PUPO YE MAKAZA!
Lihutu la Pizi
PIZI i kona ku mata ka lubilo lo lu tuna lo lu kona ku eza likilomita ze 50 mwa hola iliñwi. Nihaike kuli ku eza cwalo ki musebezi o mutuna, pizi i itusisanga feela maata a likani. Nto yeo i konahala cwañi? I konahalanga bakeñisa mwa inezi mahutu a yona.
Mu nyakisise ze ezahalanga pizi ha i mata ka lubilo lo lu tuna. Misifa ya yona ye kona ku namuluha i anyanga maata, mahutu a yona ha hata fafasi, mi sina feela katwa ka ka fasuka, misifa yeo i kutisanga kapili mahutu a yona ili ku kasheza pizi kwapili.
Ku tuha fo, pizi ha i mata ka lubilo lo lu tuna, mahutu a yona a njanjanga hahulu, mi nto yeo i kona ku tahisa kuli misifa ya yona i holofale. Nihakulicwalo, linama za yona za kwa mahutu li tibelanga likolofalo zeo. Babatisisi ba biza mubupehelo wo kuli ki “linama ni misifa ze bupehile ka ku ipitela hahulu” ili ze tahisa kuli pizi i be ni bubebe ni kuli i be ye tiile.
Bomanjinela ba sweli ku lika ku likanyisa mubupehelo wa mahutu a pizi kwa ku panga lipupe za malaiti za mahutu a mane. Nihakulicwalo, ka ku ya ka licaziba ba sayansi ba ba sebeleza kwa muyaho o muñwi wa lipatisiso za sayansi o bizwa Biomimetic Robotics Laboratory o fa sikolo se si pahami sa Massachusetts Institute of Technology, ku ipitela kwa mubupehelo wo, ha ku koni ku likanyiswa ka bunolo ka ku itusisa lika za cwale ni zibo ya cwale ya bumanjinela.
Mu bona cwañi? Kana mubupehelo wa mahutu a pizi ne u itahezi feela ka ku ipilaula? Kamba kana ne u ezizwe ki Mubupi?
Hape Mwendi Mwakona Kutabela Litaba Ze
MUZUHE!
Mubala Obenya wa Ndilu Obonahalanga fa Muselo wa Pollia
Muselo wo haki wa mubala wa ndilu. Kono ki nto mañi yetahisanga kuli ubonahale inge kuli ki wa mubala obenya wo?
MUZUHE!
Boya Bwa Mbao ya Mwa Liwate
Lifolofolo zeñwi zepila mwa mawate mokunani mezi abata hahulu, linani mukita omutuna wa mafula mwatasaa litalo zazona ili olitusa kufutumalelwa. Mbao ya mwa liwate yona iitusisanga nzila isili kuli ifutumalelwe.
MUZUHE!
Mululelo wa Muka Yepanga Linosi
Ki nto mañi yetahisa kuli mululelo omunde ili obunolo wa muka yepanga linosi ukone kutusa batu kupanga hande maroboti akona kufufa?
MUZUHE!
Butwa Bwa Kwa Sahara Bobubonahala Inge Silivera Bobubupehile ka Nzila Yebusileleza Kwa Kucisa
Butwa bobuipitezi bo ki bobuñwi bwa lifolofolo zekona kutiyela kucisa. Ki nto mañi yetusa butwa bo kutiyela kucisa hahulu?
MUZUHE!
Tunaka Twa Liñongolo za Mwa Mawate
Liñongolo za mwa mawate likumalelanga kwa lika zeñwi ka kuitusisa tunaka tolinani tona. Kuutwisisa motusebeleza tunaka to kwakona kutusa batu kufumana linzila zenca zende za mwakungungahanyeza lisebeliso zeñwi kwa miyaho, kamba kuswalanisa misifa ni masapo.
