ເອຊາຢາ 65:1-25
65 “ເຮົາເຕັມໃຈຊ່ວຍຄົນທີ່ບໍ່ຢາກຮູ້ຈັກເຮົາ.ເຮົາເຕັມໃຈຕອບຄົນທີ່ບໍ່ໄດ້ຂໍການຊີ້ນຳຈາກເຮົາ.+
ເຮົາບອກຊາດໜຶ່ງວ່າ ‘ເຮົາຢູ່ນີ້ ເຮົາຢູ່ນີ້ເດີ້!’ ເຖິງວ່າຊາດນີ້ບໍ່ໄດ້ເອີ້ນຊື່ຂອງເຮົາ.+
2 ເຮົາເດ່ມືອອກໝົດມື້+ເພື່ອຊວນຄົນທີ່ຫົວແຂງແລະເພື່ອເອີ້ນຄົນທີ່ໃຊ້ຊີວິດໃນແນວທາງທີ່ບໍ່ຖືກຕ້ອງ.+ເຂົາເຈົ້າເປັນຄົນທີ່ເຮັດຕາມຄວາມຄິດຂອງໂຕເອງ.+
3 ຊາດນີ້ດູຖູກເຮົາຕໍ່ໜ້າເຮົາ.+ເຂົາເຈົ້າເຜົາເຄື່ອງບູຊາຢູ່ໃນສວນ+ແລະເຜົາເຄື່ອງບູຊາຢູ່ເທິງດິນຈີ່.
4 ເຂົາເຈົ້ານັ່ງຢູ່ທ່າມກາງບ່ອນຝັງສົບ+ແລະໄປຢູ່ບ່ອນທີ່ລັບລີ້*ໝົດຄືນ.ເຂົາເຈົ້າກິນຊີ້ນໝູ+ແລະເອົາສິ່ງທີ່ບໍ່ສະອາດມາເຮັດແກງຢູ່ໃນໝໍ້.+
5 ເຂົາເຈົ້າເວົ້າວ່າ ‘ຢູ່ໄກໆ ຢ່າເຂົ້າມາໃກ້ຂ້ອຍເພາະວ່າຂ້ອຍບໍລິສຸດກວ່າເຈົ້າ.’*
ເຂົາເຈົ້າເຮັດໃຫ້ເຮົາໃຈຮ້າຍ*ຕະຫຼອດຄືກັບໄຟທີ່ລຸກໄໝ້ໝົດມື້.
6 ສິ່ງເຫຼົ່ານີ້ຖືກຂຽນໄວ້ຕໍ່ໜ້າເຮົາ.ເຮົາຈະບໍ່ຢູ່ຊື່ໆ.ເຮົາຈະຕອບແທນເຂົາເຈົ້າ+ແລະເຮົາຈະລົງໂທດເຂົາເຈົ້າໃຫ້ສົມກັບສິ່ງທີ່ເຂົາເຈົ້າເຮັດ.*
7 ເຮົາຈະລົງໂທດເຂົາເຈົ້າສຳລັບຄວາມຜິດທີ່ເຂົາເຈົ້າໄດ້ເຮັດ ແລະສຳລັບຄວາມຜິດທີ່ປູ່ຍ່າຕານາຍຂອງເຂົາເຈົ້າໄດ້ເຮັດນຳ.”+ ພະເຢໂຫວາເວົ້າແບບນີ້.
“ຍ້ອນເຂົາເຈົ້າໄດ້ເຜົາເຄື່ອງບູຊາຢູ່ຕາມພູແລະດູຖູກເຮົາຢູ່ຕາມໂນນພູ+ທຳອິດເຮົາຈະລົງໂທດເຂົາເຈົ້າຕາມຄວາມຊົ່ວທີ່ເຂົາເຈົ້າໄດ້ເຮັດ.”
