MUIKATAZE KUPETA HANDE BUKOMBWA | MUEKEZE KWA TABO YAMINA MWA BUKOMBWA
Kuamuhela Tuso Yelufiwa ki Mizwale ni Likaizeli Baluna
Kuli alutuse Jehova ulufile “kopano ya mizwale [ni likaizeli baluna] kaufela”. (1 Pit. 5:9) Mizwale ni likaizeli bakona kulutusa kutula butata bolukopana ni bona mwa bukombwa. Ka mutala, muapositola Paulusi naatusizwe hahulu ki bo Akila ni Prisila, Silasi, Timotea, ni babañwi.—Lik. 18:1-5.
Mizwale ni likaizeli bakona kumitusa cwañi mwa bukombwa? Bakona kumifa akalezo ya mwakualabela batu baba bata kukauleza puisano, mwakuezeza misipili ya makutisezo, kamba mwakukaliseza ni mwakuzamaiseza lituto za Bibele. Munahane za muhasanyi mwa puteho yamina yakona kumifa tuso yemutokwa, mi mumukupe tuso yeo. Kusina kukakanya, bubeli bwamina mukatusiwa hahulu, mi mañi ni mañi wamina ukaba ni tabo.—Mafil. 1:25.
MUBUHE VIDIO YELI MUBE NI TABO MWA MUSEBEZI WA KUTUSA BATU KUBA BALUTIWA KA KUAMUHELA TUSO YAMIFA JEHOVA—MIZWALE NI LIKAIZELI BALUNA, MI KIHONA MUKAALABA LIPUZO ZELATELELA:
-
Bo Neeta nebasusuelize cwañi bo Tabo kufumanehanga kwa mikopano ya puteho?
-
Ki kabakalañi haluswanela kumemanga bahasanyi babañwi kulusindeketa kwa tuto ya Bibele?
-
Kuli lutuse mutu kuba mulutiwa, lutokwa tuso ya mizwale ni likaizeli babañwi mwa puteho
Ki lika mañi zene balumelelana ku zona bo Tabo ni bo Inonge?
-
Mizwale ni likaizeli bakona kumitusa kuba ni buikoneli mañi mwa bukombwa?
