Kana Bibele Yakona Kunitusa Kuba ni Tabo Mwa Lubasi?
Kalabo ya Bibele
Eni. Halunyakisiseñi kelezo yende yetomile fa Bibele yetusize baana ni basali babañata kuba ni tabo mwa lubasi:
Linyalo lamina libe la ka mulao. Batu habanyalana ka mulao, baitamanga kuli bakaba mwa linyalo leo mwa bupilo bwabona kaufela, ili nto yeñwi yekona kubatusa kuba ni tabo mwa lubasi.—Mateu 19:4-6.
Mubonise lilato ni likute. Taba yeo ikopanyeleza kueza bakumina momubatela kuli bamiezeze.—Mateu 7:12; Maefese 5:25, 33.
Muambuke lipulelo zemaswe. Mubulele ka musa, bakumina niha bakabulela kamba kueza nto yeñwi yemiutwisa butuku kwa pilu. (Maefese 4:31, 32) Kwa Liproverbia 15:1, Bibele ibulela kuli: “Kalabo yebunolo ifelisa mabifi, kono manzwi autwisa butuku atahisa buhali.”
Musepahale ku bakumina. Musike mwalakaza kamba kueza somano ni mutu usili kwandaa bakumina. (Mateu 5:28) Bibele ibulela kuli: “Linyalo likutekiwe kwa batu kaufela, mi bulobalo bwa mwa linyalo butokwe masila.”—Maheberu 13:4.
Mulute bana bamina ka lilato. Musike mwabauta sitepo kono hape musike mwabahalifela.—Liproverbia 29:15; Makolose 3:21.
Hape Mwendi Mwakona Kutabela Litaba Ze
MWA KONA KU BA NI TABO MWA LUBASI
Mu Kupe Mulimu Kuli A Mi Tuse ku ba ni Tabo Mwa Linyalo
Mu itusise lipuzo ze peli ze bunolo ze ka mi tusa ku tiisa linyalo la mina.
LIKALABO KWA LIPUZO ZA BIBELE
Bibele Ibulelañi ka za Linyalo?
Likuka za mwa Bibele zakona kutusa baana ni basali babanyalani kutokolomoha kamba kutula butata.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.