TUTO 12
Kubonisa Silikani ni Kutwelo-butuku
1 Matesalonika 2:7, 8
LITABA KA BUKUSWANI: Mubulele ka nzila yebonisa kuli mwalata bateelezi mi mwabaisa pilu.
MWAKUEZEZA CWALO:
-
Muhupule bateelezi. Hamuitukiseza, muhupule miinelo yetaata yebatalimana ni yona bateelezi. Mulike kuikutwa mobaikutwela.
-
Mukete hande manzwi. Mususueze bateelezi, mubaomba-ombe, ni kubatiisa. Musike mwabulela litaba zekona kubafilikanya mi musike mwanyaza babasa lumeli kamba kubulela maswe lituto zebalumela.
-
Mubonise bateelezi kuli mwabaisa pilu. Mubulele ka sishemo ni ka kuitusisa liponiso za lilama za mubili hakuswanela, mi mubonise bateelezi kuli mwabaisa pilu luli. Musike mwasosobanisa sifateho samina mi mumenye.
