Likaizeli batusa hahulu mwa musebezi wa Mubuso. (Samu 68:11) Ki bona babazamaisa lituto za Bibele zeñata mi buñata bwa mapaina ba kamita ki likaizeli. Likaizeli babañata bababeleka ka taata basebeleza fa Betele, basebeza sina balumiwa, sina baitateli mwa musebezi wa buyahi, ni sina batoloki. Likaizeli babahulile kwa moya batiisanga hahulu mabasi abona ni liputeho. (Liprov. 14:1) Nihaike kuli likaizeli habakoni kubeleka sina baana-bahulu kamba likombwa za puteho, basakona kuitomela likonkwani mwa puteho. Haiba mu likaizeli, mukona kupeta cwañi zeñata mwa sebelezo yamina ku Jehova?

• Mube ni tulemeno twa Sikreste.—1 Tim. 3:11; 1 Pit. 3:3-6

• Mutuse likaizeli babasina hande yeloseli mwa puteho.—Tite 2:3-5

• Muekeze kwa nako yemutandanga mwa bukombwa ni kwa buikoneli bwamina

• Muitute puo isili

• Mututele kokutokwahala hahulu bakutazi

• Mukupe kuyobelekela fa Betele kamba kutusa mwa musebezi wa kuyaha libaka za kulapelela

• Mukupe kukena Sikolo sa Bakutazi ba Mubuso

MUBUHE VIDIO YELI “BASALI BABASEBEZA KA TAATA KU MULENA,” MI KIHONA MUKAALABA PUZO YE:

• Zene babulela likaizeli limisusuelize cwañi?