Lika Ze Sa Libalwi

KA SILIMO, Lipaki za Jehova mwa linaha za bona ba kopananga hamoho kwa mikopano ya Sikreste ye minyinyani ni ye mituna. Ze ba ezezanga cwalo kikuli ba ikole taelo ye yahisa kwa moya ni swalisano. Kono likalulo ze ñwi za mikopano ya bona ni zona ha li koni ku libalwa ki bapoti.

Ka mutala, ka July 1999, Lipaki b’a likiti-kiti mwa Mozambique ne ba putehani ka mazazi a malalu a susueza kwa Mikopano ya Sikiliti ya “Linzwi la Bupolofita la Mulimu.” Ba bañata kwa baputehi ne ba tile kwa mukopano lwa pili. Ne ba tabisizwe isi fela ki manzwi e ne ba utwile fa libulelelo kono hape ni ze ne ba iponezi teñi k’o.

Mutu yo muñwi n’a bulezi cwana ka za Ndu ya Mukopano ya mwa Maputo: “Na li ku ba ni bone sibaka se sinde cwalo! Mwa matapelo ne ku na ni mulola ni liiponi, mi mane ne li nunka hande. Sibaka ne si kuzize ku si na lilata la banana ba ba lwana. Mi ku kasha-kashana ne ku si yo! Ne ni iponezi banana ba ba tabile inze ba ambola ka ku susuezana. Hape ne ni tabisizwe ki mwa n’a tinezi hande mañi ni mañi. Nako ye tatama, ni ka taha ni bana ba ka ni ku kolwisa munn’a ka kuli lu lukela ku ya kwa mukopano wo.”

Kaniti, busepahali ni bukeni bwa Lipaki za Jehova bwa bonahalanga. Ki kabakalañi Lipaki ha ba fapana? Kakuli ba lika ha buniti ku sebelisa ze ba ituta mwa Bibele. Mu like fela ku kopana ni bona unomwaha kwa mikopano ye mituna ya mwa naha ya mina kamba kwa mikopano ya bona ya ka viki kwa Ndu ya Mubuso ya fa silalanda kuli mu iponele ili mina.

[Siswaniso se si fa likepe 32]

ZAMBIA

[Siswaniso se si fa likepe 32]

KENYA

[Siswaniso se si fa likepe 32]

MOZAMBIQUE