KUPILA SINA BAKRESTE
Muitusise Buka ya Muikole Bupilo Kuya Kuile! Mwa Bukombwa
Lutabile hahulu kuba ni broshuwa ni buka zenca za kuitusisa kwa kuzamaisa lituto za Bibele. Lulapela kuli Jehova afuyaule buikatazo bwa kuluta batu babañata kuba balutiwa. (Mat. 28:18-20; 1 Makor. 3:6-9) Lukona kuitusisa cwañi lihatiso zenca ze?
Bakeñisa kuli buka ya Muikole Bupilo Kuya Kuile!, muitute Bibele, iitusisa mulutelo omunca, mulatelele litaelo ze hamunze muitukiseza ni hamuzamaisa lituto za Bibele. *
-
Mubale litaba kaufela ni kunyakisisa lipuzo zebonisizwe
-
Mubale mañolo abonisizwe kuli “mubale”, mi mutuse muituti kuutwisisa mwamutuseza
-
Mubuhise ni kunyakisisa mavidio ka kuitusisa lipuzo kaufela zelukisizwe
-
Mulike kufeza tuto ni tuto mwa muitutelo ulimuñwi
Hamuli mwa bukombwa, mukale ka kufa mutu broshuwa ilikuli mubone haiba watabela. (Mubone mbokisi yeli “ Mwakufela Broshuwa ya Muikole Bupilo Kuya Kuile! fa Musipili Wapili.”) Haiba mufeza kuituta mwa broshuwa mi muituti ubonisa kuli ubata kuzwelapili kuituta, mumufe buka mi mukale kuituta fa tuto 04. Haiba muitutanga ni mutu yomuñwi ku yeñwi ya lihatiso zeluitusisanga kwa kuluta batu, mushimbulukele mwa buka ya Muikole Bupilo Kuya Kuile! mi munyakisise fomukona kukalela mwa buka yeo.
MUBUHE VIDIO YELI MUIKOLE TUTO YAMINA YA BIBELE, MI KIHONA MUKAALABA LIPUZO ZELATELELA:
-
Ki lika mañi zebaka ituta baituti mwa buka yenca ye?
-
Ki kabakalañi hamuswanela kubuhisa vidio ye kwa baituti babanca?
-
Ki likonkwani mañi zemuswanela kuzwelapili kususueza muituti kuitomela ni kupeta? —Mubone cati yeli “ Zekaitutiwa ni Likonkwani za Mwa Kalulo ni Kalulo”
^ para. 4 TEMUSO: Nihaike kuli mwakona kuketa kunyakisisa kalulo yeli “Mubone Litaba Zeñwi” ka nako ya tuto kamba kutokwa, mubange ni nako ya kubala ni kubuha mavidio a mwa kalulo ye hamuitukiseza tuto. Kueza cwalo kuka mitusa kulemuha litaba zakona kutabela muituti wa mina ni zekona kumutusa. Buka ya kubalela fa tupangaliko inani malinki alibisa kwa mavidio kamba kwa litaba zeñwi.
|
ZEKAITUTIWA NI LIKONKWANI ZA MWA KALULO NI KALULO |
|||
|---|---|---|---|
|
LITUTO |
ZEKAITUTIWA |
LIKONKWANI ZA MUITUTI |
|
|
01-12 |
Mukaituta mo Bibele ikona kumituseza ni momukona kubela ni silikani sesinde ni Musimululi wayona |
Mususueze muituti kubalanga Bibele, kuitukisezanga tuto, ni kukala kufumaneha kwa mikopano |
|
|
13-33 |
Mukaituta zaluezelize Mulimu ni moluswanela kumulapelela ka nzila yemutabisa |
Mususueze muituti kutaluseza babañwi niti ya mwa Bibele ni kuba muhasanyi |
|
|
34-47 |
Mukaituta zabata Mulimu kwa batu baba mulapela |
Mususueze muituti kuneela bupilo bwahae ku Jehova ni kukolobezwa |
|
|
48-60 |
Mukaituta zemutokwa kueza kuli muzwelepili kuba mwa lilato la Mulimu |
Mulute muituti kutaluhanya zelukile ku zesika luka ni kuba ni silikani sesinde ni Mulimu |
|
