ແລະມີຄວາມກ້າຫານ.+
4 ລູກຈະຮ້ອງຫາພະເຢໂຫວາດ້ວຍສຽງດັງໆແລະພະອົງຈະຕອບລູກຈາກພູບໍລິສຸດຂອງພະອົງ.+ (ເຊລາ)
5 ລູກຈະນອນຫຼັບໄດ້ແລະຕອນທີ່ລູກຕື່ນຂຶ້ນ ລູກກໍຈະຮູ້ສຶກປອດໄພຍ້ອນພະເຢໂຫວາຊ່ວຍເຫຼືອລູກຕະຫຼອດ.+
6 ເຖິງວ່າຈະມີຫຼາຍສິບພັນຄົນມາຕໍ່ສູ້ລູກຈາກທຸກທິດທຸກທາງແຕ່ລູກກໍບໍ່ຢ້ານ.+
7 ພະເຢໂຫວາພະເຈົ້າຂອງລູກເອີ້ຍ ຂໍພະອົງລຸກຂຶ້ນມາຊ່ວຍລູກແດ່.+
ພະອົງຈະຕີຄາງກະໄຕຂອງສັດຕູທັງໝົດຂອງລູກແລະຈະເຮັດໃຫ້ແຂ້ວຂອງພວກຄົນຊົ່ວຫຼ່ອນອອກ.+
8 ພະເຢໂຫວາເອີ້ຍ ພະອົງເປັນຜູ້ຊ່ວຍໃຫ້ລອດ.+
ຄົນຂອງພະອົງກໍໄດ້ຮັບພອນຈາກພະອົງ. (ເຊລາ)
ຂໍ
^ ເບິ່ງສ່ວນອະທິບາຍຄຳສັບ