8 ພະເຢໂຫວາເວົ້າວ່າ:
“ຖ້າໃນພວງໝາກລະແຊັງຍັງມີໜ່ວຍດີໆທີ່ຈະເຮັດເຫຼົ້າແວງໃໝ່ໄດ້ກໍຈະມີຄົນບອກວ່າ ‘ບໍ່ຕ້ອງທຳລາຍມັນເພາະວ່າຍັງມີໜ່ວຍດີຢູ່.’
ເຮົາກໍຈະເຮັດແບບນັ້ນກັບຜູ້ຮັບໃຊ້ຂອງເຮົາ.ເຮົາຈະບໍ່ທຳລາຍເຂົາເຈົ້າທັງໝົດ.+
9 ເຮົາຈະໃຫ້ມີລູກຫຼານຜູ້ໜຶ່ງອອກມາຈາກຢາໂຄບແລະຈາກຢູດາ.ລາວຈະໄດ້ຮັບພູຕ່າງໆຂອງເຮົາເປັນມໍລະດົກ.+ຄົນທີ່ເຮົາເລືອກໄວ້ຈະໄດ້ເປັນເຈົ້າຂອງພູເຫຼົ່ານີ້ແລະຜູ້ຮັບໃຊ້ຂອງເຮົາກໍຈະອາໄສຢູ່ຫັ້ນ.+
10 ຊາໂຣນ+ຈະກາຍເປັນທົ່ງຫຍ້າສຳລັບຝູງແກະແລະຮ່ອມພູອາໂຄ+ຈະເປັນບ່ອນພັກຜ່ອນສຳລັບຝູງງົວ.ເຮົາຈະເຮັດແບບນີ້ສຳລັບປະຊາຊົນຂອງເຮົາທີ່ຊອກຫາເຮົາ.
11 ແຕ່ພວກເຈົ້າພັດປະຖິ້ມພະເຢໂຫວາ+ລືມພູບໍລິສຸດຂອງເຮົາ+ຕັ້ງໂຕະວາງເຄື່ອງບູຊາໃຫ້ພະເຈົ້າແຫ່ງໂຊກລາບແລະເອົາເຫຼົ້າແວງປະສົມເຫຍັ້ນໃສ່ຈອກຈົນເຕັມໃຫ້ພະເຈົ້າແຫ່ງໂຊກຊະຕາ.
12 ຍ້ອນແນວນີ້ ເຮົາຈະປ່ອຍໃຫ້ພວກເຈົ້າຖືກຂ້າດ້ວຍດາບ.+ພວກເຈົ້າທຸກຄົນຈະໝູບລົງເພື່ອຖືກຂ້າ+ຍ້ອນວ່າຕອນທີ່ເຮົາເອີ້ນ ພວກເຈົ້າບໍ່ໄດ້ຕອບແລະຕອນທີ່ເຮົາເວົ້າ ພວກເຈົ້າບໍ່ໄດ້ຟັງ.+ພວກເຈົ້າເຮັດສິ່ງທີ່ເຮົາເບິ່ງວ່າຊົ່ວຢູ່ເລື້ອຍໆແລະເລືອກເຮັດສິ່ງທີ່ເຮົາບໍ່ມັກ.”+
13 ຍ້ອນແນວນີ້ ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈຶ່ງເວົ້າວ່າ:
“ຖ້າເບິ່ງເດີ້! ຜູ້ຮັບໃຊ້ຂອງເຮົາຈະມີແນວກິນ ແຕ່ພວກເຈົ້າຈະອຶດຢາກ.+
ຜູ້ຮັບໃຊ້ຂອງເຮົາຈະມີນ້ຳກິນ+ ແຕ່ພວກເຈົ້າຈະຫິວນ້ຳ.
