Ki batu babanani muzamao kenile feela babakona kuikola silikani sesinde ni Jehova. (1 Pit. 1:14-16) Baituti ba Bibele habanze bazwelapili kutuhela mikwa ye masila, bakaba ni tabo mwa lubasi, buikangulo bobunde, mi bakaziba mwa kuitusiseza hande masheleñi.

Mubatuse kuziba hande likuka za Jehova za muzamao, libaka halufile likuka zeo, ni moluka tusezwa halupila ka kulumelelana ni zona. Mutuse baituti bamina kucinca mubonelo wa bona, mi baka kona kueza tato ya Jehova. (Maef. 4:22-24) Mubatuse kukolwa kuli ka tuso ya Jehova bakona kutuhela lika zemaswe zebaezize ka nako yetelele. (Mafil. 4:13) Mubalute kuli balapelange ku Jehova habaipumana mwa muinelo okona kubatahiseza kueza sibi. Mubatuse kulemuhanga ni kuambuka miinelo yekona kubatahiseza kuli kubabele taata kueza zelukile. Mubasusueze kueza lika zekona kubatusa mwa sibaka sa kueza lika zemaswe. Mukaba ni tabo hamubona baituti bamina ba Bibele habaeza licinceho ka tuso ya Jehova.

MUBUHE VIDIO YELI MUTUSE BAITUTI BAMINA BA BIBELE KUTUHELA MIKWA YEMASILA, MI KIHONA MUKAALABA LIPUZO ZELATELELA:

• Baana-bahulu ni bo Neeta nebabonisize cwañi kuli nebasepile bo Tabo?

• Bo Neeta nebazwezipili cwañi kutusa bo Tabo?

• Bo Tabo nebakupile cwañi tuso ku Jehova?