Lisamu 112:1-10
112 Mulumbeke Jah!*+
א [Aleph]
Tabo ki ya mutu yasaba Jehova,+ב [Beth]Yatabela hahulu milao yahae.+
ג [Gimel]
2 Babasimuluha ku yena bakaba babamaata mwa lifasi,ד [Daleth]Mi lusika lwa babanani niti lukafuyolwa.+
ה [He]
3 Maluwo ni bufumu li mwa ndu yahae,ו [Waw]Mi kuluka kwahae kukazwelapili kuya kuile.
ז [Zayin]
4 Ku babanani niti, ubenya inge liseli mwa lififi.+
ח [Heth]
Unani mukekecima* ni makeke+ mi ulukile.
ט [Teth]
5 Lika lizamaela hande mutu yakolotisa hahulu babañwi.*+
י [Yod]
Uzamaisa lika zahae ka katulo yelukile.
כ [Kaph]
6 Haana kunyanganyiswa nikamuta.+
ל [Lamed]
Yalukile ukahupulwa kuya kuile.+
מ [Mem]
7 Haana kusaba taba yemaswe.+
נ [Nun]
Pilu yahae itiile, usepile Jehova.+
ס [Samekh]
8 Pilu yahae haizikinyehi; haasabi sesiñwi;+ע [Ayin]Kwa mafelelezo, ukatalimela lila zahae halitulwa.+
פ [Pe]
9 Uabezi babañata;* ufile babotana.+
צ [Tsade]
Kuluka kwahae kukazwelapili kuya kuile.+
ק [Qoph]
Maata* ahae akaekezeha ka kanya.
ר [Resh]
10 Yamaswe ukabona cwalo mi ukafilikana.
ש [Shin]
Ukakweca meeno ahae ni kuyunda.
ת [Taw]
Litakazo za babamaswe likafela.+
Litaluso ze kwatasi
^ Kamba “Halelujah!” “Jah” ki kupumela libizo la Jehova.
^ Kamba “musa.”
^ Kamba “yakalima hahulu babañwi.”
^ Kamba “ka bufani.”
^ Linzwi ka linzwi, “Lunaka.”
