ເພງສັນລະເສີນ 77:1-20
ເຖິງຜູ້ຄວບຄຸມດົນຕີ ເພງນີ້ຕັ້ງແບບເຢດູທູນ.* ເພງຂອງອາສັບ.+ ເພງສັນລະເສີນ.
77 ລູກຈະຮ້ອງຫາພະເຈົ້າດ້ວຍສຽງດັງໆ.ລູກຈະຮ້ອງຫາພະອົງແລະພະອົງຈະຟັງລູກ.+
2 ໃນມື້ທີ່ທຸກໃຈ ລູກຊອກຫາພະເຢໂຫວາ.+
ລູກຍົກມືຂຶ້ນແລະອະທິດຖານຫາພະອົງບໍ່ຢຸດບໍ່ເຊົາໝົດຄືນ.*
ບໍ່ມີຫຍັງທີ່ຈະຊ່ວຍລູກໃຫ້ເຊົາອຸກໃຈໄດ້ເລີຍ.
3 ເມື່ອລູກຄິດເຖິງພະເຈົ້າ ລູກກໍຮ້ອງຄາງ.+ລູກທຸກໃຈຫຼາຍແລະລູກກໍໝົດເຫື່ອໝົດແຮງແລ້ວ.+ (ເຊລາ)*
4 ພະອົງບໍ່ປ່ອຍໃຫ້ລູກໄດ້ຫຼັບໄດ້ນອນ.*ລູກອຸກໃຈແຮງຈົນເວົ້າຫຍັງບໍ່ອອກ.
5 ລູກຄິດຮອດສະໄໝແຕ່ກີ້.+ລູກຄິດຮອດເຫດການເກົ່າໆທີ່ເກີດຂຶ້ນດົນນານມາແລ້ວ.
6 ໃນຕອນກາງຄືນ ລູກຄິດເຖິງເພງຂອງລູກ.*+ລູກຄິດຕຶກຕອງໃນໃຈ+ແລະຕັ້ງໃຈຊອກຫາຄຳຕອບຂອງຄຳຖາມຕໍ່ໄປນີ້.
7 ພະເຢໂຫວາຈະປະຖິ້ມພວກເຮົາຕະຫຼອດໄປບໍ?+
ເພິ່ນຈະບໍ່ອີ່ຕົນພວກເຮົາອີກແລ້ວບໍ?+
8 ເພິ່ນບໍ່ໄດ້ຮັກພວກເຮົາຢ່າງໝັ້ນຄົງແລ້ວບໍ?
ຄົນທຸກຍຸກທຸກສະໄໝຈະບໍ່ໄດ້ເຫັນເພິ່ນເຮັດຕາມສັນຍາອີກແລ້ວບໍ?
9 ພະເຈົ້າລືມສະແດງຄວາມເມດຕາກັບພວກເຮົາແລ້ວບໍ?+ເພິ່ນໃຈຮ້າຍຈົນບໍ່ອີ່ຕົນພວກເຮົາແລ້ວບໍ? (ເຊລາ)
10 ຂ້ອຍເວົ້າຕະຫຼອດວ່າ: “ເລື່ອງນີ້ເຮັດໃຫ້ຂ້ອຍທຸກໃຈ.*+
ພະເຈົ້າສູງສຸດບໍ່ຊ່ວຍພວກເຮົາອີກຕໍ່ໄປແລ້ວ.”
11 ລູກຈະຈື່ສິ່ງຕ່າງໆທີ່ພະເຢໂຫວາ*ເຮັດ.ລູກຈະຄິດເຖິງສິ່ງທີ່ເປັນຕາງຶດທີ່ພະອົງໄດ້ເຮັດດົນນານມາແລ້ວ.
