Lisamu 4:1-8
Ku muzamaisi wa lipina; kuitusiswe zelizwa za mihala. Samu ya Davida.
4 Hanika biza, unialabe, wena Mulimu waka yalukile.+
Nilukiseze nzila ya kimululo* mwa manyando aka.
Nishemube mi uutwe tapelo yaka.
2 Mina bana ba batu, mukaanga nako yekuma kai inze munishwaula?
Mukaanga nako yekuma kai inze mulata zesina tuso ni kubata-bata za buhata? (Selah)
3 Muzibe kuli Jehova ukaeza ka nzila yeipitezi mutu yasepahala ku yena;*Jehova ukautwa hanika huweleza ku yena.
4 Hamufilikana, musike mwaeza sibi.+
Muipulelele mwa pilu yamina, hamuli fa bulobalo bwamina, mi mukuze. (Selah)
5 Mufe matabelo a kuluka,Mi musepe Jehova.+
6 Ki babañata bababulela kuli: “Ki mañi yaka lubonisa sesinde?”
Haike lubenyezwe ki liseli la pata yahao, wena Jehova.+
7 Utalize pilu yaka ka tabo yetunaKufita babakutuzi bubeke bobuñata ni waine yenca yeñata.
8 Nikapatama ni kulobala ka kozo,+
Kakuli wena Jehova, ki wena unosi yanipilisa mwa buiketo.+
Litaluso ze kwatasi
^ Linzwi ka linzwi, “Uniezeze sibaka sesituna.”
^ Kamba “ukataluhanya yasepahala ku yena; ukaiketela yasepahala ku yena.”