ຜູ້ຮັບໃຊ້ຂອງເຮົາຈະມີຄວາມສຸກ+ ແຕ່ພວກເຈົ້າຈະອັບອາຍ.+
14 ຖ້າເບິ່ງເດີ້! ຜູ້ຮັບໃຊ້ຂອງເຮົາຈະຮ້ອງດ້ວຍຄວາມດີໃຈຍ້ອນເຂົາເຈົ້າມີຄວາມສຸກແຕ່ພວກເຈົ້າຈະຮ້ອງໄຫ້ຍ້ອນເຈັບປວດໃຈແລະພວກເຈົ້າຈະຮ້ອງໄຫ້ເສຍໃຈຍ້ອນໝົດຫວັງ.
15 ຫຼັງຈາກທີ່ພວກເຈົ້າຕາຍ ຄົນທີ່ເຮົາເລືອກໄວ້ຈະເອົາຊື່ຂອງພວກເຈົ້າມາໃຊ້ຕອນທີ່ເຂົາເຈົ້າເວົ້າຄຳສາບແຊ່ງ.ພະເຢໂຫວາຜູ້ຍິ່ງໃຫຍ່ສູງສຸດຈະເຮັດໃຫ້ພວກເຈົ້າທຸກຄົນຕາຍແຕ່ສຳລັບຜູ້ຮັບໃຊ້ຂອງເຮົາ ເຮົາຈະຕັ້ງຊື່ໃໝ່ໃຫ້ເຂົາເຈົ້າ.+
16 ທຸກຄົນໃນໂລກທີ່ຂໍພອນໃຫ້ໂຕເອງຈະໄດ້ພອນຈາກພະເຈົ້າແຫ່ງຄວາມຈິງ*ແລະທຸກຄົນໃນໂລກທີ່ສາບານກໍຈະສາບານໂດຍອ້າງພະເຈົ້າແຫ່ງຄວາມຈິງ.+
ຈະບໍ່ມີໃຜຄິດເຖິງຄວາມທຸກລຳບາກທີ່ເຄີຍມີແຕ່ກີ້ແລະຈະບໍ່ມີສິ່ງເຫຼົ່ານີ້ໃຫ້ເຮົາໄດ້ເຫັນອີກ.+
17 ຖ້າເບິ່ງເດີ້! ເຮົາຈະສ້າງຟ້າສະຫວັນໃໝ່ແລະໂລກໃໝ່.+ຈະບໍ່ມີໃຜຈື່ສິ່ງທີ່ເຄີຍເກີດຂຶ້ນຜ່ານມາແລະຈະບໍ່ມີໃຜເກັບສິ່ງເຫຼົ່ານັ້ນໄວ້ໃນໃຈອີກ.+
18 ໃຫ້ດີໃຈແລະມີຄວາມສຸກຕະຫຼອດໄປໃນສິ່ງທີ່ເຮົາຈະສ້າງ.
ເຮົາດີໃຈທີ່ໄດ້ສ້າງເຢຣູຊາເລັມຂຶ້ນໃໝ່ແລະເຮົາດີໃຈທີ່ຄົນໄດ້ຢູ່ຫັ້ນ.+
19 ເຮົາຈະມີຄວາມຍິນດີຍ້ອນເຢຣູຊາເລັມ ແລະເຮົາຈະມີຄວາມສຸກຍ້ອນປະຊາຊົນຂອງເຮົາ.+ຈະບໍ່ມີໃຜໄດ້ຍິນສຽງຮ້ອງໄຫ້ແລະສຽງຮ້ອງເຈັບປວດໃຈໃນເມືອງນີ້ອີກຕໍ່ໄປ.+
20 ຢູ່ຫັ້ນຈະບໍ່ມີແອນ້ອຍທີ່ເກີດມາຢູ່ໄດ້ແຕ່ສອງສາມມື້ແລ້ວກໍຕາຍ.ຜູ້ເຖົ້າຈະມີອາຍຸຍືນຍາວແລະຈະບໍ່ຕາຍກ່ອນໄວ.
