Bibele Ibulelañi?
Kiñi zeezahalanga kuluna halushwa?
BATU BABAÑWI BALUMELA KULI luzwelangapili kupila mwa sibupeho sisili, kono babañwi bona balumela kuli lifu ki ona mafelelezo a bupilo. Mina mulumelañi?
ZEIBULELA BIBELE
“Ba ba shwile ha ba na se ba ziba.” (Muekelesia 9:5) Halushwa, lutuhela kubateñi.
LITABA ZEÑWI ZELUITUTA MWA BIBELE
Mutu wapili yena Adama, naakutezi kwa liluli hanaashwile. (Genese 2:7; 3:19) Ka mukwa oswana, batu kaufela babashwanga bakutelanga kwa liluli.—Muekelesia 3:19, 20.
Batu babashwile baswalezwi kamba balukuluzwi kwa libi zabona. (Maroma 6:7) Habazwelangipili kufiwa koto bakeñisa libi zene baezize basika kashwa kale.
Kana babashwile bakapila hape?
NEMUKA ALABA CWAÑI?
Eni
Batili
Mwendi
ZEIBULELA BIBELE
“Ku ka ba ni zuho.”—Likezo 24:15.
KI LIKAMAÑI ZEÑWI ZELUKONA KUITUTA MWA BIBELE?
Bibele hañata ibapanyanga mutu yashwile ku yalobezi. (Joani 11:11-14) Mulimu waakona kuzusa batu babashwile, sina feela molukona kuzuseza mutu yalobezi.—Jobo 14:13-15.
Mwa Bibele kunani litaba zeñata zebulela ka za zuho, ili zelufa buikolwiso bobutiile bwa kuli babashwile baka zusiwa.—1 Malena 17:17-24; Luka 7:11-17; Joani 11:39-44.
Hape Mwendi Mwakona Kutabela Litaba Ze
MUZUHE!
Bibele I Bulelañi ka za Lifu?
Ki lika mañi ze ezahalanga mutu ha shwa? Kana ku na ni sepo ya kuli lu ka kopana hape ni balatiwa ba luna ba ba shwile? Mu nyakisise likalabo ze mwa Bibele ze omba-omba kwa lipuzo ze ama lifu.
LIKALABO KWA LIPUZO ZA BIBELE
Zuho ya Bafu ki Nto Mañi?
Mwendi mukakomoka hahulu hamuka ziba kuli ki bo mañi babaka zusiwa kwa bafu.
