ເພງສັນລະເສີນ 48:1-14
ເພງສັນລະເສີນ. ເພງຂອງລູກຫຼານໂກຣາ.+
48 ພະເຢໂຫວາເປັນພະເຈົ້າທີ່ຍິ່ງໃຫຍ່ແລະສົມຄວນໄດ້ຮັບການສັນລະເສີນຫຼາຍທີ່ສຸດ.ຂໍໃຫ້ສັນລະເສີນເພິ່ນຢູ່ເມືອງຂອງພະເຈົ້າຂອງພວກເຮົາ ຢູ່ພູບໍລິສຸດຂອງເພິ່ນ.
2 ເມືອງຊີໂອນທີ່ຢູ່ເໜືອສຸດເປັນເມືອງຂອງກະສັດທີ່ຍິ່ງໃຫຍ່.+ເມືອງນີ້ຕັ້ງຢູ່ບ່ອນສູງໆແລະງາມຫຼາຍ.ຄົນທົ່ວໂລກກໍມັກເມືອງນີ້.+
3 ໃນປ້ອມສູງໆທີ່ຢູ່ຫັ້ນພະເຈົ້າເຮັດໃຫ້ທຸກຄົນຮູ້ວ່າເພິ່ນເປັນບ່ອນລີ້ທີ່ປອດໄພ.*+
4 ພວກກະສັດໄດ້ມາລວມໂຕກັນ.*ເຂົາເຈົ້າພາກັນອອກໄປທາງເມືອງນັ້ນ.
5 ເມື່ອເຂົາເຈົ້າເຫັນເມືອງນັ້ນ ເຂົາເຈົ້າກໍຕົກໃຈຫຼາຍ.
ເຂົາເຈົ້າພາກັນແລ່ນໜີ ຍ້ອນວ່າຢ້ານຫຼາຍ.
6 ເຂົາເຈົ້າຢ້ານຈົນໂຕສັ່ນແລະທໍລະມານຄືກັບຜູ້ຍິງທີ່ກຳລັງຈະເກີດລູກ.
7 ພະເຈົ້າເອີ້ຍ ພະອົງທຳລາຍເຮືອຕ່າງໆຂອງຕາຊິດດ້ວຍລົມຈາກທິດຕາເວັນອອກ.
8 ສິ່ງທີ່ພວກເຮົາເຄີຍໄດ້ຍິນ ພວກເຮົາໄດ້ເຫັນກັບຕາໂຕເອງແລ້ວໃນເມືອງຂອງພະເຢໂຫວາຜູ້ບັນຊາການກອງທັບ ໃນເມືອງຂອງພະເຈົ້າຂອງພວກເຮົາ.
ພະອົງຈະເຮັດໃຫ້ເມືອງນີ້ໝັ້ນຄົງຕະຫຼອດໄປ.+ (ເຊລາ)*
9 ພະເຈົ້າເອີ້ຍ ພວກເຮົາຄິດຕຶກຕອງກ່ຽວກັບຄວາມຮັກທີ່ໝັ້ນຄົງຂອງພະອົງ+ຕອນທີ່ຢູ່ວິຫານຂອງພະອົງ.
10 ຊື່ຂອງພະອົງແລະຄຳສັນລະເສີນທີ່ເປັນຂອງພະອົງໄປຮອດທົ່ວທຸກບ່ອນຂອງໂລກແລ້ວ.+
ພະອົງໃຊ້ອຳນາດຂອງພະອົງເຮັດສິ່ງທີ່ຖືກຕ້ອງສະເໝີ.+
11 ຂໍໃຫ້ພູຊີໂອນ+ມີຄວາມຍິນດີ.ຂໍໃຫ້ເມືອງຕ່າງໆ*ຂອງຢູດາມີຄວາມສຸກຍ້ອນການຕັດສິນຂອງພະອົງ.+
12 ໃຫ້ຍ່າງອ້ອມເມືອງຊີໂອນແລະໃຫ້ນັບປ້ອມທີ່ສູງໆໃຫ້ໝົດ.+
13 ໃຫ້ເບິ່ງກຳແພງເມືອງໃຫ້ດີໆ+
ແລະກວດເບິ່ງປ້ອມສູງຕ່າງໆໃຫ້ຄັກໆເພື່ອຈະໄດ້ເລົ່າໃຫ້ຄົນລຸ້ນຕໍ່ໆໄປຟັງ
14 ຍ້ອນພະເຈົ້າຜູ້ທີ່ສ້າງສິ່ງເຫຼົ່ານີ້ເປັນພະເຈົ້າຂອງພວກເຮົາ+ຕະຫຼອດໄປ.
ເພິ່ນຈະຊີ້ນຳພວກເຮົາຕະຫຼອດໄປ.*+
ຂໍ
^ ຫຼື “ບ່ອນສູງທີ່ປອດໄພ”
^ ຫຼື “ນັດເຈິກັນ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ພວກລູກສາວ”
^ ຫຼືອາດແປວ່າ “ຈົນຮອດຕອນທີ່ພວກເຮົາຕາຍ”