ຜູ້ໃດທີ່ຕາຍຕອນອາຍຸໜຶ່ງຮ້ອຍປີ ຄົນກໍຈະເວົ້າວ່າລາວຕາຍທັງໆທີ່ຍັງໜຸ່ມຢູ່.ຂະໜາດຄົນບາບທີ່ຕາຍຍ້ອນຖືກສາບແຊ່ງກໍຈະມີອາຍຸຫຼາຍຮ້ອຍປີ.*
21 ເຂົາເຈົ້າຈະປຸກເຮືອນແລະໄດ້ຢູ່ໃນເຮືອນນັ້ນ.+ເຂົາເຈົ້າຈະເຮັດສວນໝາກລະແຊັງແລະໄດ້ກິນໝາກຂອງມັນ.+
22 ເຂົາເຈົ້າຈະບໍ່ປຸກເຮືອນແລ້ວໃຫ້ຄົນອື່ນຢູ່.ເຂົາເຈົ້າຈະບໍ່ເຮັດສວນໝາກລະແຊັງແລ້ວໃຫ້ຄົນອື່ນກິນ.
ປະຊາຊົນຂອງເຮົາຈະມີອາຍຸຍືນຄືກັບອາຍຸຂອງຕົ້ນໄມ້+ແລະຄົນທີ່ເຮົາເລືອກໄວ້ຈະມີຄວາມສຸກຢ່າງເຕັມທີກັບວຽກທີ່ເຂົາເຈົ້າເຮັດ.
23 ເຂົາເຈົ້າຈະບໍ່ຕ້ອງເຮັດວຽກເອົາແທ້ເອົາວ່າແລ້ວບໍ່ໄດ້ຫຍັງ+ແລະຈະບໍ່ຕ້ອງເກີດລູກອອກມາໃຫ້ເຈິກັບຄວາມທຸກຍ້ອນເຂົາເຈົ້າແລະລູກຫຼານຂອງເຂົາເຈົ້າ+ຈະເປັນຄົນທີ່ພະເຢໂຫວາອວຍພອນ.+
24 ເຮົາຈະຕອບເຂົາເຈົ້າກ່ອນທີ່ເຂົາເຈົ້າຈະຮ້ອງຫາເຮົາຊ້ຳ.ເຂົາເຈົ້າຍັງບໍ່ທັນໄດ້ເວົ້າຫຍັງ ເຮົາກໍໄດ້ຍິນແລ້ວ.
25 ໝາປ່າກັບແກະນ້ອຍຈະກິນຫຍ້ານຳກັນຢ່າງສະຫງົບສຸກ.ສິງຈະກິນເຟືອງຄືກັບງົວ+ແລະງູຈະກິນດິນເປັນອາຫານ.
ພວກມັນຈະບໍ່ເຮັດອັນຕະລາຍແລະບໍ່ສ້າງຄວາມເສຍຫາຍຫຍັງເລີຍຢູ່ທຸກບ່ອນໃນພູບໍລິສຸດຂອງເຮົາ.”+ ພະເຢໂຫວາເວົ້າແນວນີ້.
ຂໍ
^ ຫຼືອາດແປວ່າ “ໃນຕູບຍາມ”
^ ແປຕາມໂຕວ່າ “ມີຄວັນໃນຮູດັງຂອງເຮົາ”
^ ຫຼືອາດແປວ່າ “ເຈົ້າຈະເອົາຄວາມບໍລິສຸດຂອງຂ້ອຍໄປໝົດ”
^ ຫຼື “ເຮົາຈະຕອບແທນເຂົາເຈົ້າໃຫ້ເຕັມພົກເສື້ອ”
^ ຫຼື “ຄວາມສັດຊື່.” ແປຕາມໂຕວ່າ “ອາແມນ.”
^ ຫຼືອາດແປວ່າ “ແລະຄົນທີ່ຕາຍຕອນອາຍຸບໍ່ຮອດໜຶ່ງຮ້ອຍປີກໍຈະຖືວ່າເປັນຄົນທີ່ຖືກສາບແຊ່ງ”
