ເພງສັນລະເສີນ 89:1-52
ມັດຄິວ*ຂອງເອທານ+ຄົນເຊຣາ.
89 ລູກຈະຮ້ອງເພງກ່ຽວກັບການສະແດງຄວາມຮັກທີ່ໝັ້ນຄົງຂອງພະເຢໂຫວາຕະຫຼອດໄປ.
ລູກຈະເວົ້າເຖິງຄວາມສັດຊື່ຂອງພະອົງໃຫ້ຄົນທຸກຍຸກທຸກສະໄໝຟັງ.
2 ລູກເວົ້າວ່າ: “ຄວາມຮັກທີ່ໝັ້ນຄົງຈະມີຢູ່ຕະຫຼອດໄປ+ແລະຄວາມສັດຊື່ຂອງພະອົງຈະໝັ້ນຄົງຄືກັບສະຫວັນ.”
3 ພະອົງເວົ້າວ່າ: “ເຮົາໄດ້ເຮັດສັນຍາກັບຜູ້ທີ່ເຮົາເລືອກໄວ້.+ເຮົາໄດ້ສາບານກັບດາວິດຜູ້ຮັບໃຊ້ຂອງເຮົາວ່າ+
4 ‘ການປົກຄອງ*ຂອງເຈົ້າຈະມີຢູ່ຕະຫຼອດໄປ.ເຮົາຈະຕັ້ງລູກຫຼານຂອງເຈົ້າໄວ້ຢ່າງໝັ້ນຄົງ+ເພື່ອເຂົາເຈົ້າຈະໄດ້ປົກຄອງ.’”+ (ເຊລາ)*
5 ພະເຢໂຫວາເອີ້ຍ ສະຫວັນສັນລະເສີນສິ່ງທີ່ເປັນຕາງຶດທີ່ພະອົງໄດ້ເຮັດແລະພວກຜູ້ບໍລິສຸດກໍສັນລະເສີນຄວາມສັດຊື່ຂອງພະອົງ.
6 ມີໃຜທີ່ຢູ່ເທິງຟ້າທຽບກັບພະເຢໂຫວາໄດ້ບໍ?+
ມີໃຜໃນພວກລູກຂອງພະເຈົ້າ+ເປັນຄືກັບພະເຢໂຫວາບໍ?
7 ພວກຜູ້ບໍລິສຸດຢ້ານແລະນັບຖືພະເຈົ້າ.+ພະອົງເປັນພະເຈົ້າທີ່ຍິ່ງໃຫຍ່ແລະເຮັດໃຫ້ຜູ້ທີ່ຢູ່ອ້ອມຂ້າງພະອົງຮູ້ສຶກງຶດຫຼາຍ.+
8 ພະເຢໂຫວາພະເຈົ້າຜູ້ບັນຊາການກອງທັບເອີ້ຍພະເຢໂຫວາ*ເອີ້ຍ ໃຜຈະມີລິດເດດຫຼາຍຄືກັບພະອົງ.+
ພະອົງສັດຊື່ສະເໝີ.+
9 ພະອົງຄວບຄຸມທະເລທີ່ປັ່ນປ່ວນ.+ເມື່ອຄື້ນທະເລຊັດແຮງ ພະອົງກໍເຮັດໃຫ້ມັນສະຫງົບງຽບ.+
10 ພະອົງບີ້ຣາຫັບ+ຄືກັບຄົນໜຶ່ງທີ່ຖືກຂ້າ.+
ພະອົງເຮັດໃຫ້ສັດຕູກະຈັດກະຈາຍໄປດ້ວຍແຂນທີ່ແຂງແຮງຂອງພະອົງ.+
11 ໂລກແລະສະຫວັນເປັນຂອງພະອົງ.+ແຜ່ນດິນທີ່ອຸດົມສົມບູນແລະທຸກສິ່ງທີ່ຢູ່ຫັ້ນ+ ພະອົງກໍເປັນຜູ້ສ້າງ.
12 ພະອົງເປັນຜູ້ກຳນົດທິດເໜືອແລະທິດໃຕ້.ພູຕາໂບ+ແລະພູເຮີໂມນ+ກໍສັນລະເສີນຊື່ຂອງພະອົງຢ່າງມີຄວາມສຸກ.
