ເພງສັນລະເສີນ 35:1-28
ເພງຂອງດາວິດ.
35 ພະເຢໂຫວາເອີ້ຍ ຂໍພະອົງເວົ້າປົກປ້ອງລູກຈາກຄົນທີ່ຕໍ່ຕ້ານລູກ.+ຂໍພະອົງຕໍ່ສູ້ກັບຄົນທີ່ຕໍ່ສູ້ລູກ.+
2 ຂໍພະອົງຈັບໂລ້ນ້ອຍ*ກັບໂລ້ໃຫຍ່ຂອງພະອົງ+ແລະລຸກຂຶ້ນມາປົກປ້ອງລູກ.+
3 ຂໍພະອົງຈັບຫອກແລະຂວານ*ຂຶ້ນມາຕໍ່ສູ້ຜູ້ທີ່ໄລ່ລ່າລູກ.+
ຂໍພະອົງເວົ້າກັບລູກວ່າ: “ເຮົາຈະຊ່ວຍເຈົ້າໃຫ້ລອດ.”+
4 ຂໍໃຫ້ຄົນທີ່ໄລ່ລ່າເອົາຊີວິດລູກອັບອາຍຂາຍໜ້າ.+
ຂໍໃຫ້ຄົນທີ່ວາງແຜນຈະທຳລາຍລູກຖອຍກັບໄປແບບເສຍສັກສີ.
5 ຂໍໃຫ້ເຂົາເຈົ້າເປັນຄືກັບຂີ້ແກບທີ່ຖືກລົມພັດໄປ.ຂໍໃຫ້ທູດສະຫວັນຂອງພະເຢໂຫວາໄລ່ເຂົາເຈົ້າໜີ.+
6 ຕອນທີ່ທູດສະຫວັນຂອງພະເຢໂຫວາໄລ່ນຳເຂົາເຈົ້າຂໍໃຫ້ທາງຂອງຄົນເຫຼົ່ານັ້ນມືດແລະມື່ນ.
7 ຍ້ອນເຂົາເຈົ້າເຊື່ອງຕານ່າງໄວ້ຈັບລູກໂດຍບໍ່ມີເຫດຜົນເຂົາເຈົ້າຂຸດຂຸມໄວ້ດັກລູກທັງໆທີ່ລູກບໍ່ໄດ້ເຮັດຫຍັງຜິດ
8 ຂໍໃຫ້ເຂົາເຈົ້າເຈິຄວາມຈິບຫາຍແບບບໍ່ທັນຕັ້ງໂຕ.ຂໍໃຫ້ເຂົາເຈົ້າຕິດກັບດັກຕານ່າງທີ່ເຂົາເຈົ້າເຊື່ອງໄວ້.ຂໍໃຫ້ເຂົາເຈົ້າຕິດຢູ່ຫັ້ນແລະຖືກທຳລາຍ.+
9 ແຕ່ລູກຈະມີຄວາມສຸກຍ້ອນພະເຢໂຫວາ.ລູກຈະດີໃຈຍ້ອນພະອົງຊ່ວຍລູກໃຫ້ລອດ.
10 ຂໍໃຫ້ລູກໄດ້ເວົ້າຈາກໃຈວ່າ:
“ພະເຢໂຫວາເອີ້ຍ ບໍ່ມີໃຜຄືພະອົງ.
ພະອົງຊ່ວຍຄົນທີ່ບໍ່ມີບ່ອນເພິ່ງໃຫ້ລອດຈາກຄົນທີ່ແຂງແຮງກວ່າເຂົາເຈົ້າ+ແລະຊ່ວຍຄົນທີ່ບໍ່ມີບ່ອນເພິ່ງກັບຄົນທຸກໃຫ້ລອດຈາກຄົນທີ່ປຸ້ນເຂົາເຈົ້າ.”+
11 ຄົນຊົ່ວມາເປັນພະຍານຕໍ່ສູ້ລູກ.+ເຂົາເຈົ້າກ່າວຫາລູກໃນເລື່ອງທີ່ລູກບໍ່ຮູ້ຈັກ.
12 ເຂົາເຈົ້າເຮັດຊົ່ວຕອບແທນຄວາມດີຂອງລູກ+ເຊິ່ງເຮັດໃຫ້ລູກເສຍໃຈຫຼາຍ.
13 ແຕ່ເມື່ອເຂົາເຈົ້າເຈັບປ່ວຍ ລູກກໍນຸ່ງຜ້າເນື້ອຫຍາບ.ລູກຖ່ອມໂຕລົງໂດຍການອົດເຂົ້າແລະເມື່ອຄຳອະທິດຖານຂອງລູກບໍ່ໄດ້ຮັບຄຳຕອບ*
14 ລູກກໍຍ່າງໄປຍ່າງມາດ້ວຍຄວາມໂສກເສົ້າຄືກັບວ່າໝູ່ຫຼືອ້າຍນ້ອງຂອງລູກຕາຍໄປ.ລູກໝູບໜ້າລົງດ້ວຍຄວາມທຸກໃຈຄືກັບຄົນທີ່ໄວ້ທຸກໃຫ້ແມ່.
15 ແຕ່ເມື່ອລູກລົ້ມລົງ ເຂົາເຈົ້າພັດດີໃຈແລະມາລວມໂຕກັນ.ເຂົາເຈົ້າພາກັນມາລັດຕີລູກ.ເຂົາເຈົ້າໃສ່ຮ້າຍລູກບໍ່ເຊົາຄືກັບວ່າກຳລັງຈີກລູກເປັນຕ່ອນໆ.
