Lipaki za Jehova banani tohonolo yetuna. Ka kuba Bakreste babaineezi ni kukolobezwa, luzwelapili kutiisa silikani saluna ni Mulena Yapahami ka Kufitisisa Jehova. Uluhohezi ku yena ka Mwanaa hae. (Joa. 6:44) Wautwanga litapelo zaluna.—Samu 34:15.

Lukona kubukeleza cwañi silikani saluna sesinde ni Mulimu? Nzila yeñwi yelukona kueza cwalo ka yona, ki ka kuambuka lika zemaswe zene baezize Maisilaele. Hamulahonyana feela wa kueza tumelelano ya bulikani ni Jehova, baeza namani ya gauda mi bakala kulapela mulimu wa siswaniso. (Exo. 32:7, 8; 1 Makor. 10:7, 11, 14) Luswanela kuipuza kuli: ‘Niezanga cwañi hanikopana ni muliko? Kana likezo zaka libonisanga kuli naitebuha silikani saka ni Jehova?’ Kulata hahulu Ndataa luna ya kwa lihalimu kuka lutusa kuambuka lika zatoile.—Samu 97:10.

MUBUHE VIDIO YELI MUBUKELEZE SILIKANI SAMINA NI JEHOVA (MAKOLO. 3:5), MI KIHONA MUKAALABA LIPUZO ZELATELELA:

• Kulakaza za babañwi kutalusañi?

• Ki kabakalañi haluswanela kuhana mukwañuli ni kulapela milimu ya maswaniso?

• Bubuki ni kulapela milimu ya maswaniso liswalisana cwañi?

• Ki kabakalañi babanani buikalabelo mwa kopano sihulu habaswanela kuisa hahulu pilu kwa lika zebatokwa bakubona?