13 ແຂນຂອງພະອົງມີລິດເດດຫຼາຍ.+ມືຂອງພະອົງແຂງແຮງຫຼາຍ+ແລະມືຂວາຂອງພະອົງໄດ້ຮັບໄຊຊະນະ.+
14 ຄວາມຖືກຕ້ອງແລະຄວາມຍຸຕິທຳເປັນຮາກຖານຂອງບັນລັງຂອງພະອົງ.+ຄວາມຮັກທີ່ໝັ້ນຄົງແລະຄວາມສັດຊື່ຢູ່ຕໍ່ໜ້າພະອົງ.+
15 ຄົນທີ່ຮ້ອງສັນລະເສີນພະອົງດ້ວຍຄວາມຍິນດີກໍມີຄວາມສຸກ.+
ພະເຢໂຫວາເອີ້ຍ ເຂົາເຈົ້າຍ່າງໄປແລະແສງຂອງພະອົງກໍສ່ອງໃສ່ເຂົາເຈົ້າ.
16 ເຂົາເຈົ້າມີຄວາມສຸກໝົດມື້ຍ້ອນຊື່ຂອງພະອົງແລະຄວາມຍຸຕິທຳຂອງພະອົງເຮັດໃຫ້ເຂົາເຈົ້າໄດ້ຮັບກຽດ.
17 ພະອົງເຮັດໃຫ້ປະຊາຊົນຂອງພະອົງແຂງແຮງແລະໄດ້ຮັບກຽດ+ແລະຍ້ອນພະອົງຍອມຮັບພວກເຮົາ ພວກເຮົາຈຶ່ງມີເຫື່ອແຮງຫຼາຍຂຶ້ນ.+
18 ໂລ້ຂອງພວກເຮົາມາຈາກພະເຢໂຫວາ.ກະສັດຂອງພວກເຮົາມາຈາກພະເຈົ້າອົງບໍລິສຸດຂອງອິດສະຣາເອນ.+
19 ພະອົງເວົ້າກັບພວກຄົນສັດຊື່ຂອງພະອົງທາງນິມິດວ່າ:
“ເຮົາໃຫ້ເຫື່ອແຮງກັບຜູ້ທີ່ມີອຳນາດ+ແລະເຮົາຍົກຍ້ອງຜູ້ທີ່ຖືກເລືອກຈາກປະຊາຊົນ.+
20 ເຮົາໄດ້ພົບດາວິດຜູ້ຮັບໃຊ້ຂອງເຮົາ.+ເຮົາໄດ້ແຕ່ງຕັ້ງລາວດ້ວຍນ້ຳມັນບໍລິສຸດຂອງເຮົາ.+
21 ເຮົາຈະສະໜັບສະໜູນລາວ+ແລະເຮົາຈະເຮັດໃຫ້ລາວເຂັ້ມແຂງ.
22 ຈະບໍ່ມີສັດຕູມາເກັບຄ່າເສຍສ່ວຍຈາກລາວແລະຈະບໍ່ມີຄົນຊົ່ວມາຂົ່ມເຫງລາວ.+
23 ເຮົາຈະບີ້ສັດຕູຂອງລາວຈົນມຸ່ນຕໍ່ໜ້າລາວ+ແລະເຮົາຈະຂ້າຄົນທີ່ຊັງລາວ.+
24 ເຮົາຈະສັດຊື່ແລະສະແດງຄວາມຮັກທີ່ໝັ້ນຄົງຕໍ່ລາວ.+ເຮົາຈະເຮັດໃຫ້ລາວມີເຫື່ອແຮງຫຼາຍຂຶ້ນ*ຍ້ອນຊື່ຂອງເຮົາ.
