ເພງສັນລະເສີນ 57:1-11
ເຖິງຜູ້ຄວບຄຸມດົນຕີ. ເພງນີ້ຕັ້ງຕາມເພງ “ຢ່າທຳລາຍ.”*ມິກທາມ*ຂອງດາວິດ. ຕອນທີ່ລາວໜີຊາອູນເຂົ້າໄປໃນຖ້ຳ.+
57 ພະເຈົ້າເອີ້ຍ ຂໍພະອົງເມດຕາແລະອີ່ຕົນລູກຍ້ອນລູກໄວ້ໃຈວ່າພະອົງຈະປົກປ້ອງລູກ.+ລູກຂໍລີ້ໄພຢູ່ກ້ອງປີກ*ຂອງພະອົງຈົນກວ່າບັນຫາຈະໝົດໄປ.+
2 ຂ້ອຍຮ້ອງຫາພະເຈົ້າສູງສຸດ.ຂ້ອຍຮ້ອງຫາພະເຈົ້າທ່ຽງແທ້ຜູ້ທີ່ເຮັດໃຫ້ບັນຫາຂອງຂ້ອຍໝົດໄປ.
3 ເພິ່ນຈະສົ່ງຄວາມຊ່ວຍເຫຼືອຈາກສະຫວັນມາຊ່ວຍຂ້ອຍໃຫ້ລອດ.+
ເພິ່ນຈະຂັດຂວາງແຜນການຂອງຄົນທີ່ມາໂຈມຕີຂ້ອຍ. (ເຊລາ)*
ພະເຈົ້າຈະສະແດງຄວາມສັດຊື່ແລະຄວາມຮັກທີ່ໝັ້ນຄົງຕໍ່ຂ້ອຍ.+
4 ຂ້ອຍຖືກໂຕສິງອ້ອມຂ້ອຍໄວ້.+ຂ້ອຍຕ້ອງນອນຢູ່ກັບຄົນທີ່ຢາກກັດກິນຂ້ອຍ.ແຂ້ວຂອງເຂົາເຈົ້າແຫຼມຄືກັບຫອກແລະລູກທະນູແລະລີ້ນຂອງເຂົາເຈົ້າເປັນຄືກັບດາບທີ່ຄົມໆ.+
5 ພະເຈົ້າເອີ້ຍ ຂໍພະອົງສະແດງໃຫ້ເຫັນວ່າພະອົງຍິ່ງໃຫຍ່ຫຼາຍສ່ຳໃດໃນສະຫວັນແລະຂໍໃຫ້ສະຫງ່າລາສີຂອງພະອົງແຜ່ໄປທົ່ວແຜ່ນດິນໂລກ.+
6 ເຂົາເຈົ້າວາງກັບດັກໄວ້ງັບຕີນລູກ.+ລູກໝູບໜ້າລົງດ້ວຍຄວາມທຸກໃຈຫຼາຍ.+
ເຂົາເຈົ້າຂຸດຂຸມໄວ້ໃນທາງທີ່ລູກຈະໄປແຕ່ເຂົາເຈົ້າພັດຕົກລົງໄປໃນຂຸມນັ້ນເອງ.+ (ເຊລາ)
7 ພະເຈົ້າເອີ້ຍ ໃຈຂອງລູກໝັ້ນຄົງ+ໃຈຂອງລູກໝັ້ນຄົງ.
ລູກຈະຮ້ອງເພງແລະຫຼິ້ນດົນຕີສັນລະເສີນພະອົງ.
8 ລູກຈະຕື່ນແຕ່ເຊົ້າໆ.
ລູກຈະຕື່ນກ່ອນຕາເວັນຂຶ້ນ.+
ລູກຢາກດີດພິນແລະຫຼິ້ນເຄື່ອງດົນຕີທີ່ມີສາຍ.
9 ພະເຢໂຫວາເອີ້ຍ ລູກຈະສັນລະເສີນພະອົງຕໍ່ໜ້າຄົນໃນຊາດຕ່າງໆ.+ລູກຈະຮ້ອງເພງ*ສັນລະເສີນພະອົງຕໍ່ໜ້າຄົນໃນປະເທດຕ່າງໆ+
10 ຍ້ອນຄວາມຮັກທີ່ໝັ້ນຄົງຂອງພະອົງຍິ່ງໃຫຍ່ແລະສູງສ່ຳກັບສະຫວັນ+ແລະຄວາມສັດຊື່ຂອງພະອົງກໍສູງຈຳຟ້າ.
11 ພະເຈົ້າເອີ້ຍ ຂໍພະອົງສະແດງໃຫ້ເຫັນວ່າພະອົງຍິ່ງໃຫຍ່ຫຼາຍສ່ຳໃດໃນສະຫວັນແລະຂໍໃຫ້ສະຫງ່າລາສີຂອງພະອົງແຜ່ໄປທົ່ວແຜ່ນດິນໂລກ.+
ຂໍ
^ ອາດເປັນທຳນອງຫຼືຮູບແບບເພງ
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ໃນເງົາປີກ”
^ ເບິ່ງສ່ວນອະທິບາຍຄຳສັບ
^ ຫຼື “ຫຼິ້ນດົນຕີ”
