Mika 3:1-12
3 Cwale nali: “Hamuutwe, mina litoho za masika a JakoboNi mina bazamaisi ba ndu ya Isilaele.+
Kana hamuswaneli kuziba katulo yelukile?
2 Kono mutoile bunde+ mi mulata bumaswe;+Mubuwa litalo la batu ba sicaba saka ni kuzwisa nama yeapesa masapo abona.+
3 Hape muca nama ya sicaba saka+Ni kubuwa litalo labona,Mulobaka masapo abona, ni kuatubaka,+Sina zeapehiwa mwa poto,* sina nama ye mwa poto.
4 Ka nako yeo, bakabiza Jehova kuli abatuse,Kono haana kubaalaba.
Uka bapatela pata yahae ka nako yeo,+Kabakala likezo zabona zemaswe.+
5 Ki se sabulela Jehova kwa bapolofita babakelusa sicaba saka,+Babazibahaza, bali: ‘Kozo!’+ habanani lico mwa meeno abona*+Kono ili babalwanisa* mutu yasakenyi sico mwa milomo yabona:
6 ‘Mukatahelwa ki busihu;+ hamuna kubona lipono;+Mukabona feela lififi, mi hamuna kulaula.
Lizazi likalikelela bapolofita,Mi lizazi lika baunsufalela.+
7 Baboni ba lipono bakaswabiswa,+Mi balauli bakaswaba.
Kaufelaa bona bakakwahela milelu yabona ya fahalimu,*Kakuli hakuna kalabo yezwa ku Mulimu.’”
8 Haili na, nitezi maata enifilwe ki moya wa Jehova,Ni katulo yelukile ni maata amatuna,Kuli nibulelele Jakobo bukwenuheli bwahae ni Isilaele sibi sahae.
9 Hamuutwe taba ye, mina litoho za masika a JakoboNi mina bazamaisi ba ndu ya Isilaele,+Mina babatoile katulo yelukile ni babakopamisa litaba kaufela zenamile,+
10 Babayaha Sione ka mali asuluzwi ni kuyaha Jerusalema ka kusaluka.+
11 Baeteleli* bahae baatula ka likweta,+Baprisita bahae baluta batu kuli balifiwe sesiñwi,+Mi bapolofita bahae balaula kuli bafiwe masheleñi.*+
Kono baitinga ku Jehova,* inze bali:
“Kana Jehova hayo ni luna?+
Hakuna ziyezi yeka lutahela.”+
12 Cwale kabakala mina,Sione ukakekelwa sina simu,Jerusalema ukafetuha mabunda ali matota,+Mi lilundu la Ndu* likaba sina libaka zelumbile ze mwa mushitu.+
Litaluso ze kwatasi
^ Kamba “poto ya mulomo omutuna.”
^ Kamba mwendi, “habanani sakuca.”
^ Linzwi ka linzwi, “babakenisa ndwa kulwanisa.”
^ Kamba “kukwahela milomo yabona.”
^ Kamba “baipapata kuli baitinga ku Jehova.”
^ Kamba “silivera.”
^ Linzwi ka linzwi, “litoho.”
^ Kamba “lilundu la tempele.”
