Mumati ulukela kuzwelapili kutwaeza mubili wahae kuli azwelepili kuba ni buikoneli bwa kumata. Ka mukwa oswana, luswanela kuzwelapili kuikataza kutwaeza maata aluna a kulemuha. (Maheb. 5:14) Nihaike kuli hañata lutabela kulikanyisa likatulo za babañwi, lutokwa kuituta kuli luzibe mwa kunahanela ni mwa kuezeza likatulo. Ki kabakalañi? Yomuñwi ni yomuñwi waluna ukaikalabela kabakala likatulo zaeza.—Maro. 14:12.

Haluswaneli kunahana kuli lukaezanga likatulo zende ka libaka feela la kuli sekufitile lilimo zeñata kuzwa folukolobelezwa. Kuli lueze likatulo zende, luswanela kuitinga ka kutala ku Jehova, fa Linzwi lahae, ni kwa kopano yahae.—Josh. 1:7, 8; Liprov. 3:5, 6; Mat. 24:45.

MUBUHE VIDIO YELI “MUZWELEPILI KUBA NI LIZWALO LELINDE,” MI KIHONA MUKAALABA LIPUZO ZELATELELA:

• Bo Emma nebatokwa kueza katulo mañi?

• Ki kabakalañi haluswanela kuambuka kubulelanga maikuto aluna fa litaba zeama lizwalo?

• Bo Emma nebafilwe kelezo mañi yende ki bo muuna ni musalaa hae?

• Bo Emma nebafumani kai litaba zene batusize mwa muinelo wabona?