ໂຢບ 41:1-34
-
ພະເຈົ້າອະທິບາຍວ່າໂຕເລວີອາທານໜ້າງຶດງໍ້ສ່ຳໃດ (1-34)
41 “ເຈົ້າຈະໃສ່ເບັດເອົາໂຕເລວີອາທານ*+ໄດ້ບໍ?ຫຼືເຈົ້າຈະເອົາເຊືອກມັດລີ້ນຂອງມັນໄດ້ບໍ?
2 ເຈົ້າຈະເອົາເຊືອກສອດໃສ່ດັງມັນແລະມັດໄວ້ໄດ້ບໍ?ຫຼືເຈົ້າຈະເອົາຂໍເກາະມາເກາະຄາງກະໄຕມັນໄດ້ບໍ?
3 ມັນຈະອ້ອນວອນໃຫ້ເຈົ້າອີ່ຕົນມັນບໍ?ຫຼືມັນຈະເວົ້າກັບເຈົ້າແບບນຸ້ມນວນບໍ?
4 ມັນຈະຍອມເຮັດສັນຍາກັບເຈົ້າເພື່ອເປັນທາດຂອງເຈົ້າຕະຫຼອດຊີວິດບໍ?
5 ເຈົ້າຈະຫຼິ້ນກັບມັນຄືກັບຫຼິ້ນກັບນົກໄດ້ບໍ?ຫຼືເຈົ້າຈະມັດມັນໄວ້ໃຫ້ລູກສາວຫຼິ້ນກັບມັນໄດ້ບໍ?
6 ຄົນຫາປາຈະເອົາມັນໄປຂາຍບໍ?
ຫຼືພວກພໍ່ຄ້າຈະເອົາມັນໄປແບ່ງກັນບໍ?
7 ເຈົ້າຈະເອົາແນວແຫຼມໆແທງໜັງຂອງມັນ+ຫຼືເອົາຫອກແທງຫົວມັນໄດ້ບໍ?
8 ຖ້າເຈົ້າລອງຈັບມັນຈັກບາດໜຶ່ງເຈົ້າຈະບໍ່ລືມວ່າມັນສູ້ເຈົ້າແນວໃດ ແລ້ວເຈົ້າຈະຫຼາບເລີຍ!
9 ຢ່າຫວັງວ່າເຈົ້າຈະສູ້ມັນໄດ້.
ວ່າແຕ່ເຈົ້າເຫັນມັນ ເຈົ້າກໍເປີດອາດຫຼາດ*ແລ້ວ.
10 ຂະໜາດວ່າມັນກໍຍັງບໍ່ມີໃຜກ້າກວນ
ແລ້ວຜູ້ໃດຈະກ້າມາສູ້ກັບເຮົາ?+
11 ມີຜູ້ໃດເອົາຫຍັງໃຫ້ເຮົາກ່ອນບໍ ເຮົາຈຶ່ງຈະຕ້ອງມາຕອບແທນຄືນ?+
ທຸກຢ່າງທີ່ຢູ່ໃຕ້ຟ້າກໍເປັນຂອງເຮົາຢູ່ແລ້ວ.+
12 ເຮົາຈະເວົ້າຕໍ່ເລື່ອງຂາຂອງມັນແລະເຫື່ອແຮງກັບໂຕຂອງມັນທີ່ເປັນຕາໜ້າງຶດງໍ້.
13 ໃຜຈະຖອດເກາະທີ່ຫຸ້ມໂຕຂອງມັນອອກໄດ້?
ໃຜຈະກ້າເຂົ້າໄປໃກ້ປາກຂອງມັນ?
14 ໃຜຈະກ້າອ້າປາກຂອງມັນ?
ມັນມີແຂ້ວເປັນຕາຢ້ານເຕັມປາກ.
15 ຫຼັງຂອງມັນມີເກັດ*ເປັນແຖວໆແລະລຽນຕິດໆກັນ.
16 ເກັດຂອງມັນຕິດກັນຫຼາຍຈົນອາກາດເຂົ້າໄປບໍ່ໄດ້.
17 ເກັດຂອງມັນຕິດກັນແໜ້ນຫຼາຍຈົນແກະອອກຈາກກັນບໍ່ໄດ້.
18 ຕອນທີ່ມັນທັ່ງລົມອອກຈາກດັງ ແສງກໍອອກມາ.ແລະຕາຂອງມັນກໍຄືກັບແສງແດດໃນຕອນເຊົ້າ.
