ແຜ່ນດິນໂລກເປັນອຸທິຍານ

ເປີດ

ພະເຢໂຫວາຈະແກ້ໄຂ້ສິ່ງບໍ່ດີທັງຫມົດທີ່ຊາຕານໄດ້ກໍ່ຂຶ້ນ. ພະເຢໂຫວາໄດ້ແຕ່ງຕັ້ງພະເຍຊູໃຫ້ເປັນກະສັດປົກຄອງແຜ່ນດິນໂລກ. ພາຍໃຕ້ການປົກຄອງຂອງພະອົງແຜ່ນດິນໂລກຈະກາຍເປັນອຸທິຍານ—ດານຽນ 7:13, 14; ລືກາ 23:43.

ພະເຢໂຫວາສັນຍາຈະໃຫ້ສິ່ງເຫລົ່ານີ້:

ອາຫານອັນອຸດົມສົມບູນ: “ແຜ່ນດິນຈະເກີດຜົນລະປູກແຫ່ງຕົນ ພະເຈົ້າພະເຈົ້າຂອງພວກເຮົາຈະອວຍພອນໃຫ້ພວກເຮົາ.” “ແຜ່ນດິນນັ້ນຈະມີເຂົ້າອັນບໍລິບູນເທິງຍອດພູທັງຫລາຍ.”—ຄຳເພງ 67:6; 72:16.
ຈະບໍ່ມີສົງຄາມຕໍ່ໄປ: “ຈົ່ງມາເບິ່ງກິດຈະການທັງຫລາຍຂອງພະເຢໂຫວາ ການທຳລາຍທັງຫລາຍທີ່ພະອົງໄດ້ກະທຳເທິງແຜ່ນດິນໂລກ. ພະອົງໄດ້ໂຜດໃຫ້ການເສິກທັງຫລາຍເຊົາຈົນທີ່ສຸດແຜ່ນດິນໂລກ.”—ຄຳເພງ 46:8, 9.
ບໍ່ມີຄົນຊົ່ວ: “ເຫດວ່າຄົນທັງຫລາຍທີ່ເຮັດການຮ້າຍຈະຈິບຫາຍໄປ . . . ຍັງສັກເວລາຫນ້ອຍແລະຄົນຮ້າຍຈະບໍ່ຢູ່ຕໍ່ໄປ ແລະເຈົ້າຈະເບິ່ງບ່ອນຢູ່ແຫ່ງຕົນແລະຕົນຈະບໍ່ຢູ່ທີ່ນັ້ນຕໍ່ໄປ.”—ຄຳເພງ 37:9, 10.
ບໍ່ມີຄວາມເຈັບປ່ວຍ ຄວາມໂສກເສົ້າ ຫລືຄວາມຕາຍ: “ເມື່ອນັ້ນຕາຂອງຄົນຕາບອດທັງຫລາຍຈະມືນອອກ ແລະຫູຂອງຄົນຫູຫນວກທັງຫລາຍຈະໄຂອອກ. ເມື່ອນັ້ນຄົນຂາເຢກຈະດ່ອງຄືກວາງ ແລະລີ້ນຂອງຄົນປາກກືກຈະລຳດ້ວຍຄວາມຍິນດີ.”—ເອຊາອີ 35:5, 6.

“ແລະພະເຈົ້າເອງຈະຢູ່ກັບເຂົາ. ເປັນພະເຈົ້າຂອງເຂົາ. ແລະພະເຈົ້າຈະເຊັດນໍ້າຕາທັງຫລາຍຈາກຕາຂອງເຂົາ ແລະຄວາມຕາຍຈະບໍ່ມີຕໍ່ໄປ ແລະຄວາມທຸກໂສກ ແລະຮ້ອງໄຫ້ ແລະເຈັບປວດຈະບໍ່ມີຕໍ່ໄປ. ເຫດວ່າສິ່ງທັງຫລາຍທີ່ເປັນເມື່ອກ່ອນນັ້ນກໍລ່ວງໄປແລ້ວ.”—ຄຳປາກົດ 21:3, 4.

ບໍ່ຄືກັບຊາຕານແລະຜີປີສາດ ພະເຢໂຫວາບໍ່ເຄີຍເວົ້າຕົວະ. ທຸກສິ່ງທີ່ພະອົງສັນຍາໄວ້ຈະຕ້ອງເປັນຈິງ. (ລືກາ 1:36, 37) ພະເຢໂຫວາຮັກເຈົ້າແລະຕ້ອງການໃຫ້ເຈົ້າຢູ່ໃນອຸທິຍານທີ່ພະອົງຈະສ້າງຂຶ້ນ. ສະນັ້ນ ເຈົ້າສາມາດຕິດຕໍ່ພະຍານພະເຢໂຫວາເພື່ອຮຽນຮູ້ຫລາຍຂຶ້ນກ່ຽວກັບຄວາມຈິງອັນຫນ້າງຶດງໍ້ເຊິ່ງມີຢູ່ໃນພະຄຳຂອງພະເຈົ້າ. ຫາກວ່າເຈົ້ານຳໃຊ້ຄວາມຈິງໃນຊີວິດ ເຈົ້າກໍຈະເປັນອິດສະຫລະ ບໍ່ຕົກເປັນເຫຍື່ອຂອງອຸບາຍຫລອກລວງ ການຖືໂຊກລາງແລະຄວາມງົມງວາຍ. ອີກບໍ່ດົນເຈົ້າຈະຫລຸດຈາກການເປັນທາດຂອງຄວາມບາບແລະຄວາມຕາຍ. ດັ່ງທີ່ພະເຍຊູກ່າວໄວ້ວ່າ “ພວກທ່ານຈະຮູ້ຈັກຄວາມຈິງແລະຄວາມຈິງຈະໄຖ່ທ່ານໃຫ້ພົ້ນຈາກເປັນທາດ.”—ໂຢຮັນ 8:32.

ເລື່ອງທີ່ເຈົ້າອາດຈະມັກ

ຄຳສອນຫຼັກໃນຄຳພີໄບເບິນ

ລາຊະອານາຈັກຂອງພະເຈົ້າແມ່ນຫຍັງ?

ຕະຫຼອດການຮັບໃຊ້ຂອງພະເຍຊູ ເພິ່ນສອນເລື່ອງລາຊະອານາຈັກຂອງພະເຈົ້າຫຼາຍກວ່າເລື່ອງອື່ນໆ. ເປັນເວລາຫຼາຍສະຕະວັດທີ່ລູກສິດຂອງເພິ່ນອະທິຖານຂໍໃຫ້ລາຊະອານາຈັກມາ.

ວິນຍານຂອງຄົນຕາຍ