Mo Ba Itiiseza kwa Sineneketo ya Litaka

TAKAZO ya ku amuhelwa i isa ba bañata kwa ku nahana ni ku eza mo ba ezeza litaka za bona. Sihulu ba banca ba tokwa m’ata a ku hana likezo ze maswe, ze cwale ka ku itusisa milyani ye kola ni buhule. Ba kona ku itiisa cwañi kwa sineneketo ya litaka?

Cwanoñu fa, basizana ba babeli ba ba sa nonoboka mwa Poland ne ba ñozi kuli: “Moya wa lifasi wa iponahaza hande ku ba bañata ba litaka za luna. Ba kopisa mwa litatubo, ba na ni lipulelo ze masila, mi ba lata mitinelo ya nyaulu ni lipina za buipanguli, za buhule. Ki tabo hakalo kuli lu na ni litaba ze ñolelwa luna ba banca ili ze lu sileleza kwa likukuezo za banana ba ba zwafile ni ku ipangula!

“Ha lu na manzwi a ku talusa ka ona buitebuho bwa luna kwa litaba za Tora ya ku Libelela ze lu zibisize kuli luna ba banca lwa tokwiwa ni ku itebuhiwa. Kelezo ya mwa Bibele ye lu amuhezi i lu tusize ku otolola hande mihato ya luna ilikuli lu zwelepili ku tabisa Jehova Mulimu. Lu kolwa kuli ku sebeleza Jehova ka busepahali ki ona mupilelo o munde ka ku fitisisa.”

Ee, ba banca ba kona ku itiisa kwa sineneketo ya litaka. Ka ku twaeza “kutwisiso” ya bona, ba banca ba Sikreste ba ituta ku eza likatulo ze butali ze si za “moya wa lifasi” kono ili za “Moya o zwa ku Mulimu.”—Maheberu 5:14; 1 Makorinte 2:12.