ເພງສັນລະເສີນ 95:1-11
95 ໃຫ້ພວກເຮົາຮ້ອງດ້ວຍຄວາມຍິນດີໃຫ້ພະເຢໂຫວາ.
ໃຫ້ພວກເຮົາຮ້ອງດ້ວຍຄວາມດີໃຈແລະສັນລະເສີນຜູ້ເປັນຫີນຜາທີ່ຊ່ວຍພວກເຮົາໃຫ້ລອດ.+
2 ໃຫ້ພວກເຮົາມາຢູ່ຕໍ່ໜ້າເພິ່ນແລະຂອບໃຈເພິ່ນ.+ໃຫ້ພວກເຮົາໂຫ່ຮ້ອງດ້ວຍຄວາມຍິນດີແລະຮ້ອງເພງສັນລະເສີນເພິ່ນ.
3 ພະເຢໂຫວາເປັນພະເຈົ້າຜູ້ຍິ່ງໃຫຍ່ແລະເປັນກະສັດຜູ້ຍິ່ງໃຫຍ່ເໜືອພະເຈົ້າອື່ນໆທັງໝົດ.+
4 ບ່ອນເລິກຕ່າງໆຂອງໂລກຢູ່ໃນມືຂອງເພິ່ນແລະຈອມພູຕ່າງໆກໍເປັນຂອງເພິ່ນ.+
5 ທະເລທີ່ເພິ່ນສ້າງເປັນຂອງເພິ່ນ+ແລະມືຂອງເພິ່ນເຮັດໃຫ້ແຜ່ນດິນເກີດຂຶ້ນ.+
6 ໃຫ້ພວກເຮົາໝູບໜ້າລົງນະມັດສະການເພິ່ນ.ໃຫ້ພວກເຮົາຄູ້ເຂົ່າລົງຕໍ່ໜ້າພະເຢໂຫວາຜູ້ສ້າງຂອງພວກເຮົາ+
7 ຍ້ອນເພິ່ນເປັນພະເຈົ້າຂອງພວກເຮົາແລະພວກເຮົາເປັນປະຊາຊົນຢູ່ທົ່ງຫຍ້າຂອງເພິ່ນ.ພວກເຮົາເປັນແກະທີ່ເພິ່ນລ້ຽງ.*+
ມື້ນີ້ຖ້າພວກເຈົ້າຟັງສຽງຂອງເພິ່ນ+
8 ກໍຂໍໃຫ້ພວກເຈົ້າຢ່າເປັນຄົນຫົວແຂງຄືກັບປູ່ຍ່າຕານາຍຂອງພວກເຈົ້າຕອນທີ່ຢູ່ເມຣິບາ*+ແລະໃນມື້ທີ່ຢູ່ມາສາ*ໃນບ່ອນກັນດານ.+
9 ປູ່ຍ່າຕານາຍຂອງພວກເຈົ້າທົດສອບເຮົາ+ເຖິງວ່າເຂົາເຈົ້າໄດ້ເຫັນສິ່ງຕ່າງໆທີ່ເຮົາເຄີຍເຮັດ ແຕ່ເຂົາເຈົ້າກໍຍັງທ້າທາຍເຮົາ.+
10 ເຮົາຈຶ່ງຊັງຄົນລຸ້ນນັ້ນເປັນເວລາ 40 ປີແລະເວົ້າວ່າ:
“ເຂົາເຈົ້າເປັນຄົນດື້ດ້ານແລະເຮັດຕາມໃຈໂຕເອງ.ເຂົາເຈົ້າບໍ່ຮູ້ຈັກທາງຂອງເຮົາເລີຍ.”
11 ເຮົາສາບານດ້ວຍຄວາມໃຈຮ້າຍວ່າ:
“ເຂົາເຈົ້າຈະບໍ່ໄດ້ເຂົ້າໄປໃນບ່ອນຢຸດພັກຂອງເຮົາ.”+
