Litaba za ku Nyakisisa ni Lubasi lwa Mina

Kiñi ze Fosahalile Mwa Siswaniso Se?

Mu bale Joani 6:5-13. Ki lika mañi ze talu ze fosahalile mwa siswaniso se? Mu ñole likalabo za mina mwa mibamba ye mwatasi, mi mu feleleze siswaniso se ka ku si penta.

1. ․․․․․

2. ․․․․․

3. ․․․․․

LITABA ZA KU AMBOLISANA:

Jesu naa kupile balutiwa ba hae ku kubukanyañi, mi ki kabakalañi ha naa ba kupile ku eza cwalo? Taba yeo i mi lutañi ka za Jesu? Mu kona ku ezañi kuli mu si ke mwa sinya-sinyanga lico?

ZA KU EZA SINA LUBASI:

Mu bale likande leo mwa Bibele hamoho. Haiba kwa konahala, yo muñwi a bale manzwi a bulezwi ki mukandeki, yo muñwi a bale manzwi a Jesu, wa bulalu a bale manzwi a Filipi, mi wa bune a bale manzwi a bulezwi ki Andreasi.

 Mu Buluke Makadi A mi mu Itute

Mu pume, mu pute fahali, mi mu buluke

KADI YA BIBELE 1 JOSHUA

LIPUZO

A. Joshua ni masole ba hae ne ba konile cwañi ku wisa mamota a Jeriko?

B. Mu feleleze manzwi a naa bulezi Joshua, a li: “Haili na, ni ba ndu ya ka, . . . ”

C. Joshua naa zibahala ka libizo lifi le liñwi?

[Chati]

4026 B.C.E. 1 C.E. 98 C.E.

Fa bupelwa Adama Naa pilile ibato ba Buka ya mafelelezo mwa

mwa ma-1500 B.C.E. Bibele ya fezwa ku ñolwa

[Mapa]

Ku tuta ku zwa mwa Egepita ku ya kwa Naha ya Sepiso

EGEPITA

NAHA YA SEPISO

JOSHUA

ZA BUPILO BWA HAE KA BUKUSWANI

Mwanaa Nuni. Na li sikombwa sa Mushe mi hasamulaho naa ketilwe ku etelela Isilaele. (Exoda 33:11; Deuteronoma 34:9; Joshua 1:1, 2) Joshua naa etelezi batu ba Mulimu ka bundume ku ba isa mwa Naha ya Sepiso. Naa sepile lisepiso za Jehova ni ku latelela ketelelo ya Hae, mi naa mu sebelelize ka busepahali.

LIKALABO

A. Ne ba utwile Mulimu ka ku potoloha munzi wa Jeriko.—Joshua 6:1-27.

B. “. . . lu ka sebeleza Muñaa Bupilo.”—Joshua 24:15.

C. Hoshea.—Numere 13:8, 16.

KADI YA BIBELE 2 DANIELE

LIPUZO

A. Ki kabakalañi Daniele ha naa nepezwi mwa musima wa litau?

B. Ki afi mabizo a Siheberu a balikani ba Daniele ba balalu?

C. Daniele naa belekezi mwa mibuso ifi ye mibeli ye ne si ya habo yena?

[Chati]

4026 B.C.E. 1 C.E. 98 C.E.

Fa bupelwa Adama Naa pilile ibato ba Buka ya mafelelezo mwa

mwa ma-600 B.C.E. Bibele ya fezwa ku ñolwa

[Mapa]

Ba zwiswa mwa Jerusalema ku iswa kwa Babilona

Jerusalema

Babilona

DANIELE

ZA BUPILO BWA HAE KA BUKUSWANI

Ku bonahala kuli naa li nabi, mi naa pepezwi mwa lusika lwa Juda. Na li mupolofita ya sepahala ya naa ñozi buka ya Bibele ya Daniele ka ku susumezwa ki Mulimu. Ku bonahala kuli Daniele naa li mutangana ka nako yeo yena ni ba bañwi ba lusika lwa silena ni manduna ne ba isizwe ki Nebukadenezare mwa butanga kwa Babilona.

LIKALABO

A. Naa lapezi ku Jehova, ku eza cwalo niha ne ku hanisizwe.—Daniele 6:6-17.

B. Hanania, Mishaele, Azaria.—Daniele 1:6, 7.

C. Mubuso wa Babilona ni wa Mamede ni Maperesia.—Daniele 5:30; 6:8.

● Likalabo za lipuzo ze fa likepe le, li fa likepe 29

 LIKALABO ZA LIPUZO ZE FA LIKEPE 30

1. Mwa sibaka sa musizana ya sweli lico, ku swanela ku ba mushimani.

2. Mwa sibaka sa maapule a ketalizoho, ku swanela ku ba linkwa ze ketalizoho.

3. Mwa sibaka sa mikuñu ya mbonyi ye mibeli, ku swanela ku ba litapi ze peli.