25 ເຮົາຈະເຮັດໃຫ້ມື*ຂອງລາວຢູ່ເໜືອທະເລແລະເຮັດໃຫ້ມືຂວາຂອງລາວຢູ່ເໜືອແມ່ນ້ຳຕ່າງໆ.+
26 ລາວຈະເວົ້າກັບເຮົາວ່າ ‘ພະອົງເປັນພໍ່ຂອງລູກເປັນພະເຈົ້າຂອງລູກ ແລະເປັນຫີນຜາທີ່ຊ່ວຍລູກໃຫ້ລອດ.’+
27 ເຮົາຈະຕັ້ງລາວໃຫ້ເປັນຄືກັບລູກກົກ.+ເປັນກະສັດທີ່ຍິ່ງໃຫຍ່ທີ່ສຸດໃນໂລກ.+
28 ເຮົາຈະຮັກລາວຢ່າງໝັ້ນຄົງຕະຫຼອດໄປ+ແລະສັນຍາທີ່ເຮົາເຮັດກັບລາວຈະບໍ່ມີທາງຖືກຍົກເລີກ.+
29 ເຮົາຈະຕັ້ງລູກຫຼານຂອງລາວໄວ້ຕະຫຼອດໄປແລະຈະເຮັດໃຫ້ບັນລັງຂອງລາວໝັ້ນຄົງຄືກັບສະຫວັນ.+
30 ຖ້າລູກຫຼານຂອງລາວຖິ້ມກົດໝາຍຂອງເຮົາແລະບໍ່ເຮັດຕາມຄຳສັ່ງ*ຂອງເຮົາ
31 ຖ້າເຂົາເຈົ້າຝ່າຝືນກົດໝາຍຂອງເຮົາແລະບໍ່ເຮັດຕາມ*ຂໍ້ກຳນົດຂອງເຮົາ
32 ເຮົາຈະເອົາໄມ້ແສ້ລົງໂທດເຂົາເຈົ້າຍ້ອນເຂົາເຈົ້າບໍ່ເຊື່ອຟັງ+ແລະຈະຟາດເຂົາເຈົ້າຍ້ອນເຂົາເຈົ້າເຮັດຜິດ.
33 ແຕ່ເຮົາຈະບໍ່ເຊົາສະແດງຄວາມຮັກທີ່ໝັ້ນຄົງຕໍ່ລາວ+ແລະຈະບໍ່ເຮັດຜິດຄຳສັນຍາຂອງເຮົາ.
34 ເຮົາຈະບໍ່ເຮັດຜິດສັນຍາຂອງເຮົາ+ແລະເຮົາຈະບໍ່ເວົ້າປີ້ນຄວາມ.+
35 ເຮົາທີ່ເປັນພະເຈົ້າອົງບໍລິສຸດໄດ້ສາບານໄວ້ແລ້ວ ແລະຄຳສາບານນີ້ຈະຢູ່ຕະຫຼອດໄປ.ເຮົາຈະບໍ່ຕົວະດາວິດ.+
36 ລູກຫຼານຂອງລາວຈະຄົງຢູ່ຕະຫຼອດໄປ.+ບັນລັງຂອງລາວຈະໝັ້ນຄົງຄືກັບດວງຕາເວັນທີ່ຢູ່ຕໍ່ໜ້າເຮົາ.+
37 ບັນລັງຂອງລາວຈະຕັ້ງຢູ່ຢ່າງໝັ້ນຄົງຕະຫຼອດໄປຄືກັບດວງເດືອນທີ່ຢູ່ເທິງຟ້າສະເໝີ.” (ເຊລາ)
38 ແຕ່ພະອົງບໍ່ຍອມຮັບລາວແລະໄລ່ລາວໜີ.+ພະອົງໃຈຮ້າຍໃຫ້ຜູ້ທີ່ພະອົງເລືອກ.
39 ພະອົງຖິ້ມຄຳສັນຍາທີ່ໄດ້ເຮັດກັບຜູ້ຮັບໃຊ້ຂອງພະອົງ.ພະອົງເຮັດໃຫ້ມົງກຸດຂອງລາວເສື່ອມເສຍໂດຍຖິ້ມມັນລົງພື້ນ.
40 ພະອົງໄດ້ທຳລາຍກຳແພງຫີນທັງໝົດຂອງລາວ.*ພະອົງທຳລາຍປ້ອມຂອງລາວໃຫ້ກາຍເປັນຊາກຫັກພັງ.
41 ທຸກຄົນທີ່ຜ່ານໄປມາກໍປຸ້ນລາວ.ເພື່ອນບ້ານຂອງລາວກໍດູຖູກລາວ.+
42 ພະອົງເຮັດໃຫ້ສັດຕູຂອງລາວຊະນະລາວໄດ້.*+ພະອົງເຮັດໃຫ້ສັດຕູຂອງລາວດີໃຈ.
43 ພະອົງເຮັດໃຫ້ດາບຂອງລາວໃຊ້ບໍ່ໄດ້ແລະບໍ່ໄດ້ຊ່ວຍລາວໃນການຕໍ່ສູ້.
44 ພະອົງເຮັດໃຫ້ລາວບໍ່ມີກຽດແລ້ວແລະໄດ້ຈັບບັນລັງຂອງລາວຖິ້ມລົງພື້ນ.
45 ພະອົງເຮັດໃຫ້ລາວເຖົ້າໄວ.ພະອົງເຮັດໃຫ້ລາວອັບອາຍຂາຍໜ້າ. (ເຊລາ)
46 ພະເຢໂຫວາເອີ້ຍ ພະອົງຈະບໍ່ສົນໃຈພວກເຮົາອີກດົນປານໃດ? ຈະບໍ່ສົນໃຈຕະຫຼອດໄປເລີຍບໍ?+
ຄວາມໃຈຮ້າຍຂອງພະອົງຈະເປັນຄືກັບໄຟລຸກໄໝ້ຕໍ່ໆໄປບໍ?
47 ຂໍພະອົງຢ່າລືມວ່າຊີວິດຂອງລູກສັ້ນສ່ຳໃດ.+
ພະອົງສ້າງມະນຸດທຸກຄົນໂດຍບໍ່ມີເປົ້າໝາຍຫຍັງບໍ?
48 ມີໃຜມີຊີວິດຢູ່ໄປຕະຫຼອດແລະບໍ່ຕາຍບໍ?+
ມະນຸດຈະຊ່ວຍໂຕເອງໃຫ້ພົ້ນຈາກອຳນາດຂອງຂຸມຝັງສົບ*ໄດ້ບໍ? (ເຊລາ)
49 ພະເຢໂຫວາເອີ້ຍຄວາມຮັກທີ່ໝັ້ນຄົງທີ່ພະອົງເຄີຍສາບານໄວ້ກັບດາວິດດ້ວຍຄວາມສັດຊື່ໄປໃສແລ້ວ?+
50 ພະເຢໂຫວາເອີ້ຍ ຂໍພະອົງຢ່າລືມວ່າຜູ້ຮັບໃຊ້ຂອງພະອົງຖືກເຍາະເຍີ້ຍແນວໃດ.ຂໍພະອົງຢ່າລືມວ່າລູກຕ້ອງທົນ*ຖືກຊາດຕ່າງໆເຍາະເຍີ້ຍແນວໃດ.
51 ພະເຢໂຫວາເອີ້ຍ ສັດຕູຂອງພະອົງເວົ້າໃຫ້ຄົນທີ່ພະອົງເລືອກ.ເຂົາເຈົ້າດູຖູກທຸກສິ່ງທີ່ລາວເຮັດ.
52 ຂໍໃຫ້ພະເຢໂຫວາໄດ້ຮັບການສັນລະເສີນຕະຫຼອດໄປ ອາແມນແລະອາແມນ.*+
ຂໍ
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ບັນລັງ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ຢາ” ເຊິ່ງເປັນຊື່ຫຍໍ້ຂອງພະເຢໂຫວາ
^ ແປຕາມໂຕວ່າ “ເຮົາຈະເຮັດໃຫ້ເຂົາຂອງລາວຖືກຍົກຂຶ້ນ”
^ ຫຼື “ອຳນາດ”
^ ຫຼື “ການຕັດສິນ”
^ ຫຼື “ກະບົດຕໍ່”
^ ຫຼື “ບ່ອນພັກຂອງລາວທີ່ເປັນຫີນ”
^ ແປຕາມໂຕວ່າ “ຍົກມືຂວາຂອງສັດຕູຂອງລາວ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ອູ້ມໄວ້ຢູ່ເອິກ”
^ ຫຼື “ຂໍໃຫ້ເປັນແນວນັ້ນແລະຂໍໃຫ້ເປັນແນວນັ້ນ”
