PUPO YE MAKAZA!

Mafufa A Nyunywani ye Bizwa Emperor Penguin

NYUNYWANI ye bizwa emperor penguin ya kona ku tapa ka lubilo lo lu komokisa mwa mezi ni ku tulela fa mezi a kangezi ka bubebe bo bu komokisa. Kamukwaufi?

Mu nyakisise taba ye: Nyunywani ye, i bulukanga moya mwa mafufa a yona. Ku eza cwalo ha ku tusi feela nyunywani ye ku futumalelwa ha ku bata hahulu kono hape ku ekeza kwa lubilo lwa yona mwa mezi. Kamukwaufi? Licaziba ba tuto ya lika ze pila mwa mawate, ba akaleza kuli nyunywani ye i ezanga cwalo ka ku zwisa moya mwahalaa mafufa a yona. Ha i nze i zwisa moya, moya wo u tahisanga kuli mafufa a yona a si ke a kaka hahulu mezi ili nto ye konisanga nyunywani ye ku ekeza kwa lubilo lwa yona.

Bomanjinela ba sweli ku ituta linzila za mo ba kona ku pangela lisepe ze mata ka lubilo lo lu tuna mwa mezi ka ku itusisa moya ilikuli li si ke za kaka hahulu mezi. Babatisisi ba sweli ku lika ku likanyisa buikoneli bwa nyunywani ye bwa ku tapa ka bunolo mwa mezi. Ba lika ku panga nto ye swana ni mafufa a nyunywani ye, kono ku ba bela taata ku eza cwalo.

Mu bona cwañi? Kana mafufa a nyunywani ye bizwa emperor penguin naa itahezi feela ka ku ipilaula? Kamba kana naa ezizwe ki Mubupi?

[Manzwi a bañi ba siswaniso fa likepe 16]

Penguin: Paul Nicklen/National Geographic Stock

[Siswaniso se si fa likepe 16]

Lifufa la nyunywani ye bizwa emperor penguin

[Manzwi a bañi ba siswaniso]

Feather: Division of Vertebrate Zoology, courtesy of the Peabody Museum of Natural History, Yale University, New Haven, Connecticut, USA