ເພງສັນລະເສີນ 54:1-7
-
ຄຳອະທິດຖານຂໍຄວາມຊ່ວຍເຫຼືອຕອນທີ່ຢູ່ໃກ້ສັດຕູ
-
“ພະເຈົ້າເປັນຜູ້ຊ່ວຍຂອງລູກ” (4)
-
ເຖິງຜູ້ຄວບຄຸມດົນຕີ ເພງນີ້ສຳລັບຮ້ອງກັບເຄື່ອງດົນຕີທີ່ມີສາຍ. ມັດຄິວ*ຂອງດາວິດ.ຕອນທີ່ຄົນເມືອງຊິເຟໄປບອກຊາອູນວ່າ: “ດາວິດລີ້ຢູ່ໃກ້ໆພວກເຮົາ.”+
54 ພະເຈົ້າເອີ້ຍ ຂໍພະອົງເຮັດຫຍັງບາງຢ່າງໃຫ້ສົມກັບຊື່ຂອງພະອົງເພື່ອຊ່ວຍລູກໃຫ້ລອດ.+ຂໍພະອົງປົກປ້ອງລູກ*+ດ້ວຍລິດເດດຂອງພະອົງ.
2 ພະເຈົ້າເອີ້ຍ ຂໍພະອົງຟັງຄຳອະທິດຖານຂອງລູກ.+ຂໍພະອົງສົນໃຈສິ່ງທີ່ລູກເວົ້າ
3 ຍ້ອນພວກສັດຕູພາກັນມາຕໍ່ສູ້ລູກແລະຄົນໃຈໂຫດກໍຊອກຂ້າລູກ.+
ເຂົາເຈົ້າບໍ່ສົນໃຈພະເຈົ້າເລີຍ.+ (ເຊລາ)*
4 ພະເຈົ້າເປັນຜູ້ຊ່ວຍຂອງລູກ.+ພະເຢໂຫວາຢູ່ນຳຄົນທີ່ຊ່ວຍເຫຼືອລູກ.
5 ສິ່ງບໍ່ດີທີ່ສັດຕູເຮັດໃສ່ລູກ ຂໍໃຫ້ພະອົງເຮັດໃຫ້ເຂົາເຈົ້າຖືກແບບນັ້ນຄືກັນ.+ຂໍໃຫ້ພະອົງທຳລາຍເຂົາເຈົ້າ* ຍ້ອນພະອົງເປັນພະເຈົ້າທີ່ສັດຊື່.+
6 ລູກຈະເອົາເຄື່ອງບູຊາມາໃຫ້ພະອົງ+ດ້ວຍຄວາມເຕັມໃຈ.
ພະເຢໂຫວາເອີ້ຍ ລູກຈະສັນລະເສີນຊື່ຂອງພະອົງຍ້ອນວ່າຊື່ຂອງພະອົງດີແທ້ໆ.+
7 ພະອົງຊ່ວຍລູກໃຫ້ລອດຈາກຄວາມທຸກລຳບາກທຸກເທື່ອ+ແລະລູກຈະເບິ່ງສັດຕູຂອງລູກຖືກທຳລາຍ.+
ຂໍ
^ ເບິ່ງສ່ວນອະທິບາຍຄຳສັບ
^ ຫຼື “ສູ້ຄະດີໃຫ້ລູກ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ເຮັດໃຫ້ເຂົາເຈົ້າມິດງຽບ”
