ເພງສັນລະເສີນ 58:1-11
-
ມີພະເຈົ້າທີ່ຕັດສິນໂລກ
-
ອະທິດຖານຂໍໃຫ້ລົງໂທດຄົນຊົ່ວ (6-8)
-
ເຖິງຜູ້ຄວບຄຸມດົນຕີ. ເພງນີ້ຕັ້ງຕາມເພງ “ຢ່າທຳລາຍ.”* ມິກທາມ*ຂອງດາວິດ.
58 ຖ້າພວກເຈົ້າມິດຢູ່ ພວກເຈົ້າຈະເວົ້າເລື່ອງຄວາມຍຸຕິທຳໄດ້ບໍ?+
ພວກເຈົ້າທີ່ເປັນມະນຸດ ພວກເຈົ້າຈະຕັດສິນຢ່າງຍຸຕິທຳໄດ້ແນວໃດ?+
2 ພວກເຈົ້າວາງແຜນຊົ່ວໄວ້ໃນໃຈ+ແລະມືຂອງພວກເຈົ້າກໍເຮັດສິ່ງທີ່ຮຸນແຮງໃນແຜ່ນດິນ.+
3 ຄົນຊົ່ວຫຼົງຜິດຕັ້ງແຕ່ອອກຈາກທ້ອງແມ່.ເຂົາເຈົ້າເຈີດອອກຈາກທາງແລະເປັນຄົນຂີ້ຕົວະຕັ້ງແຕ່ເກີດ.
4 ພິດຂອງເຂົາເຈົ້າເປັນຄືກັບພິດຂອງງູ.+ເຂົາເຈົ້າຫູໜວກຄືກັບງູເຫົ່າທີ່ບໍ່ຍອມຟັງ.
5 ມັນຈະບໍ່ຟັງສຽງຂອງພວກຄົນທີ່ຝຶກງູບໍ່ວ່າຄາຖາຂອງເຂົາເຈົ້າຈະມີພະລັງຫຼາຍສ່ຳໃດ.
6 ພະເຈົ້າເອີ້ຍ ຂໍພະອົງຊົກເຂົາເຈົ້າຈົນແຂ້ວເຮ່ຍ.
ພະເຢໂຫວາເອີ້ຍ ຂໍພະອົງຫັກຄາງກະໄຕຂອງຄົນເຫຼົ່ານີ້ທີ່ເປັນຄືກັບໂຕສິງ.
7 ຂໍໃຫ້ເຂົາເຈົ້າຫາຍໄປຄືກັບນ້ຳທີ່ໄຫຼແລະແຫ້ງໄປ.
ຂໍພະອົງຫ້າງທະນູແລະຍິງເຂົາເຈົ້າໃຫ້ຕາຍ.
8 ຂໍໃຫ້ເຂົາເຈົ້າເປັນຄືກັບຫອຍທາກທີ່ກຳລັງຈະຕາຍ*ແລະເປັນຄືກັບລູກທີ່ຕາຍຢູ່ໃນທ້ອງແມ່ແລະຍັງບໍ່ທັນເຫັນແສງຕາເວັນ.
9 ພວກເຈົ້າເອົາກິ່ງໜາມມາດັງໄຟແຕ່ໝໍ້ຍັງບໍ່ທັນຮ້ອນຊ້ຳ ພະເຈົ້າກໍເຮັດໃຫ້ລົມພາຍຸ+ພັດເອົາກິ່ງໜາມຂອງພວກເຈົ້າໄປທັງກິ່ງສົດແລະກິ່ງແຫ້ງ.
10 ຄົນທີ່ເຮັດສິ່ງທີ່ຖືກຕ້ອງຈະດີໃຈຍ້ອນເຫັນຄົນຊົ່ວຖືກແກ້ແຄ້ນ.+ຕີນຂອງເຂົາເຈົ້າຈະປຽກໄປດ້ວຍເລືອດຂອງຄົນຊົ່ວ.+
11 ເມື່ອທຸກຄົນເຫັນແບບນີ້ ເຂົາເຈົ້າກໍຈະພາກັນເວົ້າວ່າ: “ຄົນທີ່ເຮັດສິ່ງທີ່ຖືກຕ້ອງຈະໄດ້ຮັບລາງວັນແນ່ນອນ.+
ບັດນີ້ ພວກເຮົາຮູ້ແລ້ວວ່າພະເຈົ້າທີ່ຕັດສິນໂລກນີ້ມີຢູ່ແທ້.”+
ຂໍ
^ ອາດເປັນທຳນອງຫຼືຮູບແບບເພງ
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ຫອຍທາກທີ່ເປື່ອຍໄປຕອນທີ່ກຳລັງຍ່າງຢູ່”