12 ລູກຈະຄິດຕຶກຕອງກ່ຽວກັບຜົນງານທັງໝົດຂອງພະອົງແລະລູກຈະຄິດຕຶກຕອງກ່ຽວກັບທຸກສິ່ງທີ່ພະອົງເຄີຍເຮັດ.+
13 ພະເຈົ້າເອີ້ຍ ສິ່ງທີ່ພະອົງເຮັດບໍ່ມີບ່ອນຕິ.*
ພະເຈົ້າເອີ້ຍ ບໍ່ມີພະເຈົ້າອົງໃດຍິ່ງໃຫຍ່ສ່ຳກັບພະອົງ.+
14 ພະອົງເປັນພະເຈົ້າທ່ຽງແທ້ທີ່ເຮັດສິ່ງທີ່ເປັນຕາງຶດຫຼາຍຢ່າງ.+
ພະອົງເຮັດໃຫ້ຊາດຕ່າງໆເຫັນວ່າພະອົງມີລິດເດດຫຼາຍສ່ຳໃດ.+
15 ພະອົງໃຊ້ລິດເດດ*ຊ່ວຍປະຊາຊົນຂອງພະອົງໃຫ້ລອດ*+ເຊິ່ງກໍແມ່ນລູກຫຼານຂອງຢາໂຄບແລະໂຢເຊັບ. (ເຊລາ)
16 ພະເຈົ້າເອີ້ຍ ແມ່ນ້ຳຕ່າງໆໄດ້ເຫັນພະອົງ.ເມື່ອແມ່ນ້ຳເຫັນພະອົງ ມັນກໍສັ່ນສະເທືອນ+
ແລະນ້ຳເລິກກໍປັ່ນປ່ວນ.
17 ຂີ້ເຝື້ອເທນ້ຳລົງມາ.
ທ້ອງຟ້າທີ່ມີຂີ້ເຝື້ອຫຼາຍໆກໍຮ້ອງສຽງດັງແລະສາຍຟ້າຂອງພະອົງທີ່ເປັນຄືກັບລູກທະນູກໍຟາດໄປບ່ອນນັ້ນບ່ອນນີ້.+
18 ສຽງຟ້າຮ້ອງຂອງພະອົງ+ດັງຄືກັບສຽງລົດຮົບ.ແສງຂອງຟ້າແມບເຮັດໃຫ້ທົ່ວແຜ່ນດິນແຈ້ງສະຫວ່າງ.+ແຜ່ນດິນກໍໄຫວແລະສັ່ນສະເທືອນ.+
19 ພະອົງເຮັດທາງຂອງພະອົງຜ່ານທະເລໄປ.+ທາງຂອງພະອົງຜ່ານບ່ອນທີ່ມີນ້ຳເລິກແລະບໍ່ມີໃຜເຫັນຮອຍຕີນຂອງພະອົງໄດ້.
20 ພະອົງໄດ້ນຳໜ້າປະຊາຊົນຂອງພະອົງຄືກັບຜູ້ລ້ຽງແກະນຳໜ້າຝູງແກະ+ແລະໃຫ້ໂມເຊກັບອາໂຣນເບິ່ງແຍງເຂົາເຈົ້າ.*+
ຂໍ
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ລູກຍົກມືໝົດຄືນແລະແຂນຂອງລູກກໍບໍ່ລ່ອຍ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ພະອົງຕີ່ຕາລູກໄວ້”
^ ຫຼື “ເພງທີ່ໃຊ້ຮ້ອງກັບເຄື່ອງດົນຕີທີ່ມີສາຍ”
^ ຫຼື “ສຽບແທງຂ້ອຍ”
^ ແປຕາມໂຕວ່າ “ຢາ” ເຊິ່ງເປັນຊື່ຫຍໍ້ຂອງພະເຢໂຫວາ
^ ແປຕາມໂຕວ່າ “ບໍລິສຸດ”
^ ແປຕາມໂຕວ່າ “ໄຖ່”
^ ແປຕາມໂຕວ່າ “ແຂນ”
^ ແປຕາມໂຕວ່າ “ດ້ວຍມືຂອງໂມເຊແລະອາໂຣນ”
