ເພງສັນລະເສີນ 76:1-12
ເຖິງຜູ້ຄວບຄຸມດົນຕີ ເພງນີ້ສຳລັບຮ້ອງກັບເຄື່ອງດົນຕີທີ່ມີສາຍ.ເພງຂອງອາສັບ.+ ເພງສັນລະເສີນ.
76 ຄົນໃນຢູດາຮູ້ຈັກພະເຈົ້າດີ.+ຊື່ຂອງເພິ່ນຍິ່ງໃຫຍ່ໃນອິດສະຣາເອນ.+
2 ບ່ອນພັກຂອງເພິ່ນຢູ່ຊາເລັມ+ແລະບ່ອນຢູ່ຂອງເພິ່ນຢູ່ຊີໂອນ.+
3 ຢູ່ບ່ອນນັ້ນ ເພິ່ນຫັກລູກທະນູໄຟ.ເພິ່ນທຳລາຍໂລ້ ດາບ ແລະອາວຸດສົງຄາມອື່ນໆ.+ (ເຊລາ)*
4 ພະອົງມີແສງຢູ່ອ້ອມໂຕ.*ພະອົງຍິ່ງໃຫຍ່ກວ່າພູຕ່າງໆທີ່ມີສັດປ່າອາໄສຢູ່.
5 ພວກຄົນທີ່ກ້າຫານຖືກປຸ້ນໄປແລ້ວ.+
ເຂົາເຈົ້າຕາຍໄປແລ້ວ*ແລະພວກທະຫານກໍໝົດຫວັງ.+
6 ພະເຈົ້າຂອງຢາໂຄບເອີ້ຍ ເມື່ອພະອົງຮ້ອງດ້ວຍຄວາມໃຈຮ້າຍພວກທະຫານທີ່ຢູ່ລົດຮົບຂອງເຂົາເຈົ້າກໍຕາຍໝົດ.+
7 ພະອົງເປັນຜູ້ດຽວເທົ່ານັ້ນທີ່ຄົນຄວນຈະຢ້ານແລະນັບຖື.+
ເມື່ອພະອົງໃຈຮ້າຍແຮງ ໃຜຈະທົນໄດ້?+
8 ທົ່ວທັງໂລກຢ້ານແລະມິດງຽບ+ເມື່ອພະອົງປະກາດຄຳຕັດສິນສັດຕູຂອງພະອົງຈາກສະຫວັນ+
9 ແລະເມື່ອພະເຈົ້າຕັດສິນຄະດີເພື່ອຊ່ວຍຄົນຖ່ອມທຸກຄົນໃນໂລກ.+ (ເຊລາ)
10 ຕອນທີ່ຜູ້ຄົນໃຈຮ້າຍກໍເປັນໂອກາດທີ່ພະອົງຈະໄດ້ຮັບຄຳສັນລະເສີນ.+ເມື່ອເຂົາເຈົ້າຍັງໃຈຮ້າຍຢູ່ກໍເປັນໂອກາດທີ່ພະອົງຈະໄດ້ຮັບການຍົກຍ້ອງ.
11 ໃຫ້ເຈົ້າສັນຍາກັບພະເຢໂຫວາພະເຈົ້າຂອງເຈົ້າແລະເຮັດຕາມນັ້ນ+ແລະໃຫ້ທຸກຄົນທີ່ຢູ່ອ້ອມຮອບເພິ່ນເອົາຂອງຂວັນມາໃຫ້ເພິ່ນດ້ວຍຄວາມຢ້ານຢຳ.+
12 ເພິ່ນຈະເຮັດໃຫ້ພວກຜູ້ນຳທີ່ຍິ່ງຈອງຫອງຖ່ອມໂຕລົງ.ເພິ່ນຈະເຮັດໃຫ້ພວກກະສັດໃນໂລກນີ້ຢ້ານຫຼາຍ.
ຂໍ
^ ເບິ່ງສ່ວນອະທິບາຍຄຳສັບ
^ ຫຼື “ພະອົງສ່ອງແສງເຈີດຈ້າ”
^ ແປຕາມໂຕວ່າ “ຫຼັບແລ້ວ”