16 ຄົນທີ່ບໍ່ນັບຖືພະເຈົ້າເຍາະເຍີ້ຍແລະດູຖູກລູກ.*ເຂົາເຈົ້າກັດແຂ້ວໃສ່ລູກ.+
17 ພະເຢໂຫວາເອີ້ຍ ພະອົງຈະແນມເບິ່ງຊື່ໆອີກດົນປານໃດ?+
ຂໍພະອົງຊ່ວຍລູກຈາກການໂຈມຕີຂອງເຂົາເຈົ້າ.+ຂໍພະອົງຊ່ວຍຊີວິດທີ່ມີຄ່າຂອງລູກຈາກໂຕສິງ.+
18 ແລ້ວລູກຈະຂອບໃຈພະອົງຢູ່ບ່ອນປະຊຸມໃຫຍ່.+ລູກຈະສັນລະເສີນພະອົງຢູ່ບ່ອນທີ່ມີຄົນຫຼາຍໆ.
19 ຂໍຢ່າໃຫ້ຄົນທີ່ເປັນສັດຕູກັບລູກແບບບໍ່ມີເຫດຜົນເວົ້າອວດໃສ່ລູກ.ຂໍຢ່າໃຫ້ຄົນທີ່ຊັງລູກແບບບໍ່ມີເຫດຜົນ+ເຍາະເຍີ້ຍລູກ.+
20 ເຂົາເຈົ້າບໍ່ໄດ້ເວົ້າແນວດີໆທີ່ເຮັດໃຫ້ເກີດສັນຕິສຸກແຕ່ເຂົາເຈົ້າໃຊ້ເລ່ລ່ຽມເພື່ອວາງແຜນຮ້າຍໃສ່ຄົນທີ່ມັກຄວາມສະຫງົບສຸກ.+
21 ເຂົາເຈົ້າອ້າປາກກວ້າງເພື່ອຮ້ອງໃສ່ລູກ.ເຂົາເຈົ້າເວົ້າໃສ່ລູກວ່າ: “ສົມນ້ຳໜ້າ! ພວກເຮົາໄດ້ເຫັນກັບຕາແລ້ວ.”
22 ພະເຢໂຫວາເອີ້ຍ ພະອົງກໍເຫັນສິ່ງທີ່ເກີດຂຶ້ນແລ້ວ ຂໍພະອົງຢ່າມິດຢູ່.+
ພະເຢໂຫວາ ຂໍພະອົງຢ່າຢູ່ໄກຈາກລູກ.+
23 ຂໍພະອົງສົນໃຈແລະລຸກຂຶ້ນມາປົກປ້ອງລູກ.ພະເຢໂຫວາພະເຈົ້າຂອງລູກເອີ້ຍ ຂໍພະອົງສູ້ຄະດີໃຫ້ລູກ.
24 ພະເຢໂຫວາພະເຈົ້າຂອງລູກເອີ້ຍ ເມື່ອພະອົງຕັດສິນລູກ ຂໍພະອົງເຮັດໃຫ້ເຫັນວ່າພະອົງຍຸຕິທຳ.+ຂໍຢ່າໃຫ້ເຂົາເຈົ້າຫົວຂວັນໃສ່ລູກ.
25 ຂໍຢ່າໃຫ້ເຂົາເຈົ້າເວົ້ານຳກັນວ່າ: “ມັນເປັນໄປຕາມທີ່ພວກເຮົາຕ້ອງການແລ້ວ.”
ຂໍຢ່າໃຫ້ເຂົາເຈົ້າລົມກັນວ່າ: “ພວກເຮົາທຳລາຍມັນໄດ້ແລ້ວ.”+
26 ຂໍໃຫ້ທຸກຄົນທີ່ດີໃຈທີ່ເຫັນລູກຈິບຫາຍຕ້ອງອັບອາຍຂາຍໜ້າ.ຂໍໃຫ້ຄົນທີ່ຄິດວ່າໂຕເອງດີກວ່າລູກຕ້ອງເສຍກຽດ.
27 ແຕ່ຂໍໃຫ້ຄົນທີ່ດີໃຈຍ້ອນລູກເຮັດສິ່ງທີ່ຖືກຕ້ອງໂຫ່ຮ້ອງຢ່າງມີຄວາມສຸກ.ຂໍໃຫ້ເຂົາເຈົ້າເວົ້າບໍ່ເຊົາວ່າ:
“ຂໍໃຫ້ພະເຢໂຫວາໄດ້ຮັບການສັນລະເສີນ. ເພິ່ນດີໃຈເມື່ອຜູ້ຮັບໃຊ້ຂອງເພິ່ນມີຄວາມສະຫງົບສຸກ.”+
28 ແລ້ວລູກຈະເລົ່າຄືນ*ເລື່ອງຄວາມຍຸຕິທຳຂອງພະອົງ+ແລະສັນລະເສີນພະອົງສະເໝີ.+
ຂໍ
^ ສ່ວນຫຼາຍແລ້ວແມ່ນທະຫານຍິງທະນູມັກໃຊ້
^ ຫຼື “ຂວານສອງຄົມ”
^ ຫຼື “ກັບມາຢູ່ເອິກຂອງລູກ”
^ ຫຼືອາດແປວ່າ “ເຍາະເຍີ້ຍເພື່ອຈະໄດ້ເຂົ້າຈີ່ປ່ຽງໜຶ່ງ”
^ ຫຼື “ຄິດຕຶກຕອງ”
