ເພງສັນລະເສີນ 47:1-9
ເຖິງຜູ້ຄວບຄຸມດົນຕີ. ເພງຂອງລູກຫຼານໂກຣາ.+ ເພງສັນລະເສີນ.
47 ຊາດຕ່າງໆເອີ້ຍ ໃຫ້ພາກັນຕົບມື.
ໃຫ້ໂຫ່ຮ້ອງດີໃຈທີ່ໄດ້ໄຊຊະນະແລະສັນລະເສີນພະເຈົ້າ
2 ຍ້ອນພະເຢໂຫວາພະເຈົ້າສູງສຸດເປັນພະເຈົ້າທີ່ເປັນຕາງຶດຫຼາຍ.+ເພິ່ນເປັນກະສັດອົງຍິ່ງໃຫຍ່ທີ່ປົກຄອງທົ່ວໂລກ.+
3 ເພິ່ນເຮັດໃຫ້ຊາດຕ່າງໆຢູ່ພາຍໃຕ້ອຳນາດຂອງພວກເຮົາ.ເພິ່ນເຮັດໃຫ້ປະເທດຕ່າງໆຢູ່ພາຍໃຕ້ການປົກຄອງ*ຂອງພວກເຮົາ.+
4 ເພິ່ນຍົກແຜ່ນດິນຂອງຢາໂຄບຜູ້ທີ່ເພິ່ນຮັກໃຫ້ເປັນມໍລະດົກຂອງພວກເຮົາ+ເຊິ່ງເປັນແຜ່ນດິນທີ່ຢາໂຄບພູມໃຈ.+ (ເຊລາ)*
5 ຕອນທີ່ພະເຈົ້າຂຶ້ນໄປຢູ່ບ່ອນຂອງເພິ່ນກໍມີສຽງໂຫ່ຮ້ອງດີໃຈ.ຕອນທີ່ພະເຢໂຫວາຂຶ້ນໄປກໍມີສຽງເປົ່າແກ.*
6 ໃຫ້ຮ້ອງເພງ*ສັນລະເສີນພະເຈົ້າ ຮ້ອງເພງສັນລະເສີນເພິ່ນເດີ້.
ໃຫ້ຮ້ອງເພງສັນລະເສີນກະສັດ ຮ້ອງເພງສັນລະເສີນເພິ່ນເດີ້.
7 ໃຫ້ຮ້ອງເພງສັນລະເສີນພະເຈົ້າແລະສະແດງຄວາມເຂົ້າໃຈຍ້ອນເພິ່ນເປັນກະສັດຂອງທຸກຄົນທົ່ວໂລກ.+
8 ພະເຈົ້າເປັນກະສັດປົກຄອງຊາດຕ່າງໆ.+
ພະເຈົ້ານັ່ງເທິງບັນລັງທີ່ບໍລິສຸດຂອງເພິ່ນ.
9 ພວກຜູ້ນຳຂອງຊາດຕ່າງໆໄດ້ມາລວມໂຕກັນກັບປະຊາຊົນຂອງພະເຈົ້າຂອງອັບຣາຮາມ.
ພວກຜູ້ປົກຄອງ*ໃນໂລກນີ້ເປັນຂອງພະເຈົ້າ
ແລະເພິ່ນມີຕຳແໜ່ງທີ່ສູງທີ່ສຸດ.+
ຂໍ
^ ແປຕາມໂຕວ່າ “ຢູ່ພື້ນຕີນ”
^ ເບິ່ງສ່ວນອະທິບາຍຄຳສັບ
^ ຫຼື “ເຂົາແກະ”
^ ຫຼື “ຫຼິ້ນດົນຕີ”
^ ແປຕາມໂຕວ່າ “ໂລ້”