19 ມີແສງແມບໆອອກມາຈາກປາກຂອງມັນແລະກໍມີໝັດໄຟອອກມານຳ.
20 ມີຄວັນອອກຈາກດັງມັນຄືກັບຄວັນທີ່ອອກມາຈາກເຕົາໄຟທີ່ຖືກສຸມຟືນໃສ່.
21 ລົມຫາຍໃຈຂອງມັນເຮັດໃຫ້ຖ່ານລຸກເປັນໄຟໄດ້ແລະມີແປວໄຟອອກມາຈາກປາກຂອງມັນ.
22 ຄໍຂອງມັນແຂງແຮງຫຼາຍ.ຜູ້ໃດເຫັນມັນກໍຢ້ານອີ່ຫຼີ.
23 ໜັງທ້ອງຂອງມັນຕິດກັນບັກແໜ້ນໆແລະເປັນຄືກັບເຫຼັກທີ່ເອົາອອກບໍ່ໄດ້.
24 ຫົວໃຈຂອງມັນແຂງຄືກັບຫີນແລະແຂງຄືກັບຫີນໂມ້ໂຕທາງລຸ່ມ.
25 ຕອນທີ່ມັນລຸກຂຶ້ນ ແມ່ນແຕ່ຄົນທີ່ມີແຮງຫຼາຍກໍຍັງຢ້ານ.ຕອນທີ່ມັນຟາດຫາງແຮງໆແມ່ນໃຜກໍຢ້ານ.
26 ບໍ່ມີຫຍັງຈັດການມັນໄດ້ບໍ່ວ່າຈະເປັນຫອກ ລູກດອກ ຫຼືລູກທະນູ ແມ່ນແຕ່ດາບກໍແທງມັນບໍ່ເຂົ້າ.+
27 ສຳລັບມັນແລ້ວ ເຫຼັກກໍສ່ຳກັບເຟືອງແລະທອງແດງກໍສ່ຳກັບໄມ້.
28 ລູກທະນູກໍໄລ່ມັນໜີບໍ່ໄດ້.ເອົາກ້ອນຫີນໃສ່ເຊືອກແກວ່ງໃສ່ມັນກໍສ່ຳກັບດຶກຂີ້ແກບໃສ່.
29 ສຳລັບມັນແລ້ວ ໄມ້ຄ້ອນກໍສ່ຳກັບຕໍເຟືອງແລະມັນກໍຫົວຂວັນໃສ່ຫອກ.
30 ພື້ນທ້ອງຂອງມັນຄົມຄືກັບເສດປ່ຽງຂອງຈານແຕກ.ມັນເຮັດໃຫ້ຂີ້ຕົມເປັນຮອຍຄືກັບຕອນທີ່ແປ້ນໄມ້*ຖືກລາກຢູ່ລານຟາດເຂົ້າ.+
31 ມັນເຮັດໃຫ້ນ້ຳເລິກຟົດຄືກັບນ້ຳຢູ່ໃນໝໍ້ຕົ້ມແລະມັນເຮັດໃຫ້ທະເລເຟືອດຄືກັບນ້ຳມັນຟົດຢູ່ໃນໝໍ້.
32 ຕອນທີ່ລອຍນ້ຳ ມັນເຮັດໃຫ້ນ້ຳທີ່ຢູ່ທາງຫຼັງເປັນຟອງ
ຈົນເຮັດໃຫ້ບາງຄົນຄິດວ່ານ້ຳເລິກມີຜົມຂາວ.
33 ຢູ່ເທິງໂລກບໍ່ມີອີ່ຫຍັງຄືກັບມັນເລີຍ.ພະເຈົ້າສ້າງມັນບໍ່ໃຫ້ຢ້ານອີ່ຫຍັງ.
34 ມັນເບິ່ງສັດທຸກໂຕທີ່ຈອງຫອງແບບບໍ່ຢ້ານ.
ມັນເປັນລາຊາຂອງສັດປ່າທັງໝົດທີ່ເປັນຕາຢ້ານ.”
ຂໍ
^ ເຂົ້າໃຈວ່າອາດໝາຍເຖິງໂຕແຂ້ຫຼືສັດທີ່ແຂງແຮງຊະນິດອື່ນໆ
^ ຫຼື “ລົ້ມລົງ”
^ ຫຼືອາດແປວ່າ “ມັນພູມໃຈທີ່ມີເກັດ”
^ ແປ້ນໄມ້ທີ່ໃຊ້ງົວລາກເພື່ອໃຫ້ເມັດເຂົ້າຫຼົ່ນອອກຈາກຮວງ
