Jehova u ka felisa bumaswe kaufela b’o Satani a ezize. Jehova u ezize Jesu ku ba Mulena fahalimw’a lifasi-mubu kaufela. Mwatas’a bubusi bwa hae, lifasi-mubu li ka fetulwa paradaisi.—Daniele 7:13, 14; Luka 23:43.

Jehova u sepisa lika zeo:

• LICO ZE ÑATA: “Lifasi li tahisize lukau lwa lona; Mulimu, Yena Mulimu wa luna, u ka lu fuyola.” “Buloto bu ka ba bo buñata mwa naha, mane ni fahalimu a malundu.”—Samu 67:6; 72:16.

• HA KU NA KU BA NI NDWA: “A mu teñi, mu buhe misebezi ya [Jehova, NW], lisinyehelo z’a ezize mwa lifasi. Ki Yena ya yemisize lindwa mwane ni kwa mafelelezo a lifasi.”—Samu 46:8, 9.

• HA KU NA KU BA NI BATU BA BA MASWE: “Kakuli ba ba maswe ba ka yundiswa; . . . Ku sa na ni nakonyana ye nyinyani, mi ya maswe h’a sa na ku ba teñi; E, u ka bata sibaka sa hae, kono si se si ka ba siyo.”—Samu 37:9, 10.

•  HA KU NA MATUKU, MASWABI, KAMBA LIFU: “Meto a libofu kih’a ka tutubuluha, lizebe za bosusu li tibuluhe ni zona. Ibe ya toza u ka tula sina lizwii, lilimi la wa satambi li ka opela za tabo.”—Isaya 35:5, 6.

  “Mi Mulimu u ka ba ni bona, Yena luli, ibe Mulimu wa bona; Mi u ka takula miyoko kaufela kwa meto a bona; mi lifu ha li sa na ku ba teñi; nihaiba ku tahelwa ki maswabi ni ku lila, ni ku utwa butuku, kakuli za pili li felile.”—Sinulo 21:3, 4.

Ka ku fapahana ni Satani hamohocwalo ni badimona, Jehova ni kamuta ha buleli buhata. Lika kaufela za sepisa li lukela ku fita fa ku ba za niti. (Luka 1:36, 37) Jehova wa mi lata mi u bata kuli mu pile mwa Paradaisi yeo a ka eza. Kacwalo mu bonane ni Lipaki za Jehova kuli mu itute ze ñata ka za liniti ze makaza ze fumanwa mwa Linzwi la Mulimu. Haiba mu sebelisa niti mwa bupilo bwa mina, mu ka lukululwa kwa butanga bwa litaba za buhata, tumelo ya za mioya, ni butanga bwa ku tokwa zibo. Nako ha inze i ya, mane mu ka lukululwa kwa butanga bwa sibi ni lifu. Sina Jesu ha n’a bulezi: “Mu ka ziba niti, mi niti i ka mi lukulula.”—Joani 8:32.