ເພງສັນລະເສີນ 66:1-20
ເຖິງຜູ້ຄວບຄຸມດົນຕີ. ເພງສັນລະເສີນ.
66 ພວກເຈົ້າທຸກຄົນທີ່ຢູ່ໃນໂລກ ໃຫ້ໂຫ່ຮ້ອງເພື່ອຍົກຍ້ອງແລະສັນລະເສີນພະເຈົ້າ.+
2 ໃຫ້ພວກເຈົ້າຮ້ອງເພງ*ສັນລະເສີນຊື່ທີ່ຍິ່ງໃຫຍ່ຂອງເພິ່ນ.
ໃຫ້ພວກເຈົ້າສັນລະເສີນເພິ່ນ.+
3 ໃຫ້ເວົ້າກັບພະເຈົ້າວ່າ: “ສິ່ງທີ່ພະອົງເຮັດເປັນຕາງຶດຫຼາຍແທ້ໆ!+
ຍ້ອນລິດເດດທີ່ຍິ່ງໃຫຍ່ຂອງພະອົງພວກສັດຕູຂອງພະອົງຈະຢ້ານຈົນໂຕສັ່ນ.+
4 ທຸກຄົນທົ່ວໂລກຈະໝູບລົງນະມັດສະການພະອົງ.+ເຂົາເຈົ້າຈະຮ້ອງເພງສັນລະເສີນພະອົງ.ເຂົາເຈົ້າຈະຮ້ອງເພງສັນລະເສີນຊື່ຂອງພະອົງ.”+ (ເຊລາ)*
5 ມາເບິ່ງສິ່ງທີ່ພະອົງເຮັດແມ້!
ສິ່ງທີ່ພະອົງເຮັດເພື່ອມະນຸດເປັນຕາງຶດຫຼາຍແທ້ໆ!+
6 ເພິ່ນເຮັດໃຫ້ທະເລກາຍເປັນດິນແຫ້ງ.+ເຂົາເຈົ້າຍ່າງຂ້າມແມ່ນ້ຳໄປໄດ້.+
ຢູ່ບ່ອນນັ້ນ ພວກເຮົາດີໃຈຫຼາຍຍ້ອນເພິ່ນ.+
7 ເພິ່ນປົກຄອງຕະຫຼອດໄປ+ຍ້ອນເພິ່ນມີອຳນາດຫຼາຍ.
ເພິ່ນເຝົ້າເບິ່ງຊາດຕ່າງໆ.+
ຢ່າປ່ອຍໃຫ້ຄົນທີ່ຫົວແຂງໄດ້ຍົກຍ້ອງໂຕເອງ.+ (ເຊລາ)
8 ຊາດຕ່າງໆເອີ້ຍ ໃຫ້ສັນລະເສີນພະເຈົ້າຂອງພວກເຮົາ+ແລະໃຫ້ສັນລະເສີນເພິ່ນດັງໆ.
9 ພະອົງປົກປ້ອງຊີວິດຂອງພວກເຮົາໄວ້.+ເພິ່ນບໍ່ຍອມໃຫ້ພວກເຮົາສະດຸດລົ້ມ.*+
10 ພະເຈົ້າເອີ້ຍ ພະອົງໄດ້ກວດເບິ່ງພວກເຮົາ.+ພະອົງຫຼອມພວກເຮົາຄືກັບຫຼອມເງິນ.
11 ພະອົງຈັບພວກເຮົາດ້ວຍຕານ່າງຂອງພະອົງ.ພະອົງໃຫ້ພວກເຮົາແບກພາລະທີ່ໜັກຫຼາຍ.*
12 ພະອົງຍອມໃຫ້ມະນຸດທີ່ຕາຍໄດ້ແລ່ນຂ້າມຫົວພວກເຮົາໄປ.ພວກເຮົາເຈິການຕໍ່ຕ້ານຫຼາຍປານວ່າໄດ້ລຸຍນ້ຳລຸຍໄຟແລ້ວພະອົງກໍພາພວກເຮົາມາຢູ່ບ່ອນທີ່ປອດໄພ.
13 ລູກຈະເອົາເຄື່ອງບູຊາເຜົາໄປວິຫານຂອງພະອົງ.+ລູກຈະເຮັດຕາມທີ່ສາບານໄວ້ກັບພະອົງ+
14 ຕາມທີ່ລູກເຄີຍສັນຍາໄວ້+ແລະຕາມທີ່ລູກເຄີຍເວົ້າໄວ້ຕອນທີ່ລູກມີຄວາມທຸກຫຼາຍ.
15 ລູກຈະເອົາເຄື່ອງບູຊາເຜົາທີ່ເປັນສັດທີ່ຕຸ້ຍພີດີງາມມາໃຫ້ພະອົງ.ລູກຈະເຜົາແກະໂຕຜູ້ເປັນເຄື່ອງບູຊາ
ແລະຈະເຜົາງົວກັບແບ້ໂຕຜູ້ໃຫ້ພະອົງນຳ. (ເຊລາ)
16 ພວກເຈົ້າທຸກຄົນທີ່ນັບຖື*ພະເຈົ້າມາຟັງຂ້ອຍແມ້!ແລະຂ້ອຍຈະບອກໃຫ້ຮູ້ວ່າເພິ່ນເຮັດຫຍັງເພື່ອຂ້ອຍແດ່.+
17 ຂ້ອຍຈະຮ້ອງຂໍໃຫ້ເພິ່ນຊ່ວຍແລະຂ້ອຍຈະສັນລະເສີນເພິ່ນ.
18 ຖ້າຂ້ອຍມີແນວບໍ່ດີຢູ່ໃນໃຈພະເຢໂຫວາກໍຄືຊິບໍ່ຟັງຂ້ອຍ.+
19 ແຕ່ພະເຈົ້າຟັງຂ້ອຍ.+ເພິ່ນຕັ້ງໃຈຟັງຄຳອະທິດຖານຂອງຂ້ອຍ.+
20 ຂໍໃຫ້ສັນລະເສີນພະເຈົ້າຜູ້ທີ່ຟັງຄຳອະທິດຖານຂອງຂ້ອຍຜູ້ທີ່ຮັກຂ້ອຍຢ່າງໝັ້ນຄົງ.
ຂໍ
^ ຫຼື “ຫຼິ້ນດົນຕີ”
^ ເບິ່ງສ່ວນອະທິບາຍຄຳສັບ
^ ຫຼື “ເຊໄປເຊມາ”
^ ແປຕາມໂຕວ່າ “ວາງພາລະທີ່ໜັກຫຼາຍໄວ້ເທິງສະໂພກຂອງພວກເຮົາ”
^ ແປຕາມໂຕວ່າ “ຢ້ານຢຳ”
