ເພງສັນລະເສີນ 8:1-9
ເຖິງຜູ້ຄວບຄຸມດົນຕີ ເພງນີ້ຮ້ອງແບບກິດທິດ.* ເພງຂອງດາວິດ.
8 ພະເຢໂຫວາຜູ້ເປັນນາຍຂອງພວກເຮົາເອີ້ຍ ທຸກສິ່ງທີ່ຢູ່ໃນໂລກນີ້ພິສູດໃຫ້ເຫັນວ່າຊື່ຂອງພະອົງຍິ່ງໃຫຍ່ທີ່ສຸດ*ແລະກຽດທີ່ພະອົງໄດ້ຮັບກໍສູງກວ່າທ້ອງຟ້າ.+
2 ພະອົງໄດ້ໃຊ້ຄຳສັນລະເສີນທີ່ມາຈາກເດັກນ້ອຍແລະແອນ້ອຍ+ເພື່ອສະແດງລິດເດດຂອງພະອົງໃຫ້ສັດຕູເຫັນແລະເຮັດໃຫ້ເຂົາເຈົ້າເວົ້າຫຍັງບໍ່ອອກ.
3 ເມື່ອລູກແນມເບິ່ງທຸກສິ່ງທີ່ພະອົງສ້າງ*ຢູ່ເທິງທ້ອງຟ້າແລະເບິ່ງເດືອນກັບດາວທີ່ພະອົງສ້າງໄວ້ ລູກກໍຄິດໃນໃຈວ່າ+
4 ເປັນຫຍັງພະອົງຈຶ່ງສົນໃຈມະນຸດທີ່ບໍ່ມີຄ່າແລະເປັນຫຍັງພະອົງຈຶ່ງຢາກເບິ່ງແຍງມະນຸດເຫຼົ່ານີ້?+
5 ພະອົງໃຫ້ເຂົາເຈົ້າມີຕຳແໜ່ງຕ່ຳກວ່າທູດສະຫວັນ*ແຕ່ໜ້ອຍດຽວແລະພະອົງໃຫ້ເຂົາເຈົ້າມີກຽດແລະໄດ້ຮັບຄວາມນັບຖື.
6 ພະອົງໃຫ້ເຂົາເຈົ້າເບິ່ງແຍງທຸກສິ່ງທີ່ພະອົງສ້າງ+ແລະໃຫ້ເຂົາເຈົ້າຄຸ້ມຄອງສິ່ງເຫຼົ່ານັ້ນ
7 ບໍ່ວ່າຈະເປັນຝູງແກະ ຝູງແບ້ ຝູງງົວຫຼືສັດປ່າທັງໝົດ+
8 ລວມທັງນົກທີ່ບິນຢູ່ເທິງຟ້າ ປາທີ່ຢູ່ໃນນ້ຳແລະສິ່ງອື່ນໆທັງໝົດທີ່ຢູ່ໃນທະເລ.
9 ພະເຢໂຫວາຜູ້ເປັນນາຍຂອງພວກເຮົາເອີ້ຍ ທຸກສິ່ງທີ່ຢູ່ໃນໂລກນີ້ພິສູດໃຫ້ເຫັນວ່າຊື່ຂອງພະອົງຍິ່ງໃຫຍ່ທີ່ສຸດ.
ຂໍ
^ ເບິ່ງສ່ວນອະທິບາຍຄຳສັບ
^ ຫຼືອາດແປວ່າ “ມີການເວົ້າຊ້ຳຄືນເຖິງກຽດຂອງພະອົງຢູ່ເທິງສະຫວັນ”
^ ແປຕາມໂຕວ່າ “ຜົນງານຈາກນິ້ວມືຂອງພະອົງ”
^ ຫຼື “ຜູ້ທີ່ເປັນຄືກັບພະເຈົ້າ